ពិភពលោក វាយតម្លៃខ្ពស់ចំពោះការចាប់ដៃជាប្រវត្តិសាស្ត្រ អាមេរិក-កូរ៉េខាងជើង

ចែករំលែក៖

ពិភពលោកទាំងមូល បានតាមតានយ៉ាងយកចិត្តទុក ដាក់ នៅជំនួបកំពូល រវាងលោកត្រាំនិងគីមជុងអ៊ុន  ដោយសារជំនួបនេះមានសារសំខាន់ម្យ៉ាង អាចនិយាយបានថា «មួយចានទឹក មួយចានគោក» បើកិច្ចពិភាក្សាបរាជ័យ សង្គ្រាម អាចនិងផ្ទុះឡើង ផ្ទុយទៅវិញបើទទួលបានជោគជ័យ តំបន់អាស៊ីទាំងមូល និងពិភពលោក ទទួលបាននៅសន្តិភាព ។ មិនតែប៉ុណ្ណោះ ក្រុមអ្នកជំនួញធំៗ​ ក៏ដូជា ទីផ្សាភាគហ៊ុន បានតាមដាន ការផ្សាយផ្ទាល់ ដើម្បីវាយតម្លៃ ទៅលើទីផ្សាភាគហ៊ុន ដែលអាចកើនឡើង។

នៅពេលដែល មេដឹកនាំអាមេរិក កូរ៉េខាងជើង ចេញទៅចាប់ដៃនៅមុខ សារព័ត៌មាន  មន្ត្រីប្រទេសទាំងពីរ បានតាមដាន យ៉ាងយកចិត្តទុកដាក់​ នៅសកម្មភាព ឥរិយាបទ  នៃការចាប់ដៃស្វាគមន៍របស់ មេដឹកនាំទាំងពីរ។ បរិយាកាស សប្បាយរីករាយបានកើតមានឡើងរវាងមន្ត្រីកូរ៉េខាងជើង និងអាមេរិក ពេលរងចាំ មេដឹកនាំរបស់រៀងៗ ចូលទៅពិភាក្សា តែពីរនាក់និងអ្នកបកប្រែ។

នៅក្នុងទីក្រុងសេអូលវិញ ប្រធានាធិបតីកុរ៉េខាងត្បូង លោកម៉ូនជេអីន  រួមជាមួយមន្ត្រីរដ្ឋាភិបាល  បង្ហាញពីភាពសប្បាយរីករាយនៅការចាប់ដៃរវាង គីមជុងអ៊ុន​និងត្រាំ។

ពលរដ្ឋកូរ៉េខាងជើង​និងកូរ៉េខាងត្បូង ក៏បានតាមដានសកម្មភាព នៃជំនួបខាងលើ តាមការផ្សាយផ្ទាល់ផងដែរ នៅទីសាធារណៈ នឹងទះដៃអបអរសាទរ ។

នៅទីក្រុងតូក្យូ វិញ ប្រព័ន្ធផ្សព្វ​ផ្សាយសាធារណៈ បានផ្សាយផ្ទល់នៅសកម្មភាពនៃជំនួបខាងលើផងដែរ៕

...

ដោយ៖ មែវ សាធី

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print