ភ្នំពេញ៖ នគរបាលប៉ុស្ដិ៍ឃ្មួញបាន ឃាត់ខ្លួនមន្ដ្រីនគរបាលមានឋានៈអនុ សេនីយ៍ទោម្នាក់ដែលបម្រើការងារនៅ នាយកដ្ឋានការពារនិងជាអ្នកបើកបររថយន្ដ របស់មន្ដ្រីមានអំណាចម្នាក់បន្ទាប់ពីបានដកកាំភ្លើងខ្លីម៉ាកK54ភ្ជង់និងទាត់ធាក់ស្ដ្រីមានផ្ទៃពោះ៧ខែម្នាក់បណ្ដាលធ្លាក់ឈាមរបួសធ្ងន់ធ្ងរត្រូវដឹកទៅសង្គ្រោះ នៅមន្ទីរពេទ្យមិត្ដភាពខ្មែរ-សូវៀតជា បន្ទាន់ ។
ហេតុការណ៍នេះបានកើតឡើងកាលពីវេលាម៉ោង៨យប់ថ្ងៃទី៥ ខែវិច្ឆិកា ឆ្នាំ ២០១៥ ស្ថិតនៅភូមិសែនសុខ៥ សង្កាត់ ឃ្មួញ ខណ្ឌសែនសុខ ។
ស្ដ្រីរងគ្រោះឈ្មោះ មិត្ដ សុភណ្ឌ អាយុ៤២ឆ្នាំ ស្នាក់នៅភូមិសែនសុខ៥ សង្កាត់ឃ្មួញ ខណ្ឌសែនសុខ រងរបួស ធ្លាក់ឈាមត្រូវបានក្រុមគ្រួសារដឹកយកទៅព្យាបាលនៅមន្ទីរពេទ្យមិត្ដភាពខ្មែរ-សូវៀត ។ ចំណែកជនបង្កឈ្មោះ ចាន់ សារិន ភេទប្រុសអាយុ៤២ឆ្នាំ ជាមន្ដ្រី នគរបាលពាក់ស័ក្ដិ២បម្រើការនៅ នាយកដ្ឋានការពារ ។
ស្ដ្រីម្នាក់ឈ្មោះ ឈុន សារុន អាយុ ៣៦ឆ្នាំ ជាអ្នកដែលបានឃើញហេតុ ការណ៍នេះបានឱ្យដឹងថា នៅមុនពេល កើតហេតុគាត់បានឃើញជនបង្កទៅរុះ រើខ្សែភ្លើងដែលតនៅផ្ទះស្ដ្រីរងគ្រោះ។ ក្រោយមកស្រាប់តែឈ្លោះប្រកែកគ្នា បានកើតឡើងរវាងស្ដ្រីរងគ្រោះនិង ជនបង្កហើយភ្លាមនោះប្រពន្ធជនបង្កក៏ ចូលមកក្នុងផ្ទះនេះដោយបានឃើញជនបង្កកំពុងចាប់ស្ដ្រីពោះធំ៧ខែនោះបោក ផ្ទប់ទៅនឹងម៉ូតូហើយទាត់ធាក់១ជើងចំ កណ្ដាលពោះបណ្ដាលឱ្យស្ដ្រីពោះធំនោះ ដួលនិងមានហូរឈាម ។ ពេលឃើញ ដូច្នោះទើបមានបងប្អូនចេញមកជួយ ឃាត់តែត្រូវបានជនបង្កដកកាំភ្លើងខ្លីពីចង្កេះភ្ជង់ទាំងអ្នកមកជួយទៀត ។ ពេល នោះបងប្អូនស្ដ្រីរងគ្រោះក៏ចេញមក ប្រតាយប្រតប់ជាមួយជនបង្កហើយបាន រាយការណ៍ទៅសមត្ថកិច្ចឱ្យមកជួយធ្វើ អន្ដរាគមន៍និងឃាត់ខ្លួនជនបង្កយកមក ប៉ុស្ដិ៍នគរបាលឃ្មួញដើម្បីសាកសួរតែម្ដង។
នៅចំពោះមុខសមត្ថកិច្ចបុរសដែលជាជនបង្កហេតុបាននិយាយថា កន្លងមក គ្រួសារគាត់និងគ្រួសារស្ដ្រីរងគ្រោះមិន ត្រូវគ្នាទេតែងតែមានរឿងឈ្លោះគ្នា ហើយមិនដែលនិយាយរកគ្នាយូរមក ហើយ ។ លុះមកដល់ថ្ងៃកើតហេតុផ្ទះគាត់ បានដាច់ភ្លើងពេលនោះគាត់ក៏បានដើរ ទៅប្រាប់ឪពុកស្ដ្រីរងគ្រោះថា “ឱ្យកូនពូ យកខ្សែភ្លើងដែលចងជាប់នឹងខ្សែភ្លើង របស់ខ្ញុំចេញទៅព្រោះខ្ញុំត្រូវយកខ្សែនេះទៅតកន្លែងផ្សេង” ។ ពេលនោះឪពុក របស់ស្ដ្រីនោះមិនបានថាអីទេស្រាប់តែ ស្ដ្រីខាងលើចេញមកជេរប្រមាថគាត់ ទើបបង្កឱ្យមានជម្លោះកើតឡើងនិងឈាន ដល់ប្រតាយប្រតប់គ្នាទៅ ។
គាត់បន្ដទៀតថា គាត់មិនបានដក កាំភ្លើងភ្ជង់ឬវាយស្ដ្រីរងគ្រោះនោះគឺស្ដ្រីមានផ្ទៃពោះនោះរត់ដួលដោយខ្លួនឯង។ ប៉ុន្ដែទោះបីជាជនបង្កឆ្លើយបែបនេះក៏ ដោយសមត្ថកិច្ចនៅតែឃាត់ខ្លួនបុរស រូបនេះទៅប៉ុស្ដិ៍នគរបាលរដ្ឋបាលឃ្មួញ ដើម្បីកសាងសំណុំរឿងបញ្ជូនទៅអធិការ ដ្ឋាននគរបាលខណ្ឌសែនសុខចាត់ការ បន្ដតាមច្បាប់ ៕
ដោយ៖ តុង សីហា
