ភ្នំពេញ៖ បុរសម្នាក់បានរងរបួសធ្ងន់ខណៈដែលកំពុងជិះម៉ូតូតាមបណ្តោយផ្លូវសហពន្ធ័រុស្សីហើយក៍ត្រូវរថយន្តតូយ៉ូតាបើកបុកពីក្រោយអូសជាង៣០ម៉ែត្រ ។

កាលពីវេលាម៉ោង១០និង១០នាទីថ្ងៃទី១៣ ខែវិច្ឆិកា ឆ្នាំ២០១៥នៅចំណុចមុខអាកាសយានដ្ឋានអន្តរជាតិភ្នំពេញ ស្ថិតក្នុងភូមិព្រៃជីសាក់សង្កាត់ចោមចៅ ខណ្ឌពោធិ៍សែនជ័យ ។

ប្រភពព័ត៌មានពីអ្នកឃើញហេតុការណ៍បានអោយដឹងថា នៅមុនពេលកើតគេឃើញមានបុរសម្នាក់បានជិះម៉ូតូម៉ាកសង់កូរ៉េភ្លើស ពណ៍ក្រហមពាក់ស្លាកលេខភ្នំពេញ 1CL-9752 បើកបរក្នុងទិសដៅពីលិចទៅកើតលុះមកដល់ចំណុចកើតហេតុក៍មានរថយន្ត១គ្រឿងម៉ាកតូយ៉ូតាដោយមានដឹកធុងហ្គាស ពណ៍សពាក់ស្លាកភ្នំពេញ2F-5572 បើកបរដោយយុវជនម្នាក់មិនស្គាល់អត្តសញ្ញាណបើកក្នុងទិសដៅពីលិចទៅកើតស្របគ្នាបើកមិនប្រយ័ត្នក៍ជ្រុលទៅបុកម៉ូតូពីក្រោយអូសជាង៣០ម៉ែត្របណ្តាលអោយម្ចាស់ម៉ូតូរងរបួសធ្ងន់ត្រូវបានដឹកយកទៅព្យាបាលនៅមន្ទីរពេទ្យភ្លាមៗ ។

ក្រោយកើតហេតុនគរបាលចរារចណ៍ខណ្ឌពោធិ៍សែនជ័យចុះធ្វើការវាស់វែងហើយយករថយន្តបង្កនិងម៉ូតូទៅរក្សាទុកនៅអធិការដ្ឋានខណ្ឌពោធិ៍សែនជ័យដើម្បីដោះស្រាយនៅពេលក្រោយ ៕

ដោយ៖ សុខាសែនជ័យ