ភ្នំពេញ៖ សាកសពបុរសម្នាក់ត្រូវ បានគេប្រទះញឃើញអណ្ដែតនៅតាម ដងទន្លេបាសាក់ស្ថិតក្នុងសង្កាត់ច្បារ អំពៅ១ ខណ្ឌច្បារអំពៅ កាលពីវេលា ម៉ោង១២និង៤០នាទីរសៀល ថ្ងៃទី២៤ ខែវិច្ឆិកា ឆ្នាំ២០១៥ ដែលករណីនេះត្រូវ បានគេសង្ស័យថា ជាសាកសពរបស់ ចោរឆក់កាបូបដែលបានលោតពីលើ ស្ពានព្រះមុនីវង្សថ្មី ដើម្បីរត់គេចពីការ តាមចាប់របស់សមត្ថកិច្ច ។
តាមការត្រួតពិនិត្យរបស់សមត្ថកិច្ច បានឱ្យដឹងថា សាកសពបុរសនោះពុំត្រូវ គេស្គាល់អត្ដសញ្ញាណនោះទេ ហើយ សាកសពមានសភាពហើមស្អុយទៅ ហើយនិងមានតែខោខ្លីនិងអាវយឺតដៃ វែងប៉ុណ្ណោះដែលសមត្ថកិច្ចជំនាញសន្និដ្ឋានថាស្លាប់ដោយសារលង់ទឹក ។
ដោយមានការសង្ស័យថា សាកសព ខាងលើជាសាកសពរបស់ចោរឆក់កាបូបរបស់នារីម្នាក់ កាលពីយប់ថ្ងៃទី២២ ខែ វិច្ឆិកាកន្លងទៅសមត្ថកិច្ចបានហៅនារី ជនរងគ្រោះជាម្ចាស់កាបូបមកចង្អុល បង្ហាញ ហើយនាងបានអះអាងថា ជន សង្ស័យដែលជាអ្នកឆក់រូបគាត់នោះ គាត់ មិនបានឃើញមុខទេគ្រាន់តែឃើញពី ខាងក្រោយពាក់អាវពណ៌ខ្មៅដូចសព អ៊ីបចឹងដែរ ។
ក្រោយបញ្ចប់ការត្រួតពិនិត្យរបស់សមត្ថកិច្ចសាកសពត្រូវបានគេនាំយក ទៅបូជានៅវត្ដចាក់អង្រែក្រោម ។
គួររំលឹកថា កាលពីវេលាម៉ោង៩ និង២៥នាទីយប់ ថ្ងៃទី២២ ខែវិច្ឆិកា ឆ្នាំ២០១៥ នៅចំណុចលើស្ពានព្រះមុនី វង្សថ្មី ស្ថិតក្នុងសង្កាត់ច្បារអំពៅ១ ខណ្ឌ ច្បារអំពៅ មានក្រុមចោរ២នាក់បាន ធ្វើសកម្មភាពឆក់កាបូបពីនារីម្នាក់ឈ្មោះ ស៊ិន ធី ដែលបានជិះម៉ូតូមកពីចូល រួមពិធីមង្គលការនៅក្នុងមជ្ឈមណ្ឌល មុងឌីយ៉ាល់ ។ បន្ទាប់ពីឆក់បានកាបូបពី ជនរងគ្រោះហើយក្រុមជនសង្ស័យក៏បានព្យាយាមជិះម៉ូតូគេចខ្លួនតែប្រទះនឹង សមត្ថកិច្ចហើយសមត្ថកិច្ចក៏បានធាក់ ម៉ូតូជនសង្ស័យផ្ដួលរួចក៏ដេញចាប់ពួក គេ ។ ពេលនោះជនសង្ស័យម្នាក់បាន លោតពីលើស្ពានព្រះមុនីវង្សថ្មី ដើម្បី រត់គេចពីការតាមចាប់របស់សមត្ថ កិច្ច ។ ចំណែកម្នាក់ទៀតក៏បានរត់ចុះពី លើស្ពានគេចខ្លួនបាត់ស្រមោល ៕
ដោយ៖ វិបុល
