ភ្នំពេញ៖ រហូតមកដល់ថ្ងៃនេះ សមត្ថកិច្ចពាក់ព័ន្ធនៅក្នុងខណ្ឌឫស្សីកែវ រាជធានីភ្នំពេញនៅពុំទាន់មានសមត្ថ ភាពក្នុងការស្រាវជ្រាវរកចាប់ខ្លួនជន ដែលបើករថយន្ដដេញបុកគ្នាបង្កឱ្យស្ដ្រី ម្នាក់ឆេះស្លាប់នៅក្នុងរថយន្ដនៅឡើយទេ ។ ការដែលគ្មានសមត្ថភាពក្នុងការ ចាប់ខ្លួនអ្នកបើករថយន្ដដេញបុកគ្នា ហើយបង្កឱ្យមានអ្នកស្លាប់ឆេះនៅក្នុង រថយន្ដប្រៀបដូចរឿងក្នុងវីដេអូនេះត្រូវ បានប្រជាពលរដ្ឋរិះគន់ថា សមត្ថកិច្ច និងមន្ដ្រីជំនាញពាក់ព័ន្ធក្នុងខណ្ឌឫស្សី កែវគ្មានសមត្ថភាពចាប់ជនដែលរត់ គេចខ្លួននោះទេ។
ការដែលពួកគាត់ លើកឡើងនិងរិះគន់បែបនេះព្រោះថាវត្ថុតាងរថយន្ដស្ថិតនៅកន្លែងកើត ហេតុ។ ដូច្នេះបើសមត្ថកិច្ចមានឆន្ទៈក្នុងការ ចាប់ខ្លួនមែននោះមិនពិបាកទេ គ្រាន់ តែទៅបើកបញ្ជីផ្ទៀងផ្ទាត់នៅក្រសួង មន្ទីរសាធារណការនិងដឹកជញ្ជូននោះនឹងដឹងអាសយដ្ឋានភាគីដែលរត់គេចខ្លួនពុំ ខានឡើយ។
ទាក់ទិននឹងការរិះគន់ខាងលើនេះអធិ ការខណ្ឌឫស្សីកែវលោកវរសេនីយទោ ទៀង ច័ន្ទសារ នគរវត្ដមិនអាចទំនាក់ ទំនងសុំការអត្ថាធិប្បាយបានទេដោយ ទូរស័ព្ទចូលអត់មានអ្នកលើក។
គួររំលឹកថា កាលពីវេលាម៉ោង០០ និង៥០នាទីរំលងអធ្រាត្រថ្ងៃទី៨ ខែ វិច្ឆិកា ឆ្នាំ២០១៥ នៅម្ដុំក្បែរស្ថានីយ ប្រេងស៊ូគីមិចតាមបណ្ដោយផ្លូវជាតិ លេខ៥កែងផ្លូវលំ ស្ថិតនៅក្រុមទី៨ ភូមិ មិត្ដភាព សង្កាត់-ខណ្ឌឫស្សីកែវ មាន រថយន្ដប្រភេទតូយ៉ូតា២គ្រឿងបើក ប្រដេញគ្នា ។ ពេលនោះរថយន្ដមួយ គ្រឿងដែលគេដឹងថាមានស្ដ្រីម្នាក់បាន ជ្រុលចង្កូតទៅបុកផ្ទះលក់សាំងនិងហ្គាសបណ្ដាលឱ្យផ្ទុះឆេះស្លាប់នៅក្នុងរថយន្ដ បង្កឱ្យមានការភ្ញាក់ផ្អើលដល់ប្រជាពល រដ្ឋនៅទីនោះយ៉ាងខ្លាំង។ មិនតែប៉ុណ្ណោះ បានបង្កឱ្យឆេះផ្ទះលក់សាំងនិងហ្គាស បំផ្លាញទ្រព្យសម្បត្ដិលុយកាក់ជាច្រើន ទៀតផង។
នៅកន្លែងកើតហេតុគេបានឱ្យដឹងថា ស្ដ្រីដែលឆេះស្លាប់នៅក្នុងរថយន្ដត្រូវ បានគេស្គាល់ឈ្មោះ សាន់ អេនណា អាយុ២៤ឆ្នាំ មានទីលំនៅសង្កាត់បឹង កក់ទី១ ខណ្ឌទួលគោក រាជធានីភ្នំពេញ។ ស្ដ្រីដែលឆេះនៅក្នុងរថយន្ដជិះរថយន្ដ ម៉ាកតូយ៉ូតាកាមរីឆ្នាំ២០០៧ ពាក់ស្លាក លេខភ្នំពេញ2W-2627 ហើយក្រោយ ពីកើតហេតុសាកសពស្ដ្រីខាងលើដែល ឆេះម៉ត់សល់តែគ្រោងឆ្អឹងដែកត្រូវបាន គេដឹកយកទៅតម្កល់ទុកនៅក្នុងវត្ដទឹក ថ្លា ខណ្ឌសែនសុខ រាជធានីភ្នំពេញ។
នៅក្នុងហេតុការណ៍ដ៏កម្រកើតមាន នៅក្នុងរាជធានីភ្នំពេញនេះ បើយោង តាមសាក្សីឃើញហេតុការណ៍បាន និយាយថា មុនពេលកើតហេតុគេបាន ឃើញរថយន្ដចំនួន២គ្រឿងបើកប្រដេញ គ្នាក្នុងល្បឿនលឿនតាមផ្លូវជាតិលំឆ្ពោះមកផ្លូវជាតិលេខ៥ដែលរថយន្ដមួយ គ្រឿងម៉ាកតូយ៉ូតាកាមរីឆ្លាម ពាក់ ស្លាកលេខភ្នំពេញ2D-8072 បានដេញ បុករថយន្ដម៉ាកតូយ៉ូតាកាមរីស៊េរីឆ្នាំ ២០០៧របស់ស្ដ្រីដែលស្លាប់នៅក្នុងរថ យន្ដខាងលើនេះ។ បន្ទាប់ពីមានហេតុ ការណ៍ផ្ទុះឆេះរថយន្ដអ្នកបើកបររថយន្ដ ពាក់ស្លាកលេខភ្នំពេញ2D-8072 បាន បើកទ្វាររត់ចោលរថយន្ដនិងទុករថយន្ដ ចោលនៅកន្លែងកើតហេតុ។
ដោយឡែកសមត្ថកិច្ចមូលដ្ឋានបាន បញ្ជាក់ឱ្យដឹងស្រដៀងនឹងសាក្សីខាងលើ ដែរថា នៅមុនពេលកើតហេតុរថយន្ដ ទាំង២គ្រឿងនេះបានបើកដេញបុកគ្នា។ បន្ទាប់មកក៏ជ្រុលចង្កូតទៅបុកហាងយី ហោ២.៥០០រៀល រួចជ្រុលទៅបុកទីតាំង ផ្ទះលក់សាំងនិងហ្គាសបង្កឱ្យផ្ទុះឆេះយ៉ាង សន្ធោសន្ធៅដែលគេដឹងថាជារថយន្ដ របស់ស្ដ្រីដែលឆេះស្លាប់ក្នុងរថយន្ដនោះ។ សមត្ថកិច្ចមូលដ្ឋានបានបញ្ជាក់ថា ក្រៅពីឆេះរថយន្ដសម្លាប់ស្ដ្រីឈ្មោះ សាន់ អេនណា នៅមានផ្ទះលក់សាំងនិងហ្គាស ២ខ្នងក៏បានឆេះខូចខាតទ្រព្យសម្បត្ដិជា ច្រើនផងដែរ ហើយអ្វីដែលគេដឹងពិត ប្រាកដនោះគឺម៉ូតូចំនួន៣គ្រឿងរបស់ ម្ចាស់ផ្ទះត្រូវឆេះនៅសល់តែដែក។
ក្រោយពីកើតហេតុសមត្ថកិច្ចបានស្ទួចយករថយន្ដទាំង២គ្រឿងខាងលើនេះ យកទៅរក្សាទុកនៅការិយាល័យនគរបាល ចរាចរណ៍ជើងគោកនៃស្នងការដ្ឋាននគរ បាលរាជធានីភ្នំពេញ។
ទោះយ៉ាងណាប្រជាពលរដ្ឋរស់នៅ ក្បែរកន្លែងកើតហេតុបានដាក់ការ សង្ស័យថា ឧប្បត្ដិហេតុគួរឱ្យរន្ធត់នេះ មិនមែនជារឿងចៃដន្យនោះទេ អាចជា រឿងរៀបចំទុកដោយជនសង្ស័យមាន បំណងសម្លាប់ស្ដ្រីរងគ្រោះតែម្ដង ព្រោះ បើតាមការពិនិត្យការស្លាប់របស់ស្ដ្រីរង គ្រោះមិនមែនស្លាប់នៅកៅអីដៃចង្កូត នោះទេគឺស្លាប់រួញក្រញ៉ង់នៅកៅអីខាង ស្ដាំចង្កូត។
បើយោងតាមប្រភពព័ត៌មានពី កាសែតក្នុងស្រុកមួយបានឱ្យដឹងថា រថ យន្ដម៉ាកតូយ៉ូតាស៊េរីឆ្នាំ២០០៧គឺជា កម្មសិទ្ធរបស់លោក ចន រតនា អតីត ថៅកែភោជនីយដ្ឋាន រតនាស្រីម៉ៅ ហើយនៅថ្ងៃកើតហេតុស្ដ្រីរងគ្រោះបាន ខ្ចីកូនប្រុសរបស់លោកឈ្មោះ ចន រស្មី ជាសង្សារនឹងស្ដ្រីរងគ្រោះយកទៅជិះទៅ សួរសុខទុក្ខបងប្អូននៅម្ដុំគីឡូម៉ែត្រលេខ ៦ រហូតមានឧប្បត្ដិហេតុនេះកើតឡើង តែម្ដង។ ក្នុងករណីនេះលោក ចន រតនា មានទីលំនៅផ្ទះលេខ១០ ផ្លូវលេខ២៨១ សង្កាត់បឹងកក់១ ខណ្ឌទួលគោក បានប្ដឹង ទៅសមត្ថកិច្ចនិងចោទនាង សាន់ អេនណា ថា បានយករថយន្ដរបស់លោក ទៅផឹកស៊ីនិងធ្វើសកម្មភាពដេញបុកគ្នា បណ្ដាលឱ្យឆេះ ហើយលោកទាមទារ២ ចំណុច ទី១-សុំឱ្យសមត្ថកិច្ចវែកមុខ ឃាតករនិងទី២-ទាមទារឱ្យជនល្មើស សងតម្លៃរថយន្ដចំនួន៦ម៉ឺនដុល្លារ។
បើតាមលោក ចន រតនា ឱ្យដឹងថា នាង សាន់ អេនណា គឺជាកូនកំព្រាមាន តែម្ដាយកំពុងរស់នៅប្រទេសថៃហើយ នាងបានស្រលាញ់កូនប្រុសរបស់លោក ឈ្មោះ ចន រស្មី អាយុ១៩ឆ្នាំ ដោយពួក គេទាំងពីរស្រលាញ់គ្នាដូចប្ដីប្រពន្ធនៅ សល់តែថ្ងៃរៀបការប៉ុណ្ណោះដោយរង់ចាំ តែ ចន រស្មី បញ្ចប់ការសិក្សាប៉ុណ្ណោះ ៕
ដោយ៖ អរុណរះ
