ខេត្ដកំពង់ស្ពឺ៖ បុរសម្នាក់មានអាការ មិនស្រួលខ្លួននិងកោសខ្យល់ហើយបាន ហៅគ្រូពេទ្យនៅជនបទមកចាក់ថ្នាំ ក្រោយចាក់បានត្រដរខ្យល់ស្លាប់ភ្លាមៗ តែម្ដង ។ ក្រោយកើតហេតុគ្រូពេទ្យរូប នេះបានរត់គេចខ្លួនបាត់ស្រមោលហើយ ពេលនេះសមត្ថកិច្ចកំពុងតែតាមរក ចាប់ខ្លួន ។
ករណីនេះបានកើតឡើងកាលពីវេលាម៉ោង៤ទៀបភ្លឺថ្ងៃទី២៨ ខែវិច្ឆិកា ឆ្នាំ ២០១៥ ស្ថិតក្នុងភូមិជុំពូព្រឹក ឃុំជម្ពូ ព្រឹក ស្រុកឧដុង្គ ខេត្ដកំពត់ស្ពឺ ។
អ្នកភូមិបានឱ្យដឹងថា ជនរងគ្រោះ ឈ្មោះ ពន ធា អាយុ៣៣ឆ្នាំ នៅភូមិ-ឃុំ កើតហេតុខាងលើ ។ ចំណែកគ្រូពេទ្យ ដែលចាក់ថ្នាំឱ្យអ្នកជំងឺស្លាប់ហើយរត់ បាត់ឈ្មោះភឺន វណ្ណគា ភេទប្រុស អាយុ ៣៣ឆ្នាំ រស់នៅភូមិជាមួយគ្នា ។
ក្រុមគ្រួសារសពបានបំភ្លឺថា មុន ពេលកើតហេតុជនរងគ្រោះមានអាការមិនស្រួលខ្លួននបានឱ្យប្រពន្ធកោសខ្យល់ តែនៅមិមអន់ទើបហៅពេទ្យនៅក្នុងភូមិជាមួយគ្នាមកចាក់ថ្នាំ ។ ពេលនោះក្រុម គ្រួសារបានប្រាប់គ្រូពេទ្យថាជនរងគ្រោះទើបនឹងកោសខ្យល់ហើយតែគ្រូពេទ្យថា មិនអីទេ ។ បន្ទាប់មកគ្រូពេទ្យរូបនោះ បានយកថ្នាំមួយសឺរាំងមកចាក់។ ក្រោយ ចាក់ហើយមិនបានប៉ុន្មាននាទីផងជនរង គ្រោះក៏ត្រដរខ្យល់ប្រកាច់ស្លាប់ភ្លាមៗ តែម្ដង ។
ក្រោយកើតហេតុគ្រូពេទ្យរូបនោះ បានរត់គេចខ្លួនគេចខ្លួនបាត់ស្រមោលពីភូមិ ។ រហូតដល់នៅព្រឹកថ្ងៃដដែលនគរ បាលបានចុះទៅពិនិត្យសពជនរងគ្រោះ ដល់កន្លែងកើតហេតុ ។ រីឯក្រុមគ្រួសារ បានរៀបចំធ្វើបុណ្យតាមប្រពៃណី ។
ករណីនេះសាច់ញាតិជនរងគ្រោះបានទៅដាក់ពាក្យបណ្ដឹងនៅប៉ុស្ដិ៍នគរបាល ដើម្បីតាមចាប់ជនសង្ស័យជាគ្រូពេទ្យ ចាក់ថ្នាំបណ្ដាលឱ្យមនុស្សស្លាប់យកមក ផ្ដន្ទាទោសតាមច្បាប់ ។
តាមប្រភពព័ត៌មានពីអ្នកភូមិបានឱ្យដឹងថា គ្រូពេទ្យខាងលើមានបើកគ្លីនិក ឬឆ្លងកាត់សាលាពេទ្យអ្វីទេគឺចេះតៗគ្នាពីឪពុកម្ដាយដូចករណីគ្រូពេទ្យនៅភូមិ រកាខេត្ដបាត់ដំបងដែលចាក់ថ្នាំឱ្យអ្នក ជំងឺឆ្លងមេរោគអេដស៍អ៊ីពចឹងដែរ ៕
ដោយ៖ សេនាស័ក្ដិ
