កំពង់ធំ៖បុរសម្នាក់ស្លាប់ដោយសារគាំងបេះដូង កាលពីវេលាម៉ោង ១២យប់ ថ្ងៃទី០៦ខែតុលាឆ្នាំ២០១៨នៅភូមិ ប្រាសាទ ឃុំព្រះដំរី ស្រុកស្ទោង ខេត្តកំពង់ធំ។
ជនរងគ្រោះ ឈ្មោះ សឿន សាំង ភេទប្រុស អាយុ ៤២ឆ្នាំនៅភូមិឃុំខាងលើ។តាមការបំភ្លឺពីឈ្មោះ សៀក រ៉េត ភេទស្រី អាយុ៤២ឆ្នាំ ជាប្រពន្ធបានបញ្ជាក់ថា:កន្លងមកប្តីគាត់មិនដែលឈឺធ្ងន់ធ្ងរទេ លុះដល់ថ្ងៃទី០៦ខែតុលាឆ្នាំ២០១៨ម៉ោងប្រហែល៥.៣០នាទីប្តីគាត់បានទៅលើកទ្រូនៅឯស្ទឹង ពេលត្រលប់មកវិញ ប្រាប់ថាគាត់មិនសូវ ស្រួលខ្លួនឈឺក្បាលក្តៅខ្លួនផ្តាសាយព្រោះមុជទឹកស្ទឹងជ្រៅពេកបន្ទាប់មកនៅម៉ោងប្រហែលប្រាំបួនព្រឹកគាត់បានកោសខ្យល់អោយ បន្ទាប់មកប្តីគាត់បានដើរលេងផ្ទះបងប្អូនជាធម្មតា រហូតដល់ម៉ោងប្រហែលប្រាំបីយប់ទើបចូលដេក ប្រលែងលេងនិងកូនៗរហូតដេកលង់លក់ នៅម៉ោងប្រហែល ១២ យប់គាត់លឺសម្លេងប្តីគាត់ គ្រុលៗ គាត់បានដាស់តែមិនដឹងខ្លួន គាត់បានហៅអ្នកជិតខាងអោយមកជួយតែប្តីគាត់ស្លាប់ទៅហើយ។
ក្រោយទទួលបានពត៌មាននៅម៉ោង៥.២0នាទីព្រឹកថ្ងៃទី០៧ខែតុលាឆ្នាំ០១៨សមត្ថកិច្ចជំនាញ សហការណ៍ជាមួយអាជ្ញាធរមូលដ្ឋាន ចុះដល់កន្លែងកើតហេតុដើម្បីពិនិត្យសពឃើញថាពុំមានស្លាកស្នាមអ្វីពាក់ព័ន្ធករណី ឃាតកម្មឡើយ ជនរងគ្រោះអាចស្លាប់បណ្តាលមកពីគាំងបេះដូងពិតមែនរួចប្រគល់សាកសពជូនសាច់ញាតិធ្វើបុណ្យតាមប្រពៃណី៕ ប៊ុនរិទ្ធី
