ភ្នំពេញ៖ ជនសង្ស័យមានគ្នា៥នាក់ជិះម៉ូតូ២គ្រឿងប្រដាប់ដោយដំបងឆក់បានធ្វើសកម្មភាពឆក់និងប្លន់យកម៉ូតូពីយុវជនមានគ្នា៤នាក់ជិះ២គ្រឿងខណះចេញពីកន្លែងផឹកស៊ីហើយឈប់ម៉ូតូតាមផ្លូវបត់ជើងតូច បានសម្រេចមួយគ្រឿងគេចខ្លួនបាត់ដោយសុវត្តិភាព ។
ហេតុការណ៍នេះបង្កអោយមាការភ្ញាក់ផ្អើលកាលពីវេលាម៉ោង២និង៤០រំលងអធ្រាត្រ ឈានចូលថ្ងៃទី១៩ ខែវិច្ឆិកា ឆ្នាំ២០១៥ តាមបណ្តោយផ្លូវវេងស្រេង ក្នុងភូមិចោមចៅ សង្កាត់ចោមចៅ ខណ្ឌពោធិសែនជ័យ ។
ជនរងគ្រោះជាមា្ចស់មូតូដែលត្រូវជនសង្ស័យប្លន់យកទៅនោះ ឈ្មោះភឹម ប្រុស ភេទប្រុសអាយុ២៤ឆ្នាំ មុខរបរជាងផ្សារដែក ស្នាក់នៅសង្កាត់ស្ទឹងមានជ័យ ខណ្ឌមានជ័យ មានស្រុកកំណើតនៅឃុំត្បូងក្រពើ ស្រុកសន្ទុក ខេត្តកំពង់ធំ ជិះម៉ូតូម៉ាកហុងដាឌ្រីម សេរី2014 ពណ៌ខ្មៅ ពាក់ស្លាកលេខ កំពង់ធំ1 J2375 (ប្លន់យកទៅបាត់) ។
ជនរងគ្រោះបានឲ្យដឹងថា មុនពេលកើតហេតុពួកគេមានគ្នា៤នាក់ ជិះម៉ូតូម៉ាកហុងដាឌ្រីម២គ្រឿង ចេញមកពីផឹកស៊ីនៅម្តុំស្ទឹងមានជ័យ ខណ្ឌមានជ័យ បំណងធ្វើដំណើរទៅផ្ទះមិត្តភ័ក្តនៅសង្កាត់ចោមចៅ ខណ្ឌពោធិ៍សែនជ័យ ក្នុងទិសដៅពីលិចទៅកើត លុះពេលមកដល់ចំណុចកើតហេតុខាងលើ មានមិត្តភ័ក្តម្នាក់សុំអោយឈប់ដើម្បីបត់ជើងតូច ។ បន្ទាប់មកពួកគេ ក៏នាំគា្នឈប់ម៉ូតូក្បែរចិញ្ចើមផ្លូវទាំង២គ្រឿង ហើយមិត្តភ័ក្តម្នាក់ដើរទៅបត់ជើងតូចនៅចាំម៉ូតូ៣នាក់ ។ ភ្លាមនោះស្រាប់តែមានជនសង្ស័យមានគ្នាចំនួន៥នាក់ ជិះម៉ូតូ២គ្រឿងប្រដាប់ដោយដំបងឆក់បានចុចដាក់រួបគេ ធ្វើឲ្យពួកគេ ភ័យរត់ចោលម៉ូតូ រួចជន សង្ស័យក៏ឡើងជិះម៉ូតូចេញទៅបាត់ដោយសុវត្ថិភាព ។
ក្រោយពេលកើតហេតុជនរងគ្រោះក៏បានម៉ូតូ១គ្រឿងនាំគ្នាជិះទៅដាក់ពាក្យបណ្តឹង នៅប៉ុស្តិ៍នគរបាលចោមចៅ តែមិនសមត្តកិច្ចមិនព្រមទទួលពាក្យបណ្តឹងព្រោះដោយរងចាំអោយជនរងគ្រោះយកឯកសារម៉ូតូគ្រប់គ្រាន់ ទើបទទួលពាក្យបណ្តឹង ៕
ដោយ៖ សុខាសែនជ័យ
