ភ្នំពេញ៖ ផ្ទះប្រជាពលរដ្ឋមួយខ្នងធ្វើពីឈើប្រក់ដែកស័ង្កសីត្រូវបានអគ្គីភ័យឆាបឆេះខ្ទេចម៉ត់ទាំងស្រុង ហេតុការណ៍គ្រោះអគ្គីភ័យនេះបានកើតឡើងនៅ វេលាម៉ោង០១និង៣០នាទីរសៀលថ្ងៃទី២៩កញ្ញាឆ្នាំ ២០១៨ នៅក្នុងភូមិបាគួសង្កាត់ដង្កោ ខណ្ឌដង្កោ ។

ម្ចាស់ផ្ទះរងគ្រោះមានឈ្មោះ សៅ វាសនា ភេទប្រុស អាយុ៣៦ឆ្នាំ ផ្ទះដែលអគ្គីភ័យឆាបឆេះមានទំហំ៦x៨ធ្វើអំ ពីឈើប្រកស័ង្កសី ត្រូវអគ្គីភ័យឆេះអស់ទាំងស្រុង ។

បើតាមប្រភពព័ត៌មានពីប្រជាពលរដ្ឋដែលរស់នៅក្បែផ្ទះកើតហេតុបានឲ្យថា ដំបូងគេឃើញផ្សែងហុយរួចបង្កចេញជាអណ្ដាតភ្លើងយ៉ាងសន្ឋោសន្ឋៅនៅផ្ទះកើត ហេតុភ្លាមៗប្រជាពលរដ្ឋបានរាយការណ៍ទៅអាជ្ញាធរ និងសមត្ថកិច្ចមូលដ្ឋានឲ្យជួយអន្តរាគមន៍ បន្ទាប់មកកម្លាំងអន្តរាគមន៍បង្កានិងពន្លត់អគ្គីភ័យរបស់សាលាខណ្ឌដង្កោបានចេញរថយន្តចំនួន៣គ្រឿងទៅជួយអន្តរាគមន៍បាញ់ពន្លត់ដោយប្រើប្រាស់បាញ់ អស់ ០១ឡានរលត់ទៅវិញទាំងស្រុង ៖ សម្ភភារៈខូចខាតរួមមាន ៖ ម៉ូតូហុងដាឌ្រីមសេ១២៥ឆ្នាំ២០០៨១គ្រឿង និងសម្ភភារៈ នៅក្នុងផ្ទះមួយចំនួនឆេះទាំងស្រុង ។

សមត្ថកិច្ចបានឲ្យដឹងថាហេតុការអគ្គីភ័យខាងលើ បណ្ដាលមកពីទុស្សេឆ្លងចរន្តអគីសនីឆាបឆេះតែម្ដង តែហេតុការនេះមិនមាននណាម្នាក់រងរបួសនោះទេ ៕

ដោយ ៖ភារ៉ា ដង្កោ