ខេត្តបាត់ដំបង៖ សាកសពបុរសម្នាក់ត្រូវបានប្រជាពលរដ្ឋទៅងូតទឹកប្រទះឃើញអណ្តែតក្នុងទឹកស្ទឹង សង្កែ ក្រុងបាត់ដំបង កាលពីវេលាម៉ោង៣និង១០នាទីរសៀលថ្ងៃទី១៨ ខែវិច្ឆិកា ឆ្នាំ២០១៥ នៅចំណុចទល់មុខវត្តសុភី ស្ថិតក្នុងភូមិសុភី១ សង្កាត់រតនៈ ក្រុងបាត់ដំបង បង្កឱ្យមានការ ភ្ញាក់ផ្អើលដល់អ្នកភូមិនៅក្បែរនោះរួមនិងសមត្ថកិច្ចបានចុះទៅត្រួតពិនិត្យដល់កន្លែងកើតហេតុ ។
សាកសពបន្ទាប់មកត្រូវបានគេស្រង់ដាក់មកលើគោកដើម្បីធ្វើកោសល្យវិច័យ ក៏ប៉ុន្តែសមត្ថកិច្ចពុំទាន់សន្និដ្ឋានថាការស្លាប់នោះជាប់ពាក់ព័ន្ធអ្វីនៅឡើយនោះទេដោយកំពុងតែ ស្រាវជ្រាវរកសាច់ញាតិ ។
សាកសពបុរសខាងលើបើតាមប្រភពព័ត៌មានពីសមត្ថកិច្ចមូលដ្ឋានប្រាប់ឱ្យដឹងថាមកដល់ល្ងាចថ្ងៃដដែលគេមិនទាន់ស្គាល់អត្តសញ្ញាណនៅឡើយនោះទេ សមត្ថកិច្ចកកំពុងតែប្រកាសស្វែងរកសាច់ញាតិ ។ សាកសពបុរសរូបនោះមានអាយុប្រហែល៣៧ឆ្នាំ ពាក់អាវយឺតដៃខ្លីពណ៌លឿងរាងប្រផេះ សប្បុរសណ្តែកបាយកំពស់ជាង១ម៉ែត្រ៦០ ។
សមត្ថកិច្ចសូមអំពាវនាវដល់បងប្អូនប្រជាពលរដ្ឋបាត់សមាជិកគ្រួសារដែលមាន ភិនភាគដូចខាងលើសូមទំនាក់ទំនងទៅអាជ្ញាធរក្រុងបាត់ដំបង រឺនគរបាលក្រុងបាត់ដំបង និងដឹងព័ត៌មានលំអិតជុំវិញនៃការស្លាប់របស់បុរសខាងលើ។សមត្ថកិច្ចបានប្រគល់សពឱ្យអាជ្ញា មូលដ្ឋានដើម្បីយកទៅតំកលទុកក្នុងវត្ត ចាត់ចែងធ្វើបុណ្យប្រពៃណីទំនៀមទំលាប់ ៕
ដោយ៖ សំវិច្ឆិកា
