ភ្នំពេញ៖ មានករណីផ្ទុះអាវុធមួយគ្រាប់បណ្តាលឲ្យមនុស្សម្នាក់រងរបួស ហើយត្រូវបញ្ជូនទៅកាន់មន្ទីរពេទ្យកាល់ម៉ែត ។ ហេតុការណ៍នេះបានកើតឡើងកាលពីវេលាម៉ោង១១និង៣០នាទីព្រឹក ថ្ងៃទី៧ ខែកក្កដា ឆ្នាំ២០១៥ ស្ថិតនៅតាមបណ្តោយផ្លូវលេខ២៧១ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។

ជនរងគ្រោះមានឈ្មោះ អាន រង្សី ភេទប្រុស អាយុ១៩ឆ្នាំ ស្នាក់នៅផ្ទះជួល ក្នុងសង្កាត់បឹងត្របែក។

ករណីផ្ទុះអាវុធនេះត្រូវគេរាយការណ៍មកថា កើតឡើងដោយសារតែរេកៃកាំភ្លើង ។ ប៉ុន្តែទោះបីយ៉ាងណា សមត្ថកិច្ចជំនាញកំពុងស្រាវជ្រាវ មិនទាន់ដឹងច្បាស់ថា ជាករណីអ្វីនៅឡើយទេ ៕ ស រស្មី