កម្មករសំណង់ជនជាតិចិនបាត់ខ្លួននៅឆ្នេរកន្ទុយនាគ

ចែករំលែក៖

ខេត្តព្រះសីហនុ៖ ជនជាតិចិនជាកម្មកសំណង់ម្នាក់ ត្រូវបានមិត្តភ័ត្រ និង ប្រជាពលរដ្ឋអះអាង ថា ត្រូវទឹករលកអូសចូលទឹកជ្រៅបណ្តាលអោយបាត់ខ្លួន នាល្ងាចថ្ងៃទី១៩ ខែកក្កដា ឆ្នាំ២០១៨នេះ នៅចំនុចកន្ទុយនាគ ក្រុម១៤ ភូមិ៤ សង្កាត់៤ ក្រុងព្រះសីហនុ ក្រោយពីបានចុះងូតទឹកលេងជាមួយមិត្តភ័ត្រ០៤នាក់ផ្សេងទៀត។យោងតាមប្រភពព័ត៌មានពីសមត្ថកិច្ចនៅកន្លែងកើតហេតុ បានអះអាងថា នៅថ្ងៃទី១៩ ខែកក្ដដា វេលាម៉ោង១៨.៣០នាទី នៅចំនុចកន្ទុយនាគ មានករណីជនជាតិចិនម្នាក់ ភេទប្រុស បានត្រូវទឹករលកអូសចូលទឹកជ្រៅបណ្តាលអោយបាត់ខ្លួន។តាមការឆ្លើយបំភ្លឺរបស់មិត្តភ័ក្រ ជនរងគ្រោះនៅក្នុងហេតុការណ៍បានរៀបរាប់ថា នៅវេលាម៉ោងខាងលើ មានជនជាតិចិនមួយក្រុម មានគ្នា ៥នាក់ បានចុះមកលេងទឹកនៅ ឆ្នេរកន្ទុយនាគ មួយសន្ទុះក្រោយមកមានចិនម្នាក់ បានរសាត់ទៅឆ្ងាយពីក្រុមចំងាយប្រហែល ៣ម៉ែត្រ ត្រូវបានទឹករលកអូសចូលកន្លែងទឹកជ្រៅ។ឃើញដូចនោះ ក៏នាំគ្នារត់រកពោងទៅជួយ តែមិនដល់មួយនាទីផងក៏បាត់ខ្លួន។

ជនរងគ្រោះ ឈ្មោះ LIU QIANG ភេទ ប្រុស ឆ្នាំកំណើត 01-04-1991 ។ កាន់លិខិតឆ្លង ដែន លេខ E68478103 មានសុពលភាពថ្ងៃទី 22- 02-2026មុខរបរជា កម្មករសំណង់។

ក្រោយមកកំលាំងនគរបាលប្រចាំការតំបន់នោះបានទំនាក់ទំនងជាមួយក្រុមម៉ូតូទឹកចំនួន២គ្រឿង មានគ្នា៤នាក់ បានរុករកទីតាំងដែលជនរងលង់ទឹកនោះក៏ពុំបានរកឃើញ។

គួរំលឹកផងដែរថា នៅតាមបណ្តោយឆ្នេរមួយចំនួន នាដើមឆ្នាំនេះ គឺទើបតែមានការបាត់ខ្លួនជនជាតិចិនម្នាក់តែប៉ុណ្ណោះ ព្រោះកន្លងមកក្រុមសមត្ថកិច្ចបានជួយសង្គ្រោះបានទាន់ពេលជាច្រើនលើក ក្នុងករណីលង់ទឹកនេះ ខណៈពេលកាលពីឆ្នាំមុនមានមនុស្សបាត់បង់ជីវិត ដោយលង់ទឹកនេះ មិនក្រោម១០នាក់នោះទេ។ដូចនេះបងប្អូនប្រជាពលរដ្ឋ និង ភ្ញៀវទេស ចរណ៍ដែលមកកំសាន្ត គួរតែមានការប្រុងប្រយ័ត្ននៅពេលចុះលេងទឹកម្តងៗនៅពេលមានរលកធំៗ៕ ឆ្លាម សមុទ្រ