ភ្នំពេញ៖ នៅថ្ងៃទី១៨ខែវិច្ឆិកា ឆ្នាំ២០១៥ វេលាម៉ោង៤:០០នាទី ទៀបភ្លឺ គណ:បញ្ជាការឯកភាខណ្ឌដូនពេញ ដឹកនាំដោយលោក សុខ ពេញវុធ អភិបាលរងខណ្ឌ លោក ពេញ សុខន អធិការរងខណ្ឌ និងលោក ងែត ងួន មេបញ្ជាការរងកងរាជអាវុធហ្ថខណ្ឌ សរុបចំនួន៨០នាក់ ក្នុងនោះមាន៖
កម្លាំងសាលាខណ្ឌចំនួន៥០នាក់ កម្លាំងនគរបាលខណ្ឌចំនួន២០នាក់ កម្លាំងបញ្ជាការកងរាជអាវុធហ្ថខណ្ឌចំនួន១០នាក់ បានចុះត្រួតពិនិត្យរដ្ឋបាលរៀបចំសណ្តាប់ធ្នាប់ ប្រមូលជនអនាថា ក្មេងហិតកាវ ញៀនថ្នាំ នៅជុំវិញព្រះបរមរាជវាំង សួនច្បារមាត់ទន្លេ និង សួនច្បារជុំវិញរមណីដ្ឋាន ផ្សេៗសរុប:ចំនួន៦១នាក់ក្នុងនោះប្រុស៣៩ នាក់ ស្រី២២នាក់ ក្មេង១០នាក់ ប្រមូលមកសាលាខណ្ឌ ធ្វើសាវតាជាតិបញ្ជូនទៅមន្ទីរសង្គមកិច្ចដើម្បីរក្សារទុក និងមានវិធានការបន្ត។
គួរបញ្ជាក់ផងដែរថា កន្លងមកក្រុមក្មេងហិតកាវទាំងអស់នេះតែងតែបង្កការអុកឡុក បង្កភាពអនាធិបតេយ្យនិងបង្កបទល្មើសឆក់និងវាយយកទ្រព្យសម្បត្តិប្រជាពលរដ្ឋ ភ្ញៀវទេសចរណ៍ដែលមកលំហែកាយនិងហាត់ប្រាណថែមទៀតផង ៕
ដោយ៖ ស ដារ៉ា
