ខេត្ដព្រះសីហនុ៖ ជនជាតិបរទេស ម្នាក់បានស្លាប់ដោយអាថ៌កំបាំងកាលពី ព្រលប់ថ្ងៃទី៧ ខែវិច្ឆិកា ឆ្នាំ២០១៥ នៅ ក្នុងគ្លីនិកឯកជនមួយកន្លែងយីហោ“មន្ទីរសម្រាកព្យាបាលអន្ដរជាតិក្រុងព្រះ សីហន”ដោយគេសង្ស័យថាមកពីគ្រូ ពេទ្យខ្វះជំនាញនិងព្យាបាលខុសបច្ចេក ទេស។
តាមប្រភពពីមិត្ដស្រីបុរសជនរង គ្រោះដែលបានបាត់បង់ជីវិតបានឱ្យដឹងថា ជនរងគ្រោះឈ្មោះ HAAS KURT EDWARD អាយុ៥៣ឆ្នាំ ជនជាតិអាមេ រិក មុខរបរជាអាជីវករ (បើកហាង បារាំងនៅភូមិ៤ សង្កាត់លេខ៤ ក្រុង ព្រះសីហនុ) រស់នៅភូមិ៤ សង្កាត់លេខ៤ ក្រុងព្រះសីហនុ។
ប្រភពដដែលបានបន្ដថា មិត្ដប្រុស របស់គាត់មានជំងឺផ្លូវដង្ហើមហើយនៅមុនថ្ងៃកើតហេតុមិត្ដប្រុសគាត់មាន អារម្មណ៍ថប់ដង្ហើមបានមកសម្រាក ព្យាបាលនៅគ្លីនិកនេះ(មន្ទីរសម្រាក ព្យាបាលអន្ដរជាតិក្រុងព្រះសីហនុ) បន្ទាប់មកបានធូរស្រាលហើយក៏ត្រឡប់ទៅផ្ទះវិញ។ មិនបានប៉ុន្មានផងជំងឺនោះ ក៏ចាប់ផ្ដើមធ្វើទុក្ខសាជាថ្មីភ្លាមនោះ មិត្ដប្រុសរបស់គាត់ក៏បានត្រឡប់ទៅ គ្លីនិកនោះសាជាថ្មី ប៉ុន្ដែគួរឱ្យសោក ស្ដាយនៅប៉ុន្មានម៉ោងក្រោយមកជនរង គ្រោះក៏ដាច់ខ្យល់ស្លាប់តែម្ដងទាំងនៅ ស្រស់ដោយក្រុមគ្រូពេទ្យនិយាយថា ដោយសារតែមិត្ដប្រុសរបស់គាត់មានអាការជំងឺបេះដូងធ្ងន់ពេកទើបពុំអាច សង្គ្រោះបាន។
លោក សែជូ សុរិទ្ធីជោតិ អនុប្រធាន មន្ទីរសុខាភិបាលទទួលបន្ទុកពិនិត្យសាកសពបានបញ្ជាក់ថាមូលហេតុដែលជន ជាតិអាមេរិកនេះស្លាប់គឺបណ្ដាលមកពីគាំងបេះដូងព្រោះជនរងគ្រោះមានជំងឺ បេះដូងជាយូរឆ្នាំមកហើយ។
ទាក់ទិនទៅនឹងការស្លាប់នេះយោង តាមប្រភពពីអ្នកស្គាល់ជនរងគ្រោះ និយាយតៗគ្នាថា ជនរងគ្រោះនៅមុន ថ្ងៃស្លាប់គឺគាត់មានសុខភាពល្អណាស់ថ្វីដ្បិតតែគាត់មានជំងឺលេបថ្នាំ១ថ្ងៃ៣ដងយ៉ាងណាក្ដីគឺគាត់ថែរក្សាសុខភាពជា និច្ចឱ្យតែមានបញ្ហាអ្វីបន្ដិចបន្ដួចគាត់ តែងតែមកពិនិត្យ ប៉ុន្ដែនៅថ្ងៃកើត ហេតុមិនដឹងថាក្រុមគ្រូពេទ្យពិនិត្យឬ ចាក់ថ្នាំយ៉ាងម៉េចទេទើបគាត់ស្លាប់យ៉ាងអាថ៌កំបាំងបែបនេះ។ ដូច្នេះក្នុងនាម ពួកគាត់ជាប្រជាពលរដ្ឋសូមអំពាវនាវ ប្រធានមន្ទីរសុខាភិបាលត្រូវពិនិត្យស្រាវជ្រាវឱ្យបានម៉ត់ចត់ទៅលើគ្លីនិកឯកជនមួយនេះនិងពិនិត្យទៅលើគ្លីនិកឯទៀត ដែលកំពុងបើកអាជីវកម្មនៅក្នុងខេត្ដ ព្រះសីហនុដើម្បីបញ្ជៀសនូវបញ្ហាផ្សេងៗដែលអាចកើតមានលើអ្នកជំងឺក្រោយៗ។
មកដល់រសៀលថ្ងៃទី៨ ខែវិច្ឆិកា ឆ្នាំ ២០១៥ សាកសពជនរងគ្រោះត្រូវបាន រថយន្ដរបស់មន្ទីរពេទ្យបង្អែកចំការចេកដឹកយកទៅកាន់រាជធានីភ្នំពេញដើម្បី ត្រៀមបញ្ជូនទៅកាន់ប្រទេសកំណើតវិញ តាមរយៈតំណាងស្ថានទូតអាមេរិកប្រចាំនៅកម្ពុជា ៕
ដោយ៖ ឆ្លាមសមុទ្រ
