ភ្នំពេញ៖ កីឡាករ វង សុភារុណ ជាគរុសិស្សនៅវិទ្យាស្ថានជាតិអប់រំកាយ និងកីឡាបានទទួលអាហារូបករណ៍ពីគណៈ កម្មាធិការជាតិអូឡាំពិកកម្ពុជារយៈ ពេលខ្លីទៅចូលរួមបោះជំរំហ្វឹកហាត់ កីឡាអត្ដពលកម្មយុវជនអាស៊ីលើកទី២ នៅប្រទេសកាតារចាប់ពីថ្ងៃទី១៤ដល់ ថ្ងៃទី៣០ ខែវិច្ឆិកា ឆ្នាំ២០១៥ ។
លោក ពៅ ស៊ីថា គ្រូបង្វឹកកីឡាករ វង សុភារុណ បានឱ្យអ្នកយកព័ត៌មាន នគរវត្ដដឹងថា កីឡាករ វង សុភារុណ ទទួលបានអាហារូបករណ៍រយៈពេលខ្លី សម្រាប់ហ្វឹកហាត់ផ្នែកកីឡាអត្ដពល កម្មចាប់ពីថ្ងៃទី១៤ដល់ថ្ងៃទី៣០វិច្ឆិកា នៅប្រទេសកាតារ ។ ផ្ដោតសំខាន់លើ វិញ្ញាសាចំនួន២ គឺរត់ល្បឿនមធ្យម ចម្ងាយ៨០០ម៉ែត្រនិងចម្ងាយ១.៥០០ ម៉ែត្រ ។ លោកបានបន្ដទៀតថា ដោយ សារតែកីឡាករ វង សុភារុណ មានទេព កោសល្យពីកំណើតគួបផ្សំជាមួយកាយសម្បទាល្អផងនោះ វង សុភារុណ ត្រូវ បានខ្ញុំជ្រើសរើសឱ្យចេញទៅហ្វឹកហាត់ រយៈពេលខ្លីនៅ*ប្រទេសកាតារ ។
កីឡាករដែលមានដើមកំណើតនៅ ខេត្ដស្វាយរៀងរូបនេះមានឪពុកជាគ្រូ បង្វ្រៀននៅអនុវិទ្យាល័យបាសាក់បាន រៀបរាប់ប្រាប់អ្នកយកព័ត៌មាននគរវត្ដ ពីចំណង់ចំណូលចិត្ដប្រភេទកីឡាអត្ដ ពលកម្មយ៉ាងដូច្នេះថា កាលខ្ញុំរៀននៅ វិទ្យាល័យខ្ញុំធ្លាប់ជាប់ជាជើងឯកប្រចាំ ខេត្ដស្វាយរៀងហើយក្រោយពេលខ្ញុំ ប្រឡងបាក់ឌុបជាប់ខ្ញុំបានដាក់ពាក្យ ប្រលងធ្វើជាគ្រូអប់រំកាយ និងកីឡា រហូតមកដល់ពេលនេះ ។ ខ្ញុំរៀននៅវិទ្យា ស្ថានជាតិអប់រំកាយនិងកីឡាបានរយៈ ពេល១ឆ្នាំរួចទៅហើយ ។
កីឡាករវ័យ១៧ឆ្នាំរូបនេះបានបន្ដ ទៀតថា កាលនៅខេត្ដស្វាយរៀងខ្ញុំលេង តែវិញ្ញាសារត់ចម្ងាយ៥គីឡូម៉ែត្រ ប៉ុណ្ណោះពុំធ្លាប់លេងវិញ្ញាសា៤០០ម៉ែត្រ, ៨០០ម៉ែត្រ និង១.៥០០ម៉ែត្រទេ ។
កីឡាកររូបនេះបានបន្ដទៀតថា ក្រោយពេលលោកគ្រូ ពៅ ស៊ីថា យកខ្ញុំ មកពីខេត្ដស្វាយរៀងមកស្នាក់នៅហ្វឹក ហាត់ក្នុងរាជធានីភ្នំពេញ លោកគ្រូ ពៅ ស៊ីថា បានឱ្យខ្ញុំប្ដូរវិញ្ញាសាលេងពី៥គីឡូ ម៉ែត្រមក៨០០ម៉ែត្រនិង១.៥០០ម៉ែត្រ ជំនួសវិញ ។
លោក ពៅ ស៊ីថា បានអះអាងថា ក្រោយពេលកីឡាករ វង សុភារុណ មក ស្នាក់នៅសិក្សាក្នុងវិទ្យាស្ថានជាតិអប់រំ កាយ និងកីឡា រូបគេទទួលបានក្របខ័ណ្ឌ រដ្ឋមួយទៅហើយ ។ ដូច្នេះជោគជ័យ របស់កីឡាករ វង សុភារុណ ឈានឡើង មួយកម្រិតទៀតបន្ទាប់ពីទទួលបាន អាហារូបករណ៍របស់ NOCC ក្នុងកម្ម វិធីបោះជំរំហ្វឹកហាត់ យុវជនអាស៊ីនៅ ប្រទេសកាតារ ។
ពាក់ព័ន្ធជាមួយព័ត៌មានដែលគណៈ កម្មាធិការជាតិអូឡាំពិកកម្ពុជាថាបាន ផ្ដល់អាហារូបករណ៍លើប្រភេទកីឡាអត្ដ ពលកម្មទៅកីឡាករ វង សុភារុណ ទៅ ចូលរួមហ្វឹកហាត់នៅប្រទេសកាតារ ខាងលើអ្នកយកព័ត៌មាននគរវត្ដពុំអាចសុំការបញ្ជាក់ពីលោក វ៉ាត់ ចំរើន អគ្គ លេខាធិការគណៈកម្មាធិការជាតិអូឡាំ ពិកកម្ពុជាបានទេកាលពីព្រឹកថ្ងៃទី១២ ខែវិច្ឆិកា ឆ្នាំ២០១៥ ដោយទូរស័ព្ទ របស់លោកមិនអាចទាក់ទងបាន ៕
ដោយ៖ សារីម
