ខេត្ដប៉ៃលិន៖ លោក ម៉ី មគ្គ អភិ បាលរងខេត្ដប៉ៃលិនបានប្ដេជ្ញាថា អាជ្ញា ធរខេត្ដនិងអង្គភាពពាក់ព័ន្ធរួមទាំងប្រជាពលរដ្ឋនឹងខិតខំធ្វើយ៉ាងណានៅមុនឆ្នាំ ២០២៥ប្រជាពលរដ្ឋខេត្ដប៉ៃលិនមាន បង្គន់អនាម័យនិងទឹកស្អាតប្រើប្រាស់ គ្រប់ៗគ្នា ។
ការលើកឡើងខាងលើនេះបានធ្វើ ឡើងកាលពីថ្ងៃទី២៣ ខែវិច្ឆិកា ឆ្នាំ ២០១៥ នៅក្នុងទិវាលើកកម្ពស់អនាម័យ ជនបទ១៣ វិច្ឆិកា លើកទី១៦ ឆ្នាំ២០១៥ ក្រោមប្រធានបទ “អនាម័យល្អគឺជាការ ទទួលខុសត្រូវរបស់យើងទាំងអស់គ្នា” ។
លោកម៉ី មគ្គ បានលើកឡើងទៀតថា រាជរដ្ឋាភិបាលកម្ពុជាតែងតែបានទទួលស្គាល់អំពីភាពចាំបាច់នៃការលើកកម្ពស់ អនាម័យជនបទដោយក្នុងគោលនយោ បាយជាតិស្ដីពីការផ្គត់ផ្គត់ទឹកស្អាតនិង អនាម័យបានកំណត់នូវចក្ខុវិស័យច្បាស់លាស់ថា ក្នុងឆ្នាំ២០២៥ប្រជាពលរដ្ឋ គ្រប់រូបនៅសហគមន៍ជនបទត្រូវមាន ការផ្គត់ផ្គង់ទឹកស្អាតនិងអនាម័យគ្រប់ គ្រាន់ព្រមទាំងរស់នៅក្នុងបរិស្ថានដែលមានអនាម័យប្រកបដោយនិរន្ដរភាព ។
ដូច្នេះការរៀបចំប្រារឰទិវាលើក កម្ពស់អនាម័យជនបទ១៣វិច្ឆិកានេះគឺ ក្នុងគោលបំណងបន្ដជំរុញនិងយកចិត្ដទុកដាក់កាន់តែខ្ពស់ថែមទៀតក្នុងការបំផុសការយល់ដឹងការផ្សព្វផ្សាយជូនដល់បង ប្អូនប្រជាពលរដ្ឋរួមគ្នាលើកកម្ពស់ អនាម័យជនបទដែលជាមូលដ្ឋានសំខាន់មួយនៃការលើកតម្កើងសុខុមាលភាពសង្គម និងសេដ្ឋកិច្ចជាតិរបស់យើង ។
លោកស្រី សោ មុន្នីរ័ត្ន ប្រធានមន្ទីរ អភិវឌ្ឍន៍ជនបទខេត្ដប៉ៃលិនបានបញ្ជាក់ថា ប្រជាពលរដ្ឋភាគច្រើនងាកមក ប្រតិបត្ដិលើការរស់នៅស្អាត ហូបស្អាត ផឹកស្អាត ដោយអនុវត្ដនូវអនាម័យ៣ ប្រការ ទី១-សាងសង់និងប្រើប្រាស់បង្គន់ អនាម័យ, ទី២-លាងសម្អាតដៃជាមួយ សាប៊ូនៅពេលចាំបាច់ និងទី៣-បរិភោគ ទឹកស្អាត និងទុកឱ្យមានសុវត្ថិភាព ។
លោកស្រីបានបន្ដថា អត្រាគ្រប ដណ្ដប់អនាម័យនៅក្នុងខេត្ដប៉ៃលិនមានការកើនឡើងគួរឱ្យកត់សម្គាល់ដោយ ក្នុងនោះផ្នែកទឹកស្អាតបានចំនួន៤៩ភាគរយ អនាម័យបាន៤៥ភាគរយ និងមាន ភូមិចំនួន៦ក្នុងឃុំអូរអណ្ដូង ស្រុកសាលា ក្រៅប្រជាពលរដ្ឋបានឈប់បន្ទោបង់ ពាសវាលពាសកាលងាកមកប្រើប្រាស់បង្គន់អនាម័យបាន១០០ភាគរយតែម្ដង ៕
ដោយ៖ ស សារ៉េត
