ភ្នំពេញ៖ យ៉ាងហោចណាស់ យុវជនម្នាក់បានស្លាប់ភ្លាមៗនៅនិងកន្លែង និងមនុស្ស៣នាក់ទៀតរងរបួសយ៉ាងធ្ងន់ធ្ងរ ខណៈពេលដែរជនរងគ្រោះទាំង៤នាក់ ជិះម៉ូតូមួយគ្រឿងឌុបគ្នា ហើយត្រូវបានរថយន្តTACOMA បើកពន្លះពីក្រោយពេញទំហឹង កាលពីវេលាម៉ោង១១ និង៣០នាទីយប់ ថ្ងៃទី៦ ខែមេសា ឆ្នាំ២០១៨ នៅត្រង់ចំណុចហាងលក់បាយ និងបាញ់ឆែវ តាមបណ្ដោយផ្លូវលេខ១៦៣ កែងនិងផ្លូវលេខ៤៦០ ស្ថិតក្នុងសង្កាត់ទួលទំពូងទី២ ខណ្ឌចំការមន រាជធានីភ្នំពេញ ។

‎បើតាមសាក្សីពីប្រជាពលរដ្ឋនៅកន្លែងកើតហេតុបានឲ្យដឹងថា មុនពេលកើតហេតុគេបានឃើញយុវជន៤នាក់ជិះម៉ូតូមួយគ្រឿងម៉ាកវីវ៉ា ពណ៍ខ្មៅ ពាក់ស្លាកលេខភ្នំពេញ1AO- 5990 ធ្វើដំណើរតាមបណ្តោយផ្លូវលេខ ១៦៣ ក្នុងទិសដៅពីជើងទៅត្បូងក្នុងល្បឿនល្មម ខណះមកដល់ចំណុចកើតហេតុខាងលើ ស្រាប់តែមានរថយន្តម៉ាកតាកូម៉ា ពណ៍ទឹកប្រាក់ ពាក់ស្លាកលេខភ្នំពេញ2O- 8124 ធ្វើដំណើរមកពីក្រោយក្នុងល្បឿនយ៉ាងលឿន ហើយក៏ជ្រុលបុកម៉ូតូរងគ្រោះពីក្រោយពេញមួយទំហឹង បណ្តាលឲ្យមនុស្សខ្ទៀតទៅបោកផ្ទប់និងជញ្ជាំងផ្ទះលក់បាយ និងបាញ់ឆែវ របស់ប្រជាពលរដ្ឋ ស្លាប់ម្នាក់ និងរងរបួសធ្ងន់៣នាក់ ហើយត្រូវប្រជាពលរដ្ឋទាក់ទងទៅរថយន្តសង្គ្រោះបន្ទាន់ ចុះមកដឹកជនរងគ្រោះរបួសធ្ងន់ទៅព្យាបាលនៅឯមន្ទីពេទ្យឯកជន ។