មណ្ឌលគិរី៖ ប្រជាពលរដ្ឋក្នុងឃុំស្រែឈូក ស្រុកកែវសីមា បានសម្តែងភាពសប្បាយរីករាយយ៉ាងខ្លាំងដែលបានទទួលអណ្តូងស្នប់សំរាប់ប្រើប្រាស់ ខណៈស្រុកនេះកំពុងជួបបញ្ហាខ្វះទឹក។ អណ្តូងទាំងនោះត្រូវបាន អភិបាល ខេត្តមណ្ឌលគិរី ឯក ឧត្តមអេង ប៊ុនហ៊ាង ចុះទៅសម្ពោធដាក់អោយប្រើប្រាស់ជាផ្លូវការ កាលពីថ្ងៃទី ៦ ខែកក្កដានេះ ដោយមានការអញ្ជើញចូលរួម ពីមន្ត្រីរាជការ កម្លាំងសម្ថកិច្ចនគរបាល និងអាវុធហត្ថផងដែរ។
លោកឡុង វិបុល អភិបាលក្រុងសែនមនោរម្យ ដែលជាអ្នករៀបចំកម្មវិធី បានអោយដឹងថា អណ្តូងដែលសម្ពោធនាពេលនេះ ចំនួន៩អណ្តូង ដែលជាជំនួយពី ក្រុមហ៊ុន រើនេសង់ មីនើរ៉ល់ ខែមបូឌា លីមិតធីត តាមរយៈឯកឧត្តមអភិបាល ខេត្តមណ្ឌលគិរី។ ក្រៅពីអណ្តូងក្រុមហ៊ុននេះក៏ បានជួយកសាង មណ្ឌលសុខភាព មួយន្ថែមទៀត ដែលនឹងបើកការដ្ឋានសាង សង់ក្នុងពេលឆាប់ៗនេះផងដែរ។
មានប្រសាសន៍ផ្តាំផ្ញើរ ក្នុងឳកាសនោះ អភិបាលខេត្តមណ្ឌលគិរី ឯកឧត្តម អេង ប៊ុនហ៊ាង បាន ជម្រុញអោយ ប្រជាពលរដ្ឋ មានការកែច្នៃក្នុងការ ចិញ្ចឹមសត្វ ដាំដុះ ដំណាំរួមផ្សំផ្សេងៗ នៅក្នុងភូមិ ជាលក្ខណៈគ្រួសារ ដើម្បីរកចំណូលបន្ថែម ក្រៅពីចំការដំាណាំ ប្រសើរជាងទុកដីនៅទំនេរចោល។
