ភ្នំពេញ៖ នៅក្នុងជំនួបពិភាក្សាការ ងារជាមួយសម្ដេចអគ្គមហាសេនាបតី*តេជោ ហ៊ុន សែន នាយករដ្ឋមន្ដ្រីនៃព្រះ រាជាណាចក្រកម្ពុជា គណៈប្រតិភូបច្ចេក ទេសនៃគម្រោងសាងសង់ពហុកីឡដ្ឋាន ជាតិមរតកតេជោបានរាយការណ៍ជូន សម្ដេចតេជោថា បន្ទាប់ពីរាជរដ្ឋាភិ បាលបានជ្រើសរើសយកជម្រើសសំណង់ ពហុកីឡដ្ឋានជាតិមរតកតេជោហើយ ក្រុមប្រឹក្សាបច្ចេកទេសបានរៀបចំកែ សម្រួលដាក់បញ្ចូលរចនាសម្ព័ន្ធផ្ការំដួល ដែលឆ្លុះបញ្ចាំងអំពីវប្បធម៌របស់កម្ពុជា នៅក្នុងពហុកីឡដ្ឋានជាតិនេះផងដែរ ។
លោក អ៊ាង សុផល្លែត ជំនួយការ សម្ដេចតេជោបានប្រាប់ឱ្យដឹងនៅក្រោយ ជំនួបថា គណៈប្រតិភូចិននៃគម្រោងសាង សង់ពហុកីឡដ្ឋានជាតិមរតកតេជោបាន រាយការណ៍ជូនសម្ដេចតេជោបែបនេះ កាលពីរសៀលថ្ងៃទី២៧ ខែវិច្ឆិកា ឆ្នាំ ២០១៥ នៅវិមានសន្ដិភាព ដែលដឹកនាំ ដោយលោកស្រី ពូ ជាំងគូ ឯកអគ្គរដ្ឋទូត ចិនប្រចាំនៅព្រះរាជាណាចក្រកម្ពុជា ។
ក្នុងការពិភាក្សានោះលោកស្រីឯក អគ្គរដ្ឋទូតចិនបានមានប្រសាសន៍ថា ពហុកីឡដ្ឋានជាតិនេះត្រូវបានសាងសង់ មានដំបូលដែលអាចចាំងពន្លឺ និងខ្យល់ ចេញចូលបានផង ដើម្បីធ្វើយ៉ាងណាឱ្យ មានពន្លឺ និងខ្យល់ត្រជាក់នៅក្នុងនោះ ដោយមានស្រះទឹកព័ទ្ធជុំវិញ ហើយអាច ទទួលទស្សនិកជនបានប្រមាណ៦ម៉ឺន នាក់ ។ ជារួមស្ថាបត្យកម្មពហុកីឡដ្ឋាន ជាតិមរតកតេជោនេះបានឆ្លុះបញ្ចាំងពី វប្បធម៌ខ្មែរពិតៗ និងបរិស្ថានបៃតង បន្ថែមដោយរចនានិងការធ្វើចរាចរណ៍ ដោយងាយស្រួល ។
ជាមួយគ្នានេះពហុកីឡដ្ឋានជាតិនេះ អាចធ្វើជាកន្លែងប្រគំតន្ដ្រី ការិយាល័យ ធ្វើការ កីឡាបាល់ទាត់ កន្លែងតាំងពិព័រណ៍ អត្ដពលកម្ម ។ ជាងនេះទៅទៀតអាច ជួលសម្រាប់ទាញយកកម្រៃដើម្បីយក មកថែទាំពហុកីឡដ្ឋានជាតិដោយខ្លួន ឯងផងដែរ ។
លោកស្រីឯកអគ្គរដ្ឋទូតបានបញ្ជាក់ ថា បើតាមគម្រោងសាងសង់ពហុកីឡ ដ្ឋានជាតិមរតកគ្រោងនឹងបញ្ចប់ការ សាងសង់ជាស្ថាពរនៅត្រឹមឆ្នាំ២០២០។
ជាការឆ្លើយតបសម្ដេចតេជោបាន មានប្រសាសន៍ថា ការជ្រើសរើសគំរូ ប្លង់ដោយយកលំនាំតាមរាងសំពៅគឺ មានមូលហេតុថា ប្រវត្ដិចិនធ្វើទំនាក់ ទំនងជាមួយបណ្ដាប្រទេសនៅក្នុងតំបន់ អាស៊ីអាគ្នេយ៍ដោយប្រើប្រាស់សំពៅ។ បន្ថែមលើសពីនេះទៀតយុទ្ធសាស្ដ្រថ្មី របស់ចិនគឺផ្លូវសូត្រសមុទ្រសតវត្សទី២១ រួមទាំងនយោបាយផ្លូវមួយ ខ្សែក្រវាត់ មួយផងដែរ ។ មូលហេតុនេះហើយបាន ជាសម្ដេចជ្រើសរើសគំរូប្លង់ជារូបសំពៅ។
សម្ដេចតេជោបានសម្ដែងអារម្មណ៍ រីករាយដែលក្រុមបច្ចេកទេសបានយក ចិត្ដទុកដាក់ទៅលើបញ្ហាសាងសង់ និង ថែទាំពហុកីឡដ្ឋានជាតិនេះ ។ សម្ដេច តេជោមានប្រសាសន៍បន្ដថា តាមបទ ពិសោធន៍កន្លងមកការសាងសង់គឺជា រឿងលំបាកមួយហើយ ប៉ុន្ដែការថែទាំ គឺជារឿងលំបាកមួយទៀត ៕
ដោយ៖ ហេង សូរិយា
