ភ្នំពេញ៖ ថ្លែងជាសាធារណៈនៅចំពោះប្រជាពលរដ្ឋរាប់រយនាក់ក្នុងពិធីបើកការដ្ឋានគម្រោងមូលនិធិអភិវឌ្ឍន៍ខណ្ឌ សង្កាត់ឆ្នាំ២០១៥ នៅព្រឹកថ្ងៃទី៦ ខែវិច្ឆិការ ឆ្នាំ២០១៥ លោកអ៊ាង ស៊ីផាន អភិបាល នៃគណៈអភិបាល ខណ្ឌច្បារអំពៅបានសន្យាថា នៅឆ្នាំ ២០១៦ខាងមុខនេះ ពាក្យថាទឹកលិចផ្លូវ លិចផ្ទះ លែងមាន ទៀតហើយ ដោយ សារប្រព័ន្ធលូ រំដោះទឹកជំនន់ ជាច្រើនខ្សែបាននិងកំពុងតែស្ថាបនានៅសង្កាត់ទាំង៨ ក្នុង ខណ្ឌច្បារអំពៅ ជាពិសេស នៅក្នុងសង្កាត់ច្បារអំពៅទី១ ច្បារអំពៅទី២ និងសង្កាត់ និរោធ ដែលតែងតែលិចផ្លូវ លិចផ្ទះ រៀងរាល់ ដោយជំនន់ ទឹក ភ្លៀងព្រោះខូចប្រព័ន្ធលូ ឥឡូវនេះប្រព័ន្ធលូមេ១ខ្សែប្រវែងជិត៥០០ម៉ែត្រ មុខកាត់១ម៉ែត្រ អតីតជាព្រែក បារាំង ស្ថាបនារួចរាល់ហើយ និងប្រព័ន្ធលូជាច្រើនខ្សែទៀតកំពុងស្ថាបនាជាបណ្តើរៗ ។
ក្នុងពិធីបើកការដ្ឋាន គម្រោងមូលនិធិអភិវឌ្ឍន៍ ខណ្ឌ សង្កាត់ឆ្នាំ២០១៥ នេះដែរ មានការចូលរួមពី លោក-លោកស្រី ជាចៅ សង្កាត់ទាំង៨ តំណាងក្រុម ហ៊ុនដែលឈ្នះការដេញថ្លៃក្នុងការអនុវត្តគម្រោង មន្ត្រីការិយាល័យជុំវិញខណ្ឌ និងប្រជាពលរដ្ឋប្រមាណជាង៣០០នាក់ផងដែរ ។
ក្រៅពីការសន្យាថា ឆ្នាំក្រោយលែងមានទឹកលិចផ្លូវ លិចផ្ទះទៀតនោះ លោក អភិបាល ខណ្ឌផ្តាំផ្ញើបន្តថា មុនពេលចាប់ផ្តើមអនុវត្តគម្រោង អាជ្ញាធរសង្កាត់និងមន្ត្រី ពាក់ព័ន្ធត្រូវជូនដំណឹងដល់ប្រជាពលរដ្ឋដែលនៅតាមបណ្តោយទីតាំងស្ថាបនាការដាក់ប្រព័ន្ធលូ ជួសជុលលូ ជួសជុលផ្លូវ និងស្ថាបនាផ្លូវ មិនត្រូវធ្វើអ្វីអោយប៉ះពាល់ដល់ប្រជាពលរដ្ឋជាដាច់ខាត បើប៉ះពាល់នៅកន្លែងណាត្រូវចុះទៅសំពះសុំការយោគយល់ពីប្រជាពលរដ្ឋ ។ គម្រោងមូលនិធិអភិវឌ្ឍន៍ខណ្ឌ សង្កាត់នៅក្នុងថ្នាំនេះ ផ្តោតសំខាន់ទៅលើការស្ថាបនាប្រព័ន្ធលូមេ និងជួសជុល ប្រព័ន្ធផ្សេងៗទៀត ដើម្បីរំដោះទឹកជំនន់មិនអោយលិចលង់ផ្ទះ ផ្លូវ ទៀតឡើយ ។
ក្នុងពេលអនុវត្តគម្រោងសូមបងប្អូនប្រជាពលរដ្ឋដែលនៅតាមបណ្តោយទីតាំងកំពុងស្ថាបនាត្រូវចូលរួមពិនិត្យមើលទាំងអស់គ្នា ជាមួយមន្ត្រីជំនាញដើម្បីតាមដាននូវរាល់សកម្មភាពរបស់ក្រុមហ៊ុនដែលទទួលបានសិទ្ធក្នុងការស្ថាបនាប្រព័ន្ធលូ និងផ្លូវ ព្រោះសមិទ្ធិផលទាំង អស់ នេះគឺជារបស់យើងទាំង អស់គ្នា ជារបស់រួម ទុកសម្រាប់ប្រើប្រាស់រយៈពេលយូ ។ ដោយឡែកមន្ត្រីសា លាខណ្ឌទាំងអស់ត្រូវដាក់ចិត្ត ដាក់កាយបំរើប្រជាពលរដ្ឋប្រកបដោយឆន្ទះពិតប្រាកដ ត្រូវចាត់ទុកប្រជាពលរដ្ឋគឺជាម្ចាស់ យើងគឺជាអ្នកបំរើនិង ត្រូវឆ្លុះកញ្ចប់ ងូតទឹក ដុក្អែល និងព្យាបាល ។
ក្នុងន័យនេះចង់បញ្ជាក់ថា មន្ត្រីរដ្ឋបាលខណ្ឌទាំងអស់ត្រូវឆ្លុះកញ្ចក់មើលខ្លួនឯង បើមានប្រឡាកត្រង់ណា ត្រូវងូតទឹកដុសក្អែលដោយខ្លួនឯង បើមិនទាន់ជ្រះស្អាត់ទេ ប្រញាប់ទៅព្យាបាល ជាពិសេសត្រូវអនុវត្តការងារអោយមានតម្លារភាព គណនេយ្យភាព មិនត្រូវ ប្រព្រត្តឹអំពើពុករលួយកេងប្រវ័ញ្ចថវិការរដ្ឋជាដាច់ខាត ។ ចំពោះក្រុមហ៊ុនដែលឈ្នះការដេញថ្លៃ ត្រូវអនុវត្តគម្រោងទៅ តាមបទដ្ឋានបច្ចេកទេសនៃសំណង់ ដើម្បីទុកជាគុណ ប្រយោជន៍រួមទាំងក្រុមហ៊ុននិងប្រជាពលរដ្ឋដែលជាម្ចាស់សមិទ្ធិផល ៕
ដោយ៖ សណ្តោស
