ភ្នំពេញ៖ នៅព្រឹកថ្ងៃទី ២៣ ខែ វិច្ឆិកា ឆ្នាំ២០១៥នេះ លោកសុខ សម្បត្តិអភិបាល នៃគណៈអភិបាលខណ្ឌព្រែកព្នៅ លោកម៉ៅ បូរា ប្រធានក្រុមប្រឹក្សា រួមទាំងមន្ត្រីសាលាខណ្ឌទាំងមូលបាននាំយកអំណោយមានគ្រឿងឧបភោគបរិភោគ និងថវិកាមួយចំនួនទៅចែកជូនដល់កងកម្លាំងនៃទីបណ្ជាការដ្ឋានកងរាជអាវុធហត្ថខណ្ឌព្រែកព្នៅដើម្បីជួយដោះស្រាយដល់ជីវភាពប្រចាំថ្ងៃរបស់ពួកគាត់ ។
អំណោយដែលបានយកទៅចែកជូនដល់កងកម្លាំងរួមមាន អង្ករចំនួន ១០បាវ ម៊ីម៉ាម៉ា ចំនួន១០កេះ ទឹកសុទ្ធចំនួន ១០កេះ ទឹកត្រីនិងទឹកស៊ីអ៊ីវចំនួន១០យួរ ប្រេងម៉ាស្យ៊ូតចំនួន ២០០លីត្រ រួមទាំងថវិកាចំនួន១លានរៀលផងដែរ លោកសុខ សម្បត្តិអភិបាល នៃគណៈអភិបាលខណ្ឌព្រែកព្នៅបានថ្លែងទៅកាន់កងកម្លាំងអោយខិតខំធ្វើល្អ និងជួយពង្រឹងនូវកិច្ចការពារសន្តិសុខ សណ្តាប់ធ្នាប់ និងការពាសុវត្ថភាពជូនប្រជាពលរដ្ឋនិងរាជរដ្ឋាភិបាលអោយបានល្អ ។
លោកសុខ សម្បត្តិមានមតិសំណេះសំណាលដល់កងកម្លាំងប្រដាប់អាវុធ អោយរួបរួមសាមគ្គីគ្នា ពង្រឹងសន្តិសុខ សណ្តាប់ធ្នាប់ ការពារសុវត្ថភាព ទ្រទ្រង់ដល់ថ្នាក់ដឹកនាំ និងចេះសាមគ្គីគ្នាដើម្បីបំរើដល់ប្រជាពលរដ្ឋ ក៏ដូចជាប្រទេសជាតិទាំងមូលដើម្បីអោយបានឯករាជភាពបូរណៈភាពដែនដី លើកស្ទួយហេដ្ឋារចនាសម្ព័ន្ធ ក្នុងការស្តានិងអភិវឌ្ឍន៍ប្រទេសជាតិ ដើម្បីឈានទៅរកភាពរីកចំរើនរុងរឿងលើគ្រប់វិស័យតទៅនាអនាគត។
លោកសុ សម្បត្តិបន្តថា ថ្វីត្បិតតែអំណោយទាំងនេះមានតិចតួចក៏ពិតមែន តែអាចជួយសម្រួលដល់ជីវភាពក្នុងការរស់នៅរបស់កងកម្លាំងបានមួយគ្រាផងដែរ ដូចច្នេះសុំអោយកងកម្លាំងយើងទាំងអស់កុំអស់សង្ឃឹមក្នុងការបំរើការជូនរាជរដ្ឋាភិបាល ក្រោមការដឹកនាំរបស់សម្តេចសេនាបតីតេជោហ៊ុន សែន ជាថ្នាក់ដឹកនាំដ៏ឆ្លាតវៃមួយរូប ដែលលោកខិតខំស្វែងរកសនន្តិភាពជូនដល់ប្រទេសជាតិទាំងមូលមកទល់បច្ចុប្បន្ននេះ។
លោក ភួង សុភីមេបញ្ជាការកងរាជអាវុធហត្ថខណ្ឌព្រែកព្នៅ បានប្រាប់ការសែតនគរវត្តន៍យើងថា បើទោះជាកម្លាំងរបស់លោកមិនទាន់មានទីបញ្ជាការដ្ឋានពិតប្រាកដក៏ពិតមែន តែកម្លាំងរបស់លោកមិនរុញរាក្នុងការ ការពារនិងក្នុងការបំពេញតួនាទី ពង្រឹងសណ្តាប់ធ្នាប់ សន្តិសុខ សុខសុវត្ថភាពជូនដល់ប្រជាពលរដ្ឋ ក៏ដូចជាប្រមុខរាជរដ្ឋាភិបានអោយបានជាដាច់ខាត លោកភួង សុភី បន្តថាសព្វថ្ងៃកម្លាំងរបស់លោកបានខិតខំដាំដំណាំបន្លែនិងចិញ្ចិឹមមាន់ទា សម្រាប់ជួយសម្រួលដល់ជីវភាពប្រចាំថ្ងៃដល់កងកម្លាំងខ្លះដែរ ៕
ដោយ៖ ព្រែកជ័យ
