ភ្នំពេញ៖ ក្នុងជំនួបពិភាក្សាការងារ រយៈពេលជិត២ម៉ោងកាលពីថ្ងៃទី៦ ខែ វិច្ឆិកា ឆ្នាំ២០១៥ រវាងលោកនាយឧត្ដម សេនីយ៍ ទៀ បាញ់ ឧបនាយករដ្ឋមន្ដ្រី រដ្ឋមន្ដ្រីក្រសួងការពារជាតិជាមួយលោក នាយឧត្ដមសេនីយ៍ Chang Wanquan រដ្ឋមន្ដ្រីការពារប្រទេសសាធារណរដ្ឋ ប្រជាមានិតចិន ភាគីទាំង២បានសន្យា បន្ដពង្រឹងកិច្ចសហប្រតិបត្ដិការគ្នាទៅ វិញទៅមកឱ្យកាន់តែជិតស្និទ្ធស្អិតល្មួត បន្ថែមទៀត ក្នុងនោះភាគីចិននឹងបំពេញ បន្ថែមនូវជំនួយដែលបានជួយមកកម្ពុជាកន្លងមក ។
លោកនាយឧត្ដមសេនីយ៍ឧបនាយក រដ្ឋមន្ដ្រី រដ្ឋមន្ដ្រីការពារជាតិបានមាន ប្រសាសន៍បែបនេះក្រោយជំនួបពិភាក្សាគ្នាដែលផ្ដល់លទ្ធផលយ៉ាងល្អប្រសើរ ជាពិសេសដំណើរទស្សនកិច្ចរបស់ប្រមុខកងទ័ពចិនលើកនេះនិងនាំមកនូវអ្វីៗ ដែលកន្លងមកមានកិច្ចសហប្រតិបត្ដិការគ្នាជាបន្ដបន្ទាប់នោះកាន់តែបញ្ជាក់ ច្បាស់ថែមទៀតរាល់កិច្ចសហប្រតិបត្ដិការទាំងនោះថាមានបញ្ហាអ្វីដែលសេសសល់ ខ្វះខាតនឹងបំពេញបន្ថែមឱ្យបាន ពេញលេញថែមទៀត ។
លោកនាយឧត្ដមសេនីយ៍បន្ថែមទៀតថា ភាគីទាំង២ក៏បានចុះហត្ថលេខាលើ កិច្ចព្រមព្រៀងមួយចំនួនដូចជាកិច្ចសហប្រតិប្ដិការបំពេញបន្ថែមសម្រាប់វិទ្យុ ទាក់ទងក្នុងកងទ័ពធ្វើឱ្យវិស័យទូរគមនាគមន៍នេះមានភាពរីកចម្រើនមួយកម្រិត ថែមទៀត ។
ចំពោះប្រព័ន្ធការពារដែនអាកាស ដែលចិនបានជួយកម្ពុជាគឺមានហើយ ប៉ុន្ដែនៅមិនទាន់ជាទីពេញចិត្ដនៅសល់ចន្លោះប្រហោងខ្វះ ។ ដូច្នេះយើងត្រូវ បំពេញបន្ថែមឱ្យប្រសិទ្ធភាពកាន់តែខ្ពស់ ដល់កិច្ចការពារក្នុងរង្វង់រយៈចម្ងាយកាន់តែឆ្ងាយឡើងមិនមែនមានត្រឹមតែលី លើស្មាល្បឿនយឺតនោះទេ គឺឈានដល់ ការបំពាក់បំពេញបន្ថែមដល់ធុនដែល បាញ់ឆ្ងាយហើយលឿនៗមិនអាចគេច បាន នោះគឺអ្វីដែលយើងចង់បាន ។
ចំពោះសម្ភារជាជំនួយរបស់ចិនគឺ ជួយពង្រឹងមួយផ្នែកណាដល់វិស័យការ ពារជាតិរបស់កម្ពុជាសំខាន់បំផុតផ្នែកហ្វឹកហ្វឺនក៏ដូចជាជួយរៀបចំមូលដ្ឋានឬ ហៅថាហេដ្ឋារចនាសម្ព័ន្ធរបស់កងទ័ព ដូចជាសាលាហ្វឹកហ្វឺនគ្រឿងឧបទ្ទេស សម្រាប់សិក្សារហូតដល់ការរៀបចំរោងជាងជួសជុលអាវុធយុទ្ធភណ្ឌមូយចំនួន ថែមទៀត ។ ក្នុងនោះកម្ពុជាត្រូវការ លំហាត់ហ្វឹកហ្វឺនបច្ចេកទេសឬការរៀបចំបច្ចេកវិទ្យាថ្មីៗ ការវិវត្ដន៍ យើងត្រូវតែ បំពេញវាមុននិងគ្រឿងបំពាក់ត្រូវបាន ប្រើប្រាស់តោងតែត្រូវការហ្វឹកហាត់ ហ្វឹកហ្វឺនរៀនសូត្រអំពីការប្រើប្រាស់អ្វី ដែលយើងខ្វះត្រូវទៅរៀនព្រោះគ្រឿង សម្ភារបច្ចេកទេសខ្លះវាវិវត្ដន៍ទៅមុខជា និច្ចមិនមែននៅហ្នឹងថ្កល់ ហើយរបស់ មួយចំនួនវាចាស់ក៏ត្រូវតែសិក្សាថាតើ កែលម្អវារបៀបណា? នេះជាវិធីបំពេញ បន្លែម ៕
ដោយ៖ សុខដុម
