ភ្នំពេញ៖ យុវជនម្នាក់បើករថយន្តដឹកសុីម៉ងត៍ក្នុងល្បឿន លឿនចាប់ហ្វ្រាំងមិនជាប់ក៏ជ្រុលបុកម៉ូតូធូដេរុញផ្ទប់និងរថយន្តស្ទូចមួយគ្រឿងទៀតបណ្តាលអោយស្ត្រីម្នាក់ស្លាប់ភ្លាមៗហើយរថយន្តបង្កក៏បន្តទៅបុកនិងរថយន្តកាមរីបាឡែននិងម៉ូតូមួយគ្រឿងទៀតបណ្តាលអោយរបួសបុរសម្នាក់។

ហេតុការណ៍នេះបានកើតឡើងកាលពីវេលាម៉ោង៩ និង៤០នាទីព្រឹកថ្ងៃទី១ខែឧសភាឆ្នាំ២០១៨ នៅផ្លូវជាតិ លេខ៣កែងផ្លូវ៣០ម៉ែត្រ ស្ថិតក្នុងភូមិទួលកី សង្កាត់ភ្លើងឆះរទះ ខណ្ឌពោធិ៍សែនជ័យ រាជធានីភ្នំពេញ។

ជនរងគ្រោះឈ្មោះឌុកស្រីលីន ភេទស្រី៣៥ ឆ្នាំមុខរបរលក់ដូរ ស្នាក់ភូមិកប់ធ្លក់ សង្កាត់ភ្លើងឆេះរទះ ខណ្ឌពោធិ៍សែនជ័យ។ ចំណែកតៃកុងរថយន្តបង្កឈ្មោះសៅសុភី ភេទប្រុសអាយុ២៧ឆ្នាំ មុខរបរ បើកបរ មានស្រុកកំណើតភូមិត្រពាំងជួន ឃុំសំរោងទងស្រុកសំរោង  ទង ខេត្តកំពង់ស្ពឺ  ។  រីឯអ្នករងរបួសឈ្មោះជឹម  ប៉ុនហេងភេទប្រុសអាយុ៤៥ឆ្នាំ។

តាមប្រភពព័ត៌មានពីកន្លែងកើតហេតុបានឲ្យដឹងថា  មុនពេលកើតហេតុគេបានឃើញស្ត្រីម្នាក់ជិះម៉ូតូម៉ាកធូដេពណ៍សូកូឡា អត់ស្លាកលេខ ធ្វើដំណើរតាមបណ្តោយផ្លូវជាតិលេខ៣ក្នុងទិសដៅពីជើងទៅត្បូងស្របទិសគ្នាជាមួយរថយន្តម៉ាកហុីយ៉ាន់ដាយពណ៍ស ពាក់ស្លាកលេខភ្នំពេញ3D 8622 ខណះមកដល់ចំណុចកើតហេតុម៉ូតូក៏បានបត់ឆ្លងផ្លូវទៅតាមផ្លួវ៣០ម៉ែត្រស្រាប់តែមានរថយន្តដឹកសុីម៉ងត៍ ពណ៍ខៀវ ពាក់ស្លាកលេខតាកែវ 3A 1033 ធ្វើដំណើរតាមបណ្តោយ៣០ម៉ែត្រ ក្នុងទិសដៅពីកើតទៅលិចក្នុងល្បឿនលឿនហើយបានជ្រុលបុកម៉ូតូធូដេពេញទំហឹងរុញទៅផ្ទប់និងរថយន្តស្ទូចរួមទាំងរថយន្តកាមរីបាឡែន ពណ៍ស្ក ពាក់ស្លាកលេខភ្នំពេញ2X 3272 ដែលធ្វើដំណើរតាមបណ្តោយផ្លូវជាតលេខ៣ក្នុងទិសដៅពីត្បូងទៅជើង

បណ្តាលអោយស្ត្រីម្នាក់ស្លាប់ភ្លាមៗនៅកន្លែងកើតហេតុហើយរថយន្តបង្កក៏បានថតក្រោយកិនម៉ូតូម៉ាកគុបជ្រុងពណ៍ខៀវ ពាក់ស្លាកលេខភ្នំពេញភ្នំពេញ1AL 8665 បើកបរដោយបុរសម្នាក់ធ្វើដំណើរមកពីក្រោយរថយន្តបង្កបណ្តាលអោយរងរបួសស្រាល។

ភ្លាមៗនេះតៃកុងរថយន្តបង្កត្រូវបានប្រជាពលរដ្ឋចាប់បានភ្លាមៗនៅកន្លែងកើតហេតុនិងប្រគល់ជូនសមត្ថកិច្ចតែម្តង។

នៅចុះពោះមុខសមត្ថកិច្ចតៃកុងរថយន្តបង្កបានសារភាពថាខ្លួនបានបើករថយន្តដឹកសុីម៉ងត៍ទើបតែមកទៅដាក់អោយម៉ូយនៅផ្សារបុរីសន្តិភាព២ ហើយបំណងត្រលប់ទៅខេត្តកំពង់ស្ពឺវិញខណះមកដល់ចំណុចកើតហេតុដោយសារតែចាប់ហ្វ្រាំងមិនជាប់ទើបបុករះតែម្តង។

ក្រោយពេលកើតហេតុសមត្ថកិច្ចបានចុះមកដល់ចំណុចកើតហេតុនិងសម្រួលចរាចរណ៍ រួមទាំងទំនាក់ទំនងទៅជំនាញមកធ្វើការវាស់វែងយករថយន្តទាំង៣ គ្រឿងនិងម៉ូតូទៅរក្សាទុកនៅការិយាល័យចរាចរណ៍ជើងគោករាជធានីភ្នំពេញរងចាំដោះស្រាយតាបផ្លូវច្បាប់៕ សុខាសែនជ័យ