ស្ថានទូត​កូរ៉េ​រៀបចំ​មហោស្រព​ភាពយន្ដ​លើក​ទី​៩​នៅ​កម្ពុជា

ចែករំលែក៖

​ភ្នំពេញ​៖​ ស្ថានទូត​សាធារណរដ្ឋ​កូរ៉េ​ ប្រចាំ​នៅ​កម្ពុជា​បាន​ប្រកាស​បើក​មហោស្រព​ភាពយន្ដ​កូរ៉េ​លើក​ទី​៩​នៅ​កម្ពុជា​ហើយ​ កាលពី​រាត្រី​ថ្ងៃ​ទី​២៧​ ខែវិច្ឆិកា​ដែល​ធ្វើ​ ឡើង​នៅ​រោង​ភាពយន្ដ​លេ​ជេន​ស៊ី​នេ​ម៉ា​ ទួល​គោក​ក្រោម​ការ​ចូលរួម​ពី​មន្ដ្រីរ​ដ្ឋា​ ភិ​បាល​កម្ពុជា​ មន្ដ្រី​ស្ថានទូត​នានា​ប្រចាំ​ នៅ​កម្ពុជា​ផង​ដែរ​ ។​

IMG_0293

​មហោស្រព​ភាពយន្ដ​លើក​ទី​៩​ឆ្នាំ​ ២០១៥​នេះ​ត្រូវ​បាន​ស្ថានទូត​សាធារណ​ រដ្ឋ​កូរ៉េ​ប្រចាំ​នៅ​កម្ពុជា​ជ្រើសរើស​យក​ ស្នាដៃ​ចំនួន​៥​រឿង​របស់​អ្នកដឹកនាំ​រឿង​ដ៏​ ឆ្នើម​របស់​កូរ៉េ​គឺ​លោក​ លី​ ជន់​អ៊ី​ក​ (LEE​ JoonIk)​មក​ចាក់​បញ្ចាំង​ចាប់ពី​ថ្ងៃ​ទី​២៧​ ខែវិច្ឆិកា​ដល់​ថ្ងៃ​ទី​២៩​ ខែវិច្ឆិកា​នេះ​នៅ​រោង​ ភាពយន្ដ​លេ​ជេន​ស៊ី​នេ​ម៉ា​ទួល​គោក ​។​

​អ្នកដឹកនាំ​រឿង​វ័យ​៥៦​លោក​ លី​ ជន់​អ៊ី​ក​ (LEE​ JoonIk)​ បាន​បញ្ជាក់​ថា​ លោក​ពិត​ ជា​រំភើប​រីករាយ​ដែល​ស្ថានទូត​កូរ៉េរ​បាន​ ជ្រើសរើស​ខ្សែភាពយន្ដ​ទាំង​៥​រឿង​មក​ ដាក់​បញ្ចាំង​ក្នុង​មហោស្រព​ភាពយន្ដ​ លើក​ទី​៩​នេះ​។​ លោក​បន្ដ​ថា​កន្លង​មក​ លោក​ធ្លាប់​បាន​ដឹកនាំ​ខ្សែភាពយន្ដ​ចំនួន​ ១១​រឿង​មក​ហើយៗ​ខ្សែភាពយន្ដ​ទាំង​៥​ ដែល​យក​មក​ដាក់​បញ្ចាំង​នៅ​ពេល​នេះ​ មាន​ពីរ​រឿង​ជា​រឿង​បែប​ប្រវត្ដិសាស្ដ្រ​និង​៣​រឿង​ទៀត​ជា​ខ្សែភាពយន្ដ​បែប​សម័យ​ ទំនើប​បច្ចុប្បន្ន​ ។​

​លោក​បញ្ជាក់​ដែរ​ថា​ លោក​ចង់​ចែក​ រំលែក​បទ​ពិសោធន៍​ជាមួយ​ផលិតករ​នៅ​កម្ពុជា​ប្រសិនបើ​មានឱកាស​ណាមួយ​ អំណោយផល​ហើយ​លោក​ក៏​រំពឹង​ទុក​ដែរ​ថា​នឹង​មាន​ស្នាដៃ​ខ្សែភាពយន្ដ​ដែល​ផលិត​ រួម​គ្នា​រវាង​ផលិតករ​ខ្មែរ​នឹង​កូរ៉េ​នៅ​ពេល​អនាគត​ផង​ដែរ​ ។​

​រដ្ឋលេខាធិការ​ក្រសួង​វប្បធម៌​និង​វិចិត្រ​ សិល្បៈ​ លោក​ សោម​ សុគន្ធ​ ថ្លែង​ក្នុង​ ពិធី​ប្រកាស​បើក​នេះ​ថា​មហោស្រព​ភាពយន្ដ​គឺជា​ទីកន្លែង​ជួបជុំ​សម្រាប់​ឈ្វេង​ យល់​ផ្លាស់​ប្ដូរ​និង​ផ្ដល់​ការ​គោរព​គ្នា​ទៅ​ វិញ​ទៅ​មក​ហើយ​វា​គឺជា​ស្ពាន​ចម្លង​រវាង​ប្រជាជាតិ​មួយ​ទៅ​កាន់​ពិភពលោក​ក្នុង​ ការ​ផ្លាស់​ប្ដូរ​វប្បធម៌​ចំណេះដឹង​និង​បទ​ ពិសោធន៍​រវាង​មនុស្សជាតិ​ផង​ដែរ ​។​

លោក​លើក​ឡើង​ដែរ​ថា​ តាម​រយៈ​ស្នាដៃ​ ជំនាញ​បច្ចេកទេស​ផលិត​របស់​ផលិតករ​កូរ៉េ​នឹង​ផ្ដល់​ជា​គំរូ​ឱ្យ​ផលិតករ​ភាពយន្ដ​ កម្ពុជា​សិក្សា​ឈ្វេងយល់​រៀនសូត្រ​ដក​ ស្រង់​បទ​ពិសោធន៍​ល្អៗ​ជួយ​បង្កើន​សមត្ថភាព​យ​ដល់​ពួក​គេ​សម្រាប់​កសាង​ស្នាដៃ​ភាពយន្ដ​របស់​ខ្លួន​ឱ្យ​កាន់តែ​មានគុណ​ ភាពល្អ​ប្រសើរ​។​ លោក​បន្ដ​ទៀត​ថា​ ស្នា​ ដៃ​ខ្សែភាពយន្ដ​ទាំង​៥​រឿង​របស់​ផលិតករ​ខាងលើ​នឹង​ផ្ដល់​ឱកាស​ជា​ថ្មី​ម្ដងទៀត​ដល់​ទស្សនិកជន​ពិសេស​យុវជន​កម្ពុជា​ដើម្បី​ឱ្យ​ឈ្វេងយល់​កាន់តែ​ច្បាស់​ពី​វប្បធម៌​ ប្រពៃណី​ទំនៀមទម្លាប់​របស់​ប្រជាជន​កូរ៉េ​និង​ពី​ភាព​រីក​ចម្រើន​និង​ភាព​សម្បូរ​បែប​នៃ​ឧស្សាហកម្ម​ភាពយន្ដ​កូរ៉េ​។​ លោក​ ក៏​បាន​ថ្លែងអំណរគុណ​ចំពោះ​រដ្ឋាភិបាល​ និង​ប្រជាជន​កូរ៉េ​ដែល​បាន​ជួយ​ឧបត្ថម្ភ​ ចំពោះ​ក្រសួង​វប្បធម៌​និង​វិចិត្រសិល្បៈ​ ក្នុង​ការ​អភិរក្ស​ថែរក្សា​ការពារ​បេ​តក​ ភណ្ឌ​វប្បធម៌​ជាតិ​កម្ពុជា​ពិសេស​លើ​វិស័យ​ ភាពយន្ដ​ ។​

​លោក​រំពឹង​ថា​ ព្រឹត្ដិការណ៍​មហោស្រព​ ភព​យន្ដ​នេះ​នឹង​ក្លាយជា​ព្រឹត្ដិការណ៍​វប្ប​ ធម៌​ដ៏​សំខាន់​មួយ​និង​ទទួល​បានការ​គាំទ្រ​ពី​សាធារណជន​ដែល​និយម​គាំទ្រ​ភាព​ យន្ដ​កូរ៉េ​ ៕​

IMG_0298

IMG_0301

IMG_0291

...

ដោយ៖ វ​ឌ្ឍ​នា​

ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print