មន្រ្តីនគរបាលម្នាក់ខណះសម្រួលចរាចរណ៍ស្រាប់តែដួលស្លាប់

ចែករំលែក៖

ភ្នំពេញ ៖ មន្ត្រីនគរបាលប៉ុស្តិ៍កាកាបទី១ នៃអធិការដ្ឋានខណ្ឌពោធិ៍សែនជ័យ ខណះកំពុងធ្វើចរាចរណ៍សម្រួលដល់ប្រជាពលរដ្ឋស្រាប់តែងងឹតមុខដួលដាច់សរសៃឈាម ស្លាប់គួរឱ្យអាណោចអាធ័ម ។
ហេតុការណ៍ខាងលើនេះ បានកើតឡើងនៅព្រឹកថ្ងៃទី២២ ខែកញ្ញា ឆ្នាំ២០១៨ តាមបណ្តោយផ្លូវសហពន្ធ័រុស្ស៊ី ដែលស្ថិតនៅក្នុងភូមិតាងួន សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ។
មន្រ្តីនគរបាលដែលបានស្លាប់ខាងលើមានឋានន្តរស័ក្តិ ជាអនុសេនីយ៍ទោឈ្មោះ នៅ បូរិន អាយុ៥០ឆ្នាំ​ មានតួនាទីជាមន្រ្តីនគរបាលទទួល បន្ទុកផ្នែកចរាចរណ៍ ខណ្ឌពោធិ៍សែនជ័យ មានទីលំនៅភូមិចំការឪឡឹក សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញ។
សមត្ថកិច្ចបានឲ្យដឹងថា​ដោយសារតែចរាចរណ៍មានការកកស្ទះទើបកម្លាំងនគរបាលរដ្ឋបាលកាកាបទី១​ បានចុះសម្រួលកុំអោយស្ទះខណះជនរងគ្រោះកំពុងធ្វើចរាចរណ៍ក៏បានងងឹតមុខហើយបានដួលបណ្តាលអោយដាច់សសៃឈាមស្លាប់តែម្តង។
គ្រោះដោយឧបត្តិវហេតុនេះ លោក យឹម សារ៉ាន់ អធិការនគរបាលខណ្ឌពោធិ៍សែនជ័យ រួមនឹងកងកម្លាំងនគរបាលទាំងអស់ ក៏បានចូលរួមរំលែកទុក្ខដ៏ក្រៀមក្រំ សំដែងនូវកាសោកស្តាយអាឡោះអាល័យ ដោយចងចាំមិនភ្លេចនៅវីរភាព និងស្នាដៃរបស់លោកកន្លងមក ក្នុងការបំពេញភារកិច្ច ការពារថែរក្សាសន្តិសុខ សុវត្ថិភាព និងសណ្តាប់ធ្នាប់សង្គមជូនប្រជាពលរដ្ឋ និងជូនជាតិមាតុភូមិ។
សពរបស់លោកត្រូវបានយកមកធ្វើបុណ្យ នៅគេហដ្ឋានរបស់លោកផ្ទាល់ ដែលស្ថិតនៅក្នុងភូមិចំការឪឡឹក សង្កាត់កាកាប១ ខណ្ឌពោធិ៍សែនជ័យ ៕ សុខាសែនជ័យ


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print