ខេត្តពោធិ៍សាត់៖ កម្លាំងចម្រុះខេត្តពោធិ៍សាត់ព័ទ្ធចាប់រថយន្តឡិចស៊ីសដឹកឈើក្រាក់ គ្រញូងកាលពីព្រឹកថ្ងៃទី៥ ខែវិច្ឆិកា ២០១៥ នៅលើកំណាត់ផ្លូវជាតិលេខ៥ ស្ថិតក្នុងក្បាលដំរី ឃុំអន្សាចបក់ក្រគរ ខេត្តពោធិ៍សាត់ ។
ប្រភពពីកម្លាំងចម្រុះបានឲ្យដឹងថា រថយន្តដឹកក្រាក់គ្រញូងត្រូវបានចាប់ម៉ាកឡិចស៊ីស ពណ៍ស ពាក់ស្លាកលេខ ភ្នំពេញ 2Q 7761 ដឹកឈើក្រាក់គ្រញូងចំនួន៤៩ដុំ មានទម្ងន់២១៥គីឡូក្រាម ស្មើនឹង០,១៧៩ម៉ែត្រគូប ។
ប្រភពបន្តថា រថយន្តដឹកបទល្មើសត្រូវបានឃាត់ កម្លាំងសង្ស័យជារថយន្តមើលផ្លូវអោយបទល្មើស ព្រោះឃើញបើកទៅមកៗ ធ្វើអោយសមត្ថកិច្ចកាន់តែសង្ស័យក៏តាមប្រម៉ាញ់ចាប់បឆនតែម្តង ចំណែកអ្នកបើបរបើកទ្វាររត់គេចខ្លួន គ្រានោះសមត្ថកិច្ចកាន់តែមានការសង្ស័យ បើគូទរថយន្តក៏ឃើញសុទ្ធតែឈើក្រាក់ក្រញូង ។
ប្រភពបន្តទៀតថា វត្ថុតាងត្រូវបានរឹបអូសយកមករក្សាទុកនៅខណ្ឌរដ្ឋបាលព្រៃឈើខេត្តពោធិ៍សាត់ ៕
ដោយ៖ ម៉ឹប ពិន
