ភ្នំពេញ៖ ម្តាយបង្កើតលោក ខៀវ កាញារីទ្ធ រដ្ឋមន្រ្តីក្រសួងព័ត៌មាន បានទទួលអនិច្ចកម្ម នៅវេលាម៉ោង ១៦៖០០នាទីរសៀលថ្ងៃទី២៦ ខែវិច្ឆិកា ឆ្នាំ២០១៥នេះ ក្នុងជន្មាយុ៨៩វស្សា ដោយរោគាពាធ។ នេះបើតាមការបញ្ជាក់អោយដឹងលោក កឹម គុណវឌ្ឍ អគ្គនាយកទូរទស្សន៍ជាតិកម្ពុជា នៅលើហ្វេសប៊ុករបស់លោក នៅរសៀលនេះ គឺឧបាសិកា ឡោ លាងហ័ន ។

លោក កឹម គុណវឌ្ឍ បានបន្តថាៈ សពរបស់ឧបាសិកា ឡោ លាងហ័ន បានបញ្ជូនមកដល់គេហដ្ឋានរបស់ឧបាសិកាហើយ ស្ថិតនៅផ្លូវលេខ៣៣៤ សង្កាត់បឹងកេងកង១ ខណ្ឌចំការមន។ ក្នុងលោករដ្ឋមន្ត្រីនឹងភរិយាព្រមទាំងក្រុមគ្រួសារ បងប្អូនសាច់ញាតិមានទុក្ខជាទំងន់ចំពោះការបាត់បង់អ្នកមានគុណ ៕

ដោយ៖ សុខ ខេមរា