ភ្នំពេញ៖ ជនសង្ស័យចំនួន៦នាក់ ត្រូវកម្លាំងនគរបាលធ្វើការឃាត់ខ្លួនពាក់ព័ន្ធករណីលួច និងជួញដូរថ្នាំញៀន ស្ថិតនៅទីតាំងផ្សេងៗគ្នា កាលពីថ្ងៃទី០៧ វិច្ឆិកាឆ្នាំ២០១៥វេលាម៉ោង១០និង៤៦ ទៀបភ្លឺ ស្ថិតនៅចំណុចផ្លូវលេខ១០០៧ ក្នុងសង្កាត់ភ្នំពេញថ្មី ក្នុងនោះបានដកហូតសម្ភារៈមួយចំនួនផងដែរ ។
លោក ម៉ក់ ហុង អធិការនគរបាលខណ្ឌសែនសុខបានអោយដឹងថា នៅវេលាម៉ោង០៤ទៀបភ្លឺថ្ងៃទី០៧ ស្ថិតនៅចំណុចផ្លូវ១៩៨៦ ភូមិភ្នំពេញថ្មី សង្កាត់ភ្នំពេញថ្មី កម្លាំងល្បាតអន្តរាគមន៍បានឃាត់ខ្លួនជនសង្ស័យចំនួន៣នាក់ ក្នុងករណីជួញដូរគ្រឿងញៀន ១-ឈ្មោះសេង ប្រាថ្នា ហៅស្នា ភេទប្រុស អាយុ១៨ឆ្នាំ ស្នាក់នៅភូមិវិមានទ្រុង សង្កាត់ក្រាំងធ្នង់ ខណ្ឌសែនសុខ ២-ឈ្មោះស៊ុន កំសាន្ត ហៅអាអូ ភេទប្រុស អាយុ១៨ឆ្នាំ ជាកម្មករ ស្នាក់នៅផ្ទះជួលក្នុងភូមិទឹកថ្លា សង្កាត់ទឹកថ្លា ខណ្ឌសែនសុខ និង៣-ឈ្មោះសន សុភណ្ឌ័ ហៅអាម៉េវ ភេទប្រុស អាយុ២០ឆ្នាំ ជារត់ម៉ូតូឌុប ស្នាក់នៅផ្ទះលេខ១៥៦ ផ្លូវបេតុង ភូមិទឹកថ្លា សង្កាត់ទឹកថ្លា ខណ្ឌសែនសុខ ។
លោកម៉ក់ ហុង អធិការប៉ូលិសខណ្ឌសែនសុខ បានបញ្ជាក់ថា កាលពីវេលាម៉ោង០៣ទៀបភ្លឺថ្ងៃ ខែឆ្នាំដដែល ស្ថិតនៅចំណុចផ្លូវលេខ១០០៧ ក្នុងភូមិពោងពាយ សង្កាត់ភ្នំពេញថ្មី បានចាត់វិធានការស្រាវជ្រាវ និងបង្ក្រាបបទល្មើសរហូតឈានទៅឃាត់ខ្លួនជនសង្ស័យចំនួន៣នាក់ ក្នុងនោះមានដែកកែច្នៃសម្រាប់កាច់ក.ម៉ូតូ ១-ឈ្មោះវិទូ សីហា ភេទប្រុស អាយុ២២ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិបន្លាស្អិត សង្កាត់ឃ្មួញ ខណ្ឌសែនសុខ ២-ឈ្មោះសែម គង់ ភេទប្រុស អាយុ៣២ឆ្នាំ មុខរបរមិនពិតប្រាកដ ស្នាក់នៅផ្ទះជួល ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ និង៣-ឈ្មោះឡុង សុខលីម ភេទប្រុស អាយុ២៣ឆ្នាំ មុខរបរមិនប្រាកដ ស្នាក់នៅក្នុងភូមិសែនសុខ សង្កាត់ឃ្មួញ ។
សមត្ថកិច្ចបញ្ជាក់ថា ក្នុងនោះជនសង្ស័យទាំង៦នាក់ម្នាក់ជាអ្នករត់ម៉ូតូឌុបមិនមានជាប់ពាក់ពន្ធ័ក៍អបរំអោយត្រឡប់ទៅផ្ទះវិញ។
បច្ចុប្បន្នជនសង្ស័យ និងវត្ថុតាងបានកំពុងឃាត់ខ្លួននៅអធិការដ្ឋាន ដើម្បីចាត់ការបន្តតាមនិតិវិធី ៕
...
ដោយ៖ តុង សីហា
