កម្លាំងសន្ដិសុខនៅទីក្រុងសេអ៊ូល កាលពីថ្ងៃទី១៥ ខែវិច្ឆិកា ឆ្នាំ២០១៥ បាន ប៉ះទង្គិចជាមួយក្រុមបាតុករដង្ហែក្បួននៅតាមដងផ្លូវទាមទារឱ្យប្រធានាធិបតីកូរ៉េខាងត្បូងលោកស្រីផាកយុងហេចុះចេញពីតំណែង ។
សារព័ត៌មាន BBC បានផ្សាយថា ប៉ូលិសកូរ៉េខាងត្បូងបានប្រើប្រាស់ឧស្ម័នបង្ហូរទឹកភ្នែកដើម្បីបំបែកហ្វូងបាតុករ។ ប៉ូលិសទីក្រុងស៊េអូលបានឱ្យដឹងថា ពល រដ្ឋរាប់សិបពាន់នាក់បានចូលរួមធ្វើបាតុកម្មខាងលើ ។
ក្រុមសហជីពកម្មករបានប្រឆាំងទៅនឹងគោលនយោបាយរបស់លោកស្រីផាក យុងហេ សម្រាប់អ្នកវិនិយោគនិងអ្នក ជំនួញធំៗ ។ ក្នុងពេលជាមួយគ្នានោះ ដែរក្រុមបាតុករមួយក្រុមទៀតបានធ្វើ បាតុកម្មប្រឆាំងទៅនិងសៀវភៅសិក្សា ប្រវត្ដិសាស្ដ្រដែលពួគគេចាត់ទុកថាបាន បិទបាំងដល់របបផ្ដាច់ការកាលពីអតីតកាលរបស់មេដឹកនាំក្នុងប្រទេសនេះ។
មនុស្សជាច្រើនស្រែកហូកញ្ជៀវនិង លើកស្លាកបដាថា លោកស្រីផាក យុងហេ ត្រូវតែចុះចេញពីតំណែង។ ប៉ូលិសសក៏ បានប្រើប្រាស់ឧស្ម័នបង្ហូរទឹកភ្នែកបំបែកហ្វូងបាតុករដែលព្យាយាមបំបែករបាំង ការពាររបស់ប៉ូលិសឆ្ពោះទៅកាន់វិមានប្រធានាធិបតីផាក ហុងហេ ។
ការដែលលោកស្រីផាក យុងហេ អនុ ម័តនូវគោលនយោបាយដែលបង្កឱ្យមាន វិវាទខាងលើគឺដើម្បីធ្វើឱ្យទីផ្សារពលករកាន់តែរីកចម្រើនជាងនេះខណៈមានកម្មករជាច្រើននាក់បានបញ្ឈប់ពីការងារ ៕
ប្រែសម្រួល៖ ម៉ែវ សាធី
