ភ្នំពេញ៖ ក្រុមជនសង្ស័យពីរនាក់ បានជិះម៉ូតូនិចមួយគ្រឿង ឌុបគ្នាធ្វើសកម្មភាពឆក់កាបូបពីនារីម្នាក់ កំពុងតែធ្វើដំណើរតាមផ្លូវបានសម្រេច តែសំណាងមិនល្អ ក៏ដួលម៉ូតូ ត្រូវប្រជាពរដ្ឋដែលឃើញហេតុការណ៍នោះ ឡោមពទ្ធ័ចាប់បាន ស្វាគមន៍ឡើងចាស់ដៃ ធ្វើឲ្យជនសង្ស័យទន់ខ្លួន និងប៉ោងមុខមាត់ ទើបសមត្ថកិច្ចមកដល់ ។
ក្នុងហេតុការណ៍នេះដែរ បានកើតឡើងកាលពីវេលាម៉ោង ៨ និង៤០នាទីយប់ ថ្ងៃចន្ទ ២រោច ខែចេត្រ ឆ្នាំរកា នព្វស័ក ព..២៥៦១ ត្រូវនឹងថ្ងៃទី០២ ខែ មេសា ឆ្នាំ ២០១៨ ស្ថិតនៅតាមបណ្តោយផ្លូវ ៤៥០កែងផ្លូវ១៥៥ សង្កាត់ ទួលទំពូងទី១ ខណ្ឌចំការមន រាជធានីភ្នំពេញ ។
យោងតាមប្រភពព័ត៌មានពីកន្លែងកើតហេតុបានឲ្យដឹងថា នៅមុនពេលកើតហេតុ នារីជាជនជាតិវៀតណាមម្នាក់បានជិះលើកង់បីសំដៅទៅផ្ទះហើយក៏បានដាក់កាបូបនៅជិតខ្លួនស្រាប់តែពេលដល់ចំណុចកើតហេតុលេចមុខជនសង្ស័យ២នាក់ជិះម៉ូតូម៉ាកនិចមួយគ្រឿងបិទពណ៌ប្រផេះពាក់ស្លាកលេខភ្នំពេញ 1GQ-2951 មកពី
ក្រោយធ្វើសកម្មភាពឆក់កាបូបដែរដាក់នៅលើកង់បីជិតខ្លួននារីម្នាក់នោះបានសម្រេចហើយព្យាយាមបើករត់បានក្រឡាច់ណ្តាលឲ្យជនសង្ស័យនោះដួលត្រូវបានប្រជាពលរដ្ឋស្វាគមន៏ម្នាក់មួយដៃមួយជើងម៉ាទ្រូមខ្លួនបានប្រគល់ឲ្យសម្ថកិច្ច ។
សមត្ថកិច្ចមូលដ្ឋាបបានឲ្យដឹងថា ជនសង្ស័យដែរជាអ្នកឌុបនោះមានឈ្មោះ នី រស្មី អាយុ ១៦ឆ្នាំ មុខរបរ សិស្ស ស្នាក់នៅក្នុងសង្កាត់បឹងត្របែក ខណ្ឌចំការមន ។ ចំណែកជនសង្ស័យដែរជិះពីក្រោយធ្វើសកម្មភាពឆក់នោះមានឈ្មោះ សុវណ្ណ ភ័ត្រា អាយុ ១៦ ស្នាក់នៅច្បារអំពៅ។
ក្រោយកើតហេតុជនរងគ្រោះបានមកដាក់ពាក្យបណ្ដឹងនៅប៉ុស្តិ៍ទួលទំពូង១រួចរាល់ហើយដែរ។
បច្ចុប្បន្នជនសង្ស័យទាំងពីរនាក់ត្រូវបានាំខ្លួនមកប៉ុស្តិ៍នគរបាលផ្សារដើមថ្កូវ ដើម្បីសាកសួរនិងធ្វើកំណត់ហេតុកសាងសំណុំរឿងបញ្ជូនទៅសាលាដំបូងរាជធានីភ្នំពេញចាត់តាមវិតិនិធីនៃច្បាប់៕ ដោយ៖ ភារ៉ា ដង្កោ
