មណ្ឌលគិរី ៖លោកឧត្តមសេនីយ៍ទោទៀនសោភ័ណវង្សនាយរងសេនាធិការកងទព័ជើងគោកនិងនាយការិយាល័យព្រំដែនគោកបានដឹកនាំប្រតិភូជំនាញចុះមកសំណេះសំណាលនិងសួរសុខទុក្ខដល់នាយទាហាន . នាយទាហានរងនិងពលទាហាននៅវរសេនាតូចការពារព្រំដែនលេខ១០៣នៃតំបន់ប្រតិបត្តិការសឹករងមណ្ឌលគិរីកាលពីថ្ងៃទី៨ខែកក្កដា២០១៥នេះ។
ពិធីនោះមានការអញ្ជើញចូលរួម ពីលោកឧត្តមសេនីយ៍ត្រីឃិនម៉េងស្រេងមេបញ្ជាការតំបន់ប្រតិបត្តិការសឹករងមណ្ឌលគិរីរួមនិងតំណាងថ្នាក់ដឹកនាំយុទ្ធភូមិភាគទី១ជាច្រើននាក់ផងដែរ។
ក្នុងឨកាសនោះលោកឧត្តមសេនីយ៍ទោ ទៀន សោភ័ណវង្សបានពាំនាំការផ្តាំផ្ញើការសួរសុខទុក្ខពីសំណាក់ឯកឧត្តម.ឧត្តមសេនីយ៍ឯកមាសសុភាមេបញ្ជាការកងទ័ពជើងគោកដល់នាយ.នាយរងនិងពលទាហានវរសេនាតូចការពារព្រំដែនគោកលេខ១០៣និងបានដឹកនាំគ្រូឧទេស្ទនាមមកបើកវគ្គបណ្តុះបណ្តាលរៀនសូត្រជំនាញការពារព្រំដែនគោកផងដែរដល់នាយនិងពលទាហានដើម្បីបង្កើនចំណេះដឹងនិងមានជំនាញខាងព្រំដែនសម្រាប់បំរើការងារជូនអង្កភាពនិងប្រទេសជាតិ។
បន្ទាប់ពីបានស្តាប់បទបង្ហាញពីភូមិសាស្រ្តនិងសកម្មភាពការងាររបស់កងកម្លាំងវរសេនាតូចការពារព្រំដែនលេខ១០៣រួចមកលោកឧត្តមសេនីយ៍ទោទៀន សោភ័ណវង្សបានកោតសសើរដល់មេបញ្ជាការតំបន់ប្រតិបត្តិការសឹករងមណ្ឌលគិរីនិងមេបញ្ជាការវរសេនាតូចការពារព្រំដែនគោក១០៣ដែលបានខិតខំយកចិត្តទុក្ខដាក់ដឹកនាំបានល្អក្នុងការទប់ស្កាត់និងបង្ក្រាបបទល្មើសឆ្លងដែននិងការពារសន្តិសុខ សណ្តាប់ធ្នាប់បានល្អប្រសើរជាពិសេសការដើរល្បាតជាប្រចាំទប់ស្កាត់ជនជាតិ វៀតណាមព្រៃភ្នំដែលហៅថា(ម៉ុងតាញ៉ា)ទោះបីភូមិសាស្រ្តស្មុកស្មាញពិបាកដល់កងកម្លាំងដើរល្បាតក៍ដោយក៍ធ្វើឲ្យព្រំដែនរវាងខេត្តមណ្ឌលគិរីជាមួយខេត្តចំនួន៣នៃប្រទេសវៀតណាមក្លាយទៅជាព្រំដែនសន្តិភាព មិត្តភាព និងអភិវឌ្ឍន៍។ ដោយ ឦសាន
