ភ្នំពេញ៖ អាជ្ញាធរខណ្ឌជ្រោយចង្វា ចុះផ្អាកសំណងដ៏ធំស្កឹមស្កៃអត់ច្បាប់សង់រំលោភចូលទន្លេមេគង្គ ដោយមើលឃើញពីការរំលោភបំពាននៃអំពើល្មើសច្បាប់ និងសាងសង់សំណង់ខុសច្បាប់ ដោយសារតែសំណង់មួយនេះឡើងបង្កឲ្យមានការប៉ះពាល់ដល់ផ្ទះប្រជាពលរដ្ឋនៅក្បែរនោះ ទើបប្រជាពលរដ្ឋប្តឹងទៅអាជ្ញាធរមូលដ្ឋានឲ្យចុះមកត្រួតពិនិត្យ និងផ្អាកសំណង់នេះផង។ ការចុះផ្អាកសំណង់នេះគឺអនុវត្តតាមបទបញ្ជារបស់លោក ឃ្លាំង ហួត អភិបាល នៃគណ:អភិបាលខណ្ឌជ្រោយចង្វារ និងជាប្រធានគណ:បញ្ជាការឯកភាពរដ្ឋបាលខណ្ឌជ្រោយចង្វា។
ជាក់ស្តែងនៅថ្ងៃទី ១០ខែវិច្ឆិកាឆ្នាំ២០១៥ អាជ្ញាធរខណ្ឌជ្រោយចង្វា ដឹកនាំដោយលោកហ៊ុយ សារុនអភិបាលរងខណ្ឌនិងមន្ត្រីពាក់ពន្ធ័ជាច្រើរូប បានចេញសេចក្តីជូនដំណឹងដល់ ឈ្មោះ អ៊ុយ វាំងសង់ ភេទប្រុសដែលគេស្គាល់ថាជាថៅកែផ្ទះសំណាក់ ស្រែយើងនៅជិតសាលាន័រតុនជ្រោយចង្វា) ដែលសង់សំណង់អំពីបេតុងអាមេទំហ៊ំទទឹង៨ម៉ែត្រនិងបណ្តោយ១៧ម៉ែត្រ កំពស់៤ជាន់មានទាំងជណ្តើរយន្តទៀតផងដោយសង់រំលោកដីចំណីទន្លេនិងសង់ចូលទន្លេ ពិសេសសង់លើដីគំរោងស្ពានឆ្លងទន្លេមេគង្គ ជ្រោយចង្វារ ស្វាយជ្រុំ ។
សំណង់ដ៏ធំស្គឹមស្កៃនេះស្ថិតនៅភូមិ៣សង្កាត់ជ្រោយចង្វារខណ្ឌជ្រោយចង្វារ ដែលសំណង់នោះសង់បានប្រហែល៦០ភាគរយទៅហើយ មិនព្រមឈប់សោះដោយគេតែងតែលួចសង់រហូត បើទោះបីអាជ្ញាធរចុះមកធ្វើការហាមឃាត់៣ទៅ៤ដងហើយក៏ដោយ ។
នៅព្រឹកថ្ងៃទី១០ ខែវិច្ឆិកា ឆ្នាំ២០១៥ អាជ្ញាធរខណ្ឌក៏បានដឹកនាំកម្លាំងចំរុះចុះឃាត់និងឱ្យផ្អាកសកម្មភាពសាងសង់ជាបន្ទាន់ព្រមទាំងធ្វើការព្រមាន ខ្លាំងៗទៅលើអ្នកម៉ៅការ ថាបើមិនបញ្ឈប់សកម្មភាពសាងសង់ទេលោកនឹងឃាត់ទាំងមនុស្សនិងសំភារះសំណង់យកទៅសាលាខណ្ឌមិនខាន ។
ការចុះផ្អាកសំណង់ខុសច្បាប់ នេះធ្វើឡើងបន្ទាប់ពី ម្ចាស់សំណង់បានសង់អគារមួយយា៉ងធំរំលោភលើដីចំណីទន្លេ ដោយមិនស្តាប់ពីការណែនាំនិងសេចក្តីជូនដំណឹងរបស់អាជ្ញាធរឡើយ ។
លោក ហ៊ុយ សារុន អភិបាល រងខណ្ឌជ្រោយចង្វាបានឱ្យដឹងខណៈចុះផ្អាកសំណង់នោះថា ម្ចាស់សំណង់អត់ច្បាប់នេះមិនដឹងជាអាងស្អីទេ ព្រោះសាងសង់អត់ច្បាប់ហើយសង់រំលោកលើដីចំណីទន្លេ ទោះបីអាជ្ញាធរខណ្ឌចុះឃាត់ច្រើនលើកច្រើនសារហើយក៏ដោយ ក៏នៅតែបន្តលួចសង់រហូត។
គួរបញ្ជាក់ផងដែរថា នៅពេលថ្មីៗនេះសម្តេចអគ្គមហាសេនាបតីតេជោហ៊ុនសែននាយករដ្ឋមន្ត្រីនៃព្រះរាជាណាចក្រកម្ពុជា ក៏បានព្រមានទៅលើសំណង់ក្រុមហ៊ុនណាហ្គាវ៉ើលដែលសង់សំលោភចូលចំណីផ្លូវ និងសួនច្បារធ្វើឱ្យបាត់បង់សណ្តាប់ធ្នាប់និងសោភ័ណភាពទីក្រុង ដោយសម្តេចបញ្ជាឱ្យរុះរើចេញវិញជាបន្ទាន់ផងដែរ ៕
ដោយ៖ ជ្រោយពេជ្រ
