ខេត្តស្វាយរៀង៖ លោកតាម្នាក់ជិះម៉ូតូបត់ឆ្វេងខ្វះការប្រុងប្រយត្ន័បុកជាមួយម៉ូតូមួយគ្រឿងទៀតដែលបើកបញ្ច្រាស់ទិសគ្នាពេញទំហឹងកាលពីរវេលាម៉ោង១សៀល ថ្ងៃទី២០ ខែវិច្ឆិកា ឆ្នាំ២០១៥ នៅលើកំណាត់ផ្លូវលេខ២០៤ ស្ថិតនៅភូមិមេភ្លើង សង្កាត់ស្វាយរៀង ក្រុងស្វាយរៀង ខេត្តស្វាយរៀង ។
បើតាមអ្នកបានឃើញហេតុការណ៍ផ្ទាល់ភ្នែកបានឲ្យដឹងថា មុនដំបូងគេឃើញលោកតា ឈ្មោះទូច ផុន អាយុ៦៨ឆ្នាំ រស់នៅភូមិឃោសាង សង្កាត់ស្វាយតឿ ក្រុងស្វាយរៀង បានជិះម៉ូតូមួយគ្រឿងម៉ាកហុងដាសេ១២៥ ពណ៌ ខ្មៅពាក់ស្លាកលេខភ្នំពេញ១R៧៩០០ បើកពីទឹសខាងត្បូងទៅជើង លុះដល់ចំណុចកើតហេតុខាងលើ ក៏បត់ឆ្វេង ខ្វះការប្រុងប្រយត្ន័ ស្រាប់តែមានបុរសម្នាក់ឈ្មោះយូ អាយុ៣២ឆ្នាំ មានទីលំនៅភូមិចិន្ត្រី ឃុំចិន្ត្រី ស្រុករមាសហែក បានជិះម៉ូតូម៉ាកហុងដាសេ១២៥ ពណ៌ខ្មៅ ពាក់ស្លាកលេខ ភ្នំពេញ BR០៩២៨ បញ្ច្រាស់ទឹសគ្នាពីជើងមកត្បូង ក៏បុកគ្នាពេញទំហឹងដួលបោកទៅលើថ្នល់បណ្តាលអោយរងរបួសទាំងសងខាង ត្រូវបានអ្នកភូមិនាំគ្នាជួយដឹកយកទៅមន្ទីរពេទ្យខេត្តដើម្បីសង្គ្រោះ។
ចំពោះម៉ូតូភាគីទាំងសងខាងត្រូវបានសម្របសម្រួលគ្នាដោយមិនបានប្ដឹងផ្ដល់ទៅសមត្ថកិច្ចនគបាលមូលដ្ឋាននោះទេ ៕
ដោយ៖ យឹម សុថាន
