ខេត្ដបាត់ដំបង៖ ប្រជាពលរដ្ឋនិយាយ ថា មន្ដ្រីជលផលខេត្ដបាត់ដំបងហាក់ មិនអើពើទាល់តែសោះ ខណៈបទល្មើស នេសាទ ដូចជាការដាក់ឆ្នុក ស្បៃអ៊ុយ និងសម្រាស់កើតមានពាសពេញស្ទឹង សង្កែ ។
បើតាមប្រជាពលរដ្ឋបានឱ្យដឹង ថា បទល្មើស ឆ្នុក ស្បៃ អ៊ុយនិង សម្រាស់ទាំងនោះត្រូវគេដាក់ចាប់ពី ចំណុចភូមិព្រែកតាតន់សង្កាត់ព្រែក ព្រះស្ដេច ក្រុងបាត់ដំបង រហូតទៅដល់ ឃុំវត្ដតាមិម ស្រុកសង្កែដែលបាននិង កំពុងបំផ្លាញទៅដល់ពូជពង្សមច្ឆជាតិ យ៉ាងខ្លាំង ។
លោក ជួង សុភា នាយខណ្ឌជលផល ខេត្ដបាត់ដំបងបានថ្លែងថា កាលពីលើក មុនលោកបានដឹកនាំកម្លាំងចុះទៅបង្ក្រាបម្ដងរួចហើយ ប៉ុន្ដែក្រុមប្រជានេសាទ ទាំងនោះបានដឹងខ្លួនមុន រួចក៏នាំគ្នារើ អស់តែយ៉ាងណាក៏ដោយលោកនឹងឱ្យ មន្ដ្រីជលផលខាងស្រុកសង្កែចុះទៅមើល ។ ទោះជាយ៉ាងណាក៏ដោយក្រុមប្រជាពល រដ្ឋនិយាយថា ពួកគាត់នឹងរង់ចាំមើល ចំណាត់ការរបស់មន្ដ្រីជលផល តើអាច ធ្វើបាន ឬយ៉ាងណា ?
អភិបាលរងស្រុករុក្ខគិរី លោកស្រី សេង ឌី មានប្រសាសន៍ថា បញ្ហានេះ លោកស្រីពុំអាចឆ្លើយតបទៅនឹងសំណើរបស់ប្រជាពលរដ្ឋបានភ្លាមៗនោះទេ ។ តែទោះយ៉ាងណា លោកស្រីអះអាងថា អាជ្ញាធរស្រុកបានទទួលសំណើរបស់ប្រជាពលរដ្ឋរួចរាល់ហើយហើយថានឹងនាំ រឿងនេះដាក់ជូនទៅលោកអភិបាលដោះ ស្រាយបន្ដ ៕
ដោយ៖ ហេង នរិន្ទ្រ
