ភ្នំពេញ៖ ថ្ងៃទី១៥ ខែវិច្ឆិកា ឆ្នាំ២០១៥ វេលាម៉ោង០៦និង២៥នាទី ស្ថិតនៅចំណុចបារបារាំងG.PUB ក្នុងផ្សារសុរិយាម៉ល សង្កាត់ផ្សារថ្មី៣ អហដូនពេញ បង្ក្រាបនិងឃាត់ខ្លួនជនសង្ស័យ០១នាក់ ករណីហិង្សាដោយចេតនា ។
ជនសង្ស័យមិនទាន់សួរឈ្មោះបាន ព្រោះស្ថិតក្នុងស្ថានភាពស្រវឹង ភេទប្រុស អាយុប្រហែលជាង៣០ឆ្នាំ ជាអនិកជនខ្មែររស់នៅបរទេស ។ ជនរងគ្រោះ ១.ឈ្មោះ អ៊ុំ ផន ភេទប្រុស អាយុ៣៨ឆ្នាំ មុខរបរសន្តិសុខហាង G.PUB ស្នាក់នៅ ភូមិព្រៃទា សង្កាត់ចោមចៅ ខណ្ឌពោធិ៍សែនជ័យ ។ ២.ឈ្មោះ សោម វណ្ណា ភេទប្រុស អាយុ២៧ឆ្នាំ មុខរបរ មេការហាង G.PUB ស្នាក់នៅផ្ទះជួល ក្បែរផ្សារសុរិយាម៉ល សង្កាត់ផ្សារថ្មី៣ ខណ្ឌដូនពេញ ។
ក្រោយឃាត់ខ្លួនសមត្ថកិច្ចបានដកហូតកូនកាំបិតចំនួន០១ពីជនសង្ស័យ ។ នៅវេលាម៉ោង០៦:១៥នាទី ជនសង្ស័យបានចូលផឹកស៊ីនៅបារបារាំង G.PUB ហើយបាននិយាយឡូឡាប៉ះពាល់ដល់ភ្ញៀវផ្សេងទៀត ភា្លមនោះសន្តិសុខឈ្មោះ អ៊ុំ ផន បានហៅណែនាំសម្របសម្រួលកុំអោយធ្វើបែបនេះ បន្ទាប់ពីបានណែនាំរួច ជនសង្ស័យក៏បានដើរចេញពីហាងនោះ។ ១៥នាទីក្រោយមក ជនសង្ស័យក៏ត្រឡប់មកវិញហើយក៏ស្ទុះមកវាយឈ្មោះ អ៊ុំ ផន ហើយជនសង្ស័យមិនដឹងជាបានកូនកាំបិតមកពីណា យកមកចាក់ឈ្មោះ អ៊ុំ ផន ប៉ុន្តែភា្លមនោះឈ្មោះ សោម វណ្ណា បានចូលទៅជួយក៏ត្រូវជនសង្ស័យចាក់០១កាំបិតត្រូវចំបំពង់ករងរបួសធ្ងន់ ។
បច្ចប្បន្ន ជនរងគ្រោះកំពុងព្យាបាលនៅមន្ទីរពេទ្យកាល់ម៉ែត ៕
ដោយ៖ ស ដារ៉ា
