ភ្នំពេញ៖ គិតត្រឹមថ្ងៃសុក្រ ទី៦ ខែ វិច្ឆិកា ឆ្នាំ២០១៥ មានអត្ដពលិកបាន មកចុះឈ្មោះចូលរួមរត់ពាក់កណ្ដាល ម៉ារ៉ាតុងអន្ដរជាតិអង្គរប្រមាណ៨,០០០នាក់ហើយ ប៉ុន្ដែព្រឹត្ដិការណ៍ប្រចាំឆ្នាំដ៏ ធំមួយនេះនៅសល់កាលបរិច្ឆេទរយៈ ពេល១ខែទៀតទើបព្រឹត្ដិការណ៍រត់ប្រណាំង ពាក់កណ្ដាលម៉ារ៉ាតុងលើកទី២០នាខេត្ដ សៀមរាបចាប់ផ្ដើមនៅថ្ងៃទី៦ ខែធ្នូ ឆ្នាំ២០១៥ ។ នៅក្នុងចំណោមអ្នកចុះ ឈ្មោះ៨ពាន់នាក់នោះមានជនជាតិខ្មែរ ៣,០០០នាក់ និងជនបរទេស៥,០០០ នាក់ មកពី៦០ប្រទេសផ្សេងគ្នា ។
តាមការគ្រោងទុករបស់គណៈកម្មា ធិការជាតិអូឡាំពិកកម្ពុជាក្នុងការប្រារឰខួបលើកទី២០ឆ្នាំនៃទិវារត់ប្រណាំងពាក់កណ្ដាលម៉ារ៉ាតុងអន្ដរជាតិអង្គរនិងទទួលបានភ្ញៀវទេសចរណ៍ជាតិនិងអន្ដរជាតិ រាប់ម៉ឺននាក់ចូលរួមរត់កម្សាន្ដ និងមក ទស្សនាប្រាសាទអង្គរវត្ដដែលជាសម្បត្ដិបេតិកភណ្ឌពិភពលោករបស់មនុស្ស ជាតិ ។ ខួបលើកទី២០ឆ្នាំក្នុងការបង្កើត ឡើងនូវព្រឹត្ដិការណ៍រត់ប្រណាំងពាក់ កណ្ដាលម៉ារ៉ាតុងអន្ដរជាតិអង្គរនេះត្រូវ បានលោក ថោង ខុន រដ្ឋមន្ដ្រីក្រសួង ទេសចរណ៍ប្រកាសថា ទិវានេះត្រូវរៀប ចំឱ្យបានធំជាងរាល់ឆ្នាំនិងមានអ្នកចូល រួមរាប់ម៉ឺននាក់ ។
លោកវ៉ាត់ ចំរើន អគ្គលេខាធិការនៃ គណៈកម្មាធិការជាតិអូឡាំពិកកម្ពុជា មានប្រសាសន៍ថា ព្រឹត្ដិការណ៍រត់ ប្រណាំងពាក់កណ្ដាលម៉ារ៉ាតុងអន្ដរជាតិអង្គរលើកទី២០ឆ្នាំ២០១៥នឹងកាន់តែ អស្ចារ្យជាងឆ្នាំកន្លងទៅដោយសារថ្នាក់ ដឹកនាំ NOCC គោរពអញ្ជើញសម្ដេច តេជោ ហ៊ុន សែន នាយករដ្ឋមន្ដ្រីនៃ ព្រះរាជាណាចក្រកម្ពុជាអញ្ជើញជាអធិ បតីភាពដ៏ខ្ពង់ខ្ពស់ដើម្បីបាញ់កាំភ្លើង ចេញដំណើរក្នុងការរត់ប្រណាំងរបស់ កីឡាករ-កីឡាការិនីក្នុងព្រឹត្ដិការណ៍រត់ ប្រណាំងពាក់កណ្ដាលម៉ារ៉ាតុងអន្ដរជាតិ នេះ ។
លោកបានបន្ដថា ដើម្បីធ្វើឱ្យបរិយា កាសកាន់តែសប្បាយរីករាយថែមមួយកម្រិតទៀតនោះនៅឆ្នាំ២០១៥នេះ គណៈកម្មការបច្ចេកទេសនឹងរៀបចំ ព្រឹត្ដិការណ៍ឱ្យបានធំជាងឆ្នាំមុនៗ ពិសេសការបង្កើតកម្មវិធីប្លែកៗច្រើនសំបូរបែបសម្រាប់អបអរសាទរពិធី គម្រប់ខួបលើកទី២០ឆ្នាំនៃទិវារត់ប្រណាំង ពាក់កណ្ដាលម៉ារ៉ាតុងអន្ដរជាតិអង្គរ ។
គួររំលឹកថា សម្រាប់ការចុះឈ្មោះ រត់ប្រណាំងក្នុងព្រឹត្ដិការណ៍នេះនៅរាជ ធានីភ្នំពេញនឹងឈប់ទទួលពាក្យត្រឹម ថ្ងៃទី៤ ខែធ្នូឆ្នាំ២០១៥ រីឯកន្លែងចុះ ឈ្មោះនៅខេត្ដសៀមរាបឈប់ទទួលពាក្យ ត្រឹមថ្ងៃទី៥ ខែធ្នូ ៕
ដោយ៖ សារីម
