កាស៊ីណូឃីងរូស័្ទរមានច្បាប់អនុញ្ញាតមែន?? តែអនុញ្ញាតឲ្យពលរដ្ឋខ្មែរចូលលេងល្បែងខុសច្បាប់

ចែករំលែក៖

ខេត្តត្បូងឃ្មុំ ៖ តើជំនាញថ្នាក់ណាទើបអាចមានវិធាន ការត្រួតពិនិត្យ និងបង្ក្រាបបាន បើត្រឹមថ្នាក់ខេត្ត ដែលជាឪពុកម្តាយផ្ទាល់របស់ពលរដ្ឋមិនហ៊ានផងនោះ?

អ្នកនិយមចូលលេង​ល្បែងបាន​លួចបង្ហើបអោយដឹងថា​ កាស៉ីណូឃីងរូស្ទ័រ ដែលមានទីតាំងខាងក្រោយផ្ទះ សំណាក់ ភូមិយើង ស្ថិតក្នុងភូមិ អន្លង់ ជ្រៃ ឃុំកក់ ស្រុកពញាក្រែក ខេត្តត្បូងឃ្មុំ មានល្បែងច្រើនប្រភេទ៖ ជល់ មាន់ អាប៉ោង យូរគី ឆ្នោត​វៀតណាម​ បើកលេងយ៉ាងគគ្រឹក​ គគ្រេង កំពុងប្រព្រឹត្តផ្ទុយពីច្បាប់ដោយបានអនុញ្ញាតអោយជនជាតិខ្មែរចូលលេង​ទាំងបំពាន​ច្បាប់ ដើម្បីបន្លំភ្នែកថ្នាក់លើ គឹមានរយៈពេលជិត២ឆ្នាំមកហេីយ។

ប្រភពព័ត៌មានពីពួកគាត់បន្តថា មានពលរដ្ឋខ្មែរមកពីក្នុង ភូមិ ស្រុក ខេត្ត ក្រៅខេត្ត និងរាជធានី សំរុកចូល លេង ដូចហែកឋិន ភ្នាល់គ្នាដាក់លុយធំៗ យ៉ាងសប្បាយអឺងកង ដោយគ្មានការត្រួតពិនិត្យ ពីសមត្ថកិច្ចមូលដ្ឋាន និងអាជ្ញាធរខេត្តឡើយ ដោយគេដឹងច្បាស់ថា មានខ្សែអ្នកមានអំណាចកាងនៅពីក្រោយខ្នង ។

ពួកគាត់អះអាងថា កាលវិភាគគឺចាប់លេងពីថ្ងៃពុធ និង ថ្ងៃសៅរ៍ មានអ្នកយកមាន់មកជល់ សុទ្ធតែខ្មែរ ជិះម៉ូតូ រថយន្តមកលេងល្បែងចាក់លុយភ្នាល់ រាប់រយ រាប់ពាន់ រាប់ម៉ឺនដុល្លារ សំឡេង ហ៊ោកញ្ជ្រៀវ លាន់ឮ  ទ្រហឹង អឺងកង  ដោយសំអាងថា កន្លែងបើកល្បែងនេះ គឺខ្សែ អ្នកធំ អ្នកមានអំណាចនៅពីក្រោយខ្នង ។  ដូច្នេះមានសន្តិសុខសុវត្ថិភាពល្អណាស់  សមត្ថកិច្ចនគរបាលប៉ុស្តិ៍ អធិការ ស្នងការ កងរាជអាវុធហត្ថ មិនហ៊ានមកសួរនាំអ្វីនោះទេ ។

ដកស្រង់ប្រសាសន៍លោកមេប៉ុស្តិ៍រដ្ឋបាលឃុំកក់បញ្ជាក់ថា «ប៉ុស្តិ៍ក៏បានដឹងថា មានបើកល្បែងមាន់ជល់ ភ្នាល់ដាក់លុយមែន តែសមត្ថកិច្ចប៉ុស្តិ៍មិនហ៊ានទៅសួរនាំទេ ព្រោះអ្នកបើកខ្សែធំណាស់» ។

ទោះយ៉ាងណាមានប្រភពមួយអះអាងថាកាស៊ីណូឃីង រូស្ទ័រ បើកលេងល្បែងនេះគឺមានច្បាប់អនុញ្ញាតត្រឹមត្រូវ ។

ចំណែកខាងនាយកដ្ឋានគ្រប់គ្រងអាជីវកម្មល្បែងភ្នាល់បានបញ្ជាក់យ៉ាងដូច្នេះថា «កាស៊ីណូ ឃីងរូស័្ទរ មានច្បាប់អនុញ្ញាតមែន តែមិនអនុញ្ញាតឲ្យពលរដ្ឋខ្មែរចូលលេងទេ ហើយ ស.ជ.ណ ក៏បានចេញសេចក្តីប្រកាសដែរ »។

លោក លី ឡេង អភិបាលខេត្តត្បូងឃ្មុំ បានប្រាប់​ សារព័ត៌មាន​ក្នុងស្រុកថា​ « ការងារនេះគឺស្ថិតលើ ជំនាញ បន្ទាប់មកថាជាប់រវល់មានភ្ញៀវ ហើយ​ក៏បិទទូរស័ព្ទ »។

ការរុញដាក់គ្នារបៀបដោះសារ ក្នុងន័យមិនចាត់វិធាន ការបង្ក្រាបបែបនេះ ត្រូវបានប្រជាពលរដ្ឋចោទប្រកាន់ថា  អ្នកបើកទីតាំងល្បែងស៊ីសងខាងលើមានខ្សែធំ និងម្យ៉ាងពួកគេបានរត់ការបិទមាត់មន្ត្រីមានសមត្ថកិច្ចក្នុងខេត្តត្បូងឃ្មុំអស់ហើយ ។ ដូច្នេះទើបផ្តល់សុវត្ថិភាពអ្នកចូលលេង ដោយសេរីបែបនេះ៕ វណ្ណៈ

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print