រថយន្តTACOMAបុកជាមួយម៉ូតូZoomer X ក្នុងទិសដៅបញ្ច្រាស់គ្នា បណ្ដាលឲ្យយុវជនម្នាក់ភាគីខាងម៉ូតូស្លាប់យ៉ាងអាណោចអធម៌

ចែករំលែក៖

ភ្នំពេញ ៖ យុវជនម្នាក់ បានបោកក្បាលនិងថ្នល់ស្លាប់ភ្លាមៗនៅនិងកន្លែងកើតហេតុ បន្ទាប់ពីជិះម៉ូតូទៅបុកជាមួយរថយន្តក្នុងទិសដៅបញ្ច្រាស់គ្នាយ៉ាងពេញទំហឹង កាលពីវេលាម៉ោង២១:១៥នាទីយប់ ថ្ងៃអាទិត្យ ១០កើត ខែទុតិយាសាឍ ឆ្នាំច សំរឹទ្ធស័ក ព.ស២៥៦២ ត្រូវនិងថ្ងៃទី២២ ខែកក្កដា ឆ្នាំ២០១៨ នៅតាមបណ្តោយផ្លូវជាតិលេខ២ ត្រង់ចំណុចមុខរោងម៉ាស៉ីន ស្ថិតក្នុងភូមិកណ្តាល សង្កាត់រលួស ខណ្ឌដង្កោ រាជធានីភ្នំពេញ ។

សមត្ថកិច្ចបានឲ្យដឹងថា សពមានឈ្មោះ ផាន តុលា ភេទប្រុស អាយុ២៤ឆ្នាំ មុខរបប កម្មករសំណង់ មាន ស្រុកកំណើត ភូមិពូនភ្នំ ឃុំត្រពាំងសាប ស្រុកបាទី ខេត្តតាកែវ ដោយជិះម៉ូតូម៉ាក HONDA ZOOME X ពណ៍ស ពាក់ស្លាកលេខ ភ្នំពេញ FW-2881 ។ ចំណែកតៃកុងរថយន្តមិនស្គាល់អត្តសញ្ញាណទេ ក្រោយកើតហេតុភ្លាមៗបានរត់គេចខ្លួនបាត់បន្សល់ទុករថយន្តបង្កម៉ាក TOYOTA TACOMA ពណ៍ទឹកមាស ពាក់ស្លាកលេខ ភ្នំពេញ 2AS-3694 នៅកន្លែងកើតហេតុ ។

យោងតាមប្រភពព័ត៌មានពីប្រជាពលរដ្ឋដែលឃើញហេតុការណ៍ខាងលើ បានប្រាប់ឲ្យដឹងថា មុនពេលកើតហេតុគាត់ឃើញរថយន្តនិងម៉ូតូបើកបរបញ្ច្រាស់ទិសគ្នាដោយម៉ូតូជិះពីត្បូងទៅជើង លុះមកដល់ចំណុចកើតហេតុក៏ត្រូវបានទៅបុកជាមួយរថយន្តTACOMAដែលធ្វើដំណើរបញ្ច្រាស់គ្នា ចំទល់មុខគ្នាយ៉ាងពេញទំហឹង បណ្ដាលឲ្យយុវជនម្នាក់ខាងម៉ូតូ ដួលបោកក្បាលស្លាប់ភ្លាមៗនៅនិងកន្លែងកើតហេតុ ។

ប្រជាពលរដ្ឋបានបន្តថា ពេលឃើញដូច្នេះពួកគាត់ក៏រត់មកមើល និងរាយការណ៍ជូនសមត្ថកិច្ចមូលដ្ឋានអោយមកអន្តរាគមន៍តែម្តង តែតៃកុងរថយន្តបង្កបានរត់គេចខ្លួនបាត់ស្រមោល ។
បច្ចុប្បន្នក្រោយសមត្ថកិច្ចធ្វើការវាស់វែងរួច សពត្រូវបានប្រគល់ឲ្យទៅក្រុមគ្រួសារយកទៅធ្វើបុណ្យតាមប្រពៃណី ។

ចំណែករថយន្ត និង ម៉ូតូត្រូវសមត្ថកិច្ចធ្វើការវាស់វែងយកទៅរក្សាទុកនៅការិយាល័យសណ្តាប់ធ្នាប់ នៃស្នកការដ្ឋាននគរបាលចរាចរណ៍ផ្លូវគោករាជធានីភ្នំពេញ រងចាំដោះស្រាយតាមផ្លូវច្បាប់៕ដោយ៖ ភារ៉ា ដង្កោ

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print