រថយន្តfordឆ្លងផ្លូវត្រូវម៉ូតូបុករបួសធ្ងន់២នាក់

ចែករំលែក៖

ភ្នំពេញ៖​ យុវជនប្រុសស្រីចំនួន២នាក់បានជិះម៉ូតូឌុបគ្នាក្នុងល្បឿនលឿនជ្រុលបុករថយន្តម៉ាកford ខណះបើកឆ្លងផ្លូវបណ្តាលអោយរបួសធ្ងន់២នាក់។

ហេតុការណ៍​នេះបានកើតឡើងកាលពីវេលាម៉ោង៨និង៣០នាទីយប់ថ្ងៃទី២៣​ខែសីហា​ឆ្នាំ២០១៨​ នៅចំណុចមុខបុរីហាយធិច​ លុច្សស៊េរី​ តាមបណ្តោយផ្លូវជាតិលេខ១​ ស្ថិតក្នុងសង្កាត់នរោធន៍​ ខណ្ឌច្បារអំពៅ​។

តាមសាក្សីនៅកន្លែងកើតហេតុបានអោយដឹងថា​ មុនពេលកើតហេតុគេបានឃើញរថយន្តម៉ាកford ពណ៍ខ្មៅ​ ពាក់ស្លាកលេខភ្នំពេញ2AT 9000 ធ្វើដំណើរតាមបណ្តោយផ្លូវជាតិលេខ១​ ក្នុងទិសដៅពីលិចទៅកើតខណះមកដល់ចំណុចកើតហេតុស្រាប់តែមានម៉ូតូម៉ាកស្កូបពី​ បិតស្កុតពណ៍ទឹកមាស​ ពាក់ស្លាកលេខភ្នំពេញ1CO 8189 បកបរដោយបុរសម្នាក់និងមាននារីម្នាក់ទៀតរួមដំណើរជាមួយ​ ធ្វើដំណើរក្នុងទិសដៅពីកើតទៅលិចហើយចាប់ហ្វ្រាំងមិនទាន់ក៏ជ្រុលបុករថយន្តពីចំហៀងពេញទំហឹងបណ្តាលអោយរងរបួសធ្ងន់ទាំង២នាក់។ ភ្លាមនោះត្រូវបានរថយន្តសង្គ្រោះដឹកទៅមន្ទីរពេទ្យភ្លាមៗ។

ក្រោយពលកើតហេតុសមត្ថកិច្ចមូលដ្ឋានបានចុះទៅដល់ចំណុចកើតហេតុនិងធ្វើការវាស់វែងយករថយន្តនិងម៉ូតូទៅរក្សាទុកនៅអធិការដ្ឋាននគរបាលខណ្ឌច្បារអំពៅរងចាំដោះស្រាយតាមច្បាប់៕សុខាសែនជ័យ

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print