ភ្នំពេញ៖ ជនសង្ស័យម្នាក់បានធ្វើសកម្មភាពឆក់ទូរសព្ទ័ដៃពីលើភ្លៅនារីបរទេស២នាក់ដែលកំពុងអង្គុយលេងនៅលើបង់សួនច្បារកុមារនៅមុខវត្តបុទុមត្រូវបានសម្រេចហើយ ព្យាយាមរត់គេចខ្លួន ប៉ុន្តែភ្លាមនោះជនរងគ្រោះរត់ដេញតាមនិងស្រែកចោរៗ គាប់ជួនកម្លាំងសមត្ថកិច្ចល្បាតនៅក្បែរនោះអន្តរគមន៍ឃាត់ខ្លួនបានភ្លាមៗតែម្ដង ។
ករណីខាងលើនេះ បានកើតឡើងកាលពីវេលាម៉ោង២រសៀល នាថ្ងៃទី០៧ ខែកញ្ញឆ្នាំ២០១៥ នៅចំនុចសួនកុមារមុខវត្តបុទុមភូមិ៣ សង្កាត់ចតុមុខ ខណ្ឌដូនពេញ ។
ជនសង្ស័យ មានឈ្មោះ ស៊ុំ វិបុល ភេទប្រុស អាយុ៣២ឆ្នាំ ស្នាក់នៅម្ដុំបូឌិញឋិតសង្កាត់ទន្លេបាសាក់ខណ្ឌចំការមន និងមុខរបរមិនពិតប្រាកដ។
តាមប្រភពព័ត៌មានពីនារីរងគ្រោះ បានរៀបរាប់ប្រាប់សម្ថតកិច្ចថា នៅមុនពេលកើតហេតុនាងនិងមិត្តភក្ភ្រ័ម្នាក់បាននាំគ្នាំមកអង្គុយលេងនៅលើសួនកុមារ មុខវត្តបទុមហើយជជែកគ្នាលេងពេលនោះនារីគ្រោះបានទុកទូរសព្ទ័ដៃនៅលើភ្លៅរបស់ខ្លួន ស្រាប់តែជនសង្ស័យម្នាក់បានដើរមកក្បែរ ហើយធ្វើសកម្មភាពឆក់យកទូរស័ព្ទនាងបានសម្រេច ហើយព្យាយាមរត់គេចខ្លួន ភ្លាមនោះនារីរងគ្រោះបានរត់ដេញពីក្រោយរហូតដល់មុខសណ្ឋារគារកាំបូតទើបប្រជាជនដែលឃើញហេតុការណ៍នោះ នាំគ្នាដេញតាមចាប់ជនសង្ស័យបង្កឲ្យភ្ញាក់ផ្អើលដល់សមត្ថកិច្ចមូលដ្ឋានកំពុងល្បាតនៅក្បែរនោះ អន្តរគមន៍ឃាត់ខ្លួនជនសង្ស័យបាននិងដកហូតទូរសព្ទ័ដៃម៉ាកអាយហ្វានពណ៌ខ្មៅ ប្រគល់ជូនជនរងគ្រោះវិញផងដែរ ។
បច្ចុប្បន្នជនសង្ស័យត្រូវឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌដូនពេញដើម្បីកសាងសំណុំរឿងបញ្ជូនខ្លួនទៅសាលាដំបូងរាជធានីភ្នំពេញចាត់ការតាមនិតិវិធី ៕
ដោយ៖ ស ដារ៉ា
