ខេត្ដស្វាយរៀង៖ បុរសម្នាក់ត្រូវ បានសមត្ថកិច្ចនគរបាលឃាត់ខ្លួនកាលពីថ្ងៃទី២៦ ខែវិច្ឆិកា ឆ្នាំ២០១៥ នៅភូមិ ចេក ឃុំកំពង់ចក ស្រុករំដួលពាក់ពន្ធ័ពី បទឆបោកប្រាក់ប្រជាពលរដ្ឋ៦២នាក់ ក្នុងខេត្ដស្វាយរៀង ។
លោកវរសេនីយ៍ទោ កែវ សុថា នាយ ការិយាល័យនគរបាលព្រហ្មទណ្ឌកម្រិត ស្រាលនៃស្នងការដ្ឋាននគរបាលខេត្ដ ស្វាយរៀងបានឱ្យដឹងថា ជនសង្ស័យមាន ឈ្មោះ លី ប៊ុនជឿន អាយុ៣៦ឆ្នាំ មុខរបរ មិនពិតប្រាកដ មានទីលំនៅក្នុងភូមិព្រះ ទន្លេ សង្កាត់សង្ឃ័រ ក្រុងស្វាយរៀងបាន ធ្វើសកម្មភាពឆបោកប្រជាពលរដ្ឋដោយ សន្យារកការងារឱ្យធ្វើនៅតាមបណ្ដា រោងចក្រក្នុងតំបន់សេដ្ឋកិច្ចពិសេស សានតុងក្រុងបាវិត។ ក្នុងនោះជនសង្ស័យ តម្រូវឱ្យប្រជាពលរដ្ឋក្នុងម្នាក់ចាប់ពី ២៥ដុល្លារហូតដល់៥០ដុល្លារ ។
ប្រភពបន្ដថា ក្រោយពេលយកលុយ ពីប្រជាពលរដ្ឋហើយនោះជនសង្ស័យ ខាងលើមិនបានរកការងារឱ្យធ្វើដូចបានសន្យានោះទេតែបែរជាយកលុយទៅ ចាយអស់ទើបប្រជាពលរដ្ឋកើតទុក្ខមិនសុខចិត្ដបានដាក់ពាក្យបណ្ដឹងឱ្យសមត្ថ កិច្ចជួយរកយុត្ដិធម៌ជូនពួកគាត់ ។
លោក កែវ សុថា បានបន្ថែមថា ប្រជាពលរដ្ឋដែលជនសង្ស័យឆបោកនោះមានចំនួន៦២នាក់ដោយមាន៤ស្រុក ផ្សេងគ្នាគឺស្រុកស្វាយជ្រំ ស្រុករំដួល ស្រុកកំពង់រោទ៍ និងក្រុងស្វាយរៀងសរុប ជាង២ពាន់ដុល្លារ ។
ជនសង្ស័យបានធ្វើសមកម្មភាពតាំងពីខែមីនា ឆ្នាំ២០១៥ រហូតដល់ថ្ងៃនេះ ទើបសមត្ថកិច្ចចាប់ខ្លួនជនសង្ស័យបាន។
បច្ចុប្បន្នជនសង្ស័យត្រូវបានសមត្ថ កិច្ចនគរបាលព្រហ្មទណ្ឌកម្រិតស្រាល កសាងសំណុំរឿងតាមនីតិវិធីបញ្ជូនទៅសាលាដំបូងខេត្ដស្វាយរៀងកាលពីវេលាម៉ោង២រសៀលថ្ងៃទី២៨ ខែវិច្ឆិកា ឆ្នាំ ២០១៥ ៕
ដោយ៖ យឹម សុថាន
