ឆក់មិនបានសម្រេចជិះម៉ូតូរត់ជ្រុលបុកឃឿនផ្លូវដួលត្រូវនគរបាលឃាត់បានម្នាក់

ចែករំលែក៖

ភ្នំពេញ​៖​ ជនសង្ស័យចំនួន២នាក់ជិះម៉ូតូមួយគ្រឿងធ្វើសកម្មភាពឆក់ការបូបពីនារីម្នាក់តែមិនបានសម្រេចហើយព្យាយាមជិះម៉ូតូគេចពីប្រជាពលរដ្ឋនៅចំណុចមុខណាហ្គា​ ស្ថិតក្នុងសង្កាត់ចតុមុខខណ្ឌដូនពេញ​ រហូតមកដល់ចំណុចខាងក្រោយមន្ទីរពេទ្យរ៉ុស្សី​ តាមបណ្តោយផ្លូវ៤៣០​ ស្ថិតក្នុងសង្កាត់ទំនប់ទឹក ខណ្ឌចំការមន​ក៏ជ្រុលបុកឃឿងផ្លូវបណ្តាលអោយដួលហើយត្រូវនគរបាលឃាត់បានម្នាក់ចំណែកម្នាក់ទៀតគេចខ្លួនបាត់។
ហេតុការណ៍​នេះបានកើតឡើងកាលពីវលាម៉ោង១២និង២០រំលងអាធ្រាត្រឈានចូលថ្ងៃទី២៣​ ខែតុលា​ឆ្នាំ២០១៨។ ជនសង្ស័យឈ្មោះសៀក​ សំណាង​ ភេទប្រុសអាយុ២៧​ ឆ្នាំ​ មុខរបរោងចក្រ​  ស្នាក់នៅសង្កាត់ស្ទឹងមានជ័យ​ ខណ្ឌមានជ័យ។
តា​មសាក្សីពីនគរបាលបានអោយដឹងថាមុនពេលកើតហេតុរូបគាត់កំពុងល្បាតក្នុងមូលដ្ឋានតាមដងផ្លូវលេខ៤៣០​ នៅខាងក្រោយមន្ទីរពេទ្យរ៉ុស្ស៊ីស្រាប់តែឃើញជនសង្ស័យចំនួន២នាក់ជិះម៉ូតូម៉ាកហុងដាឌ្រីម​សង់​ ស៊េរីឆ្នាំ២០១០​ ពណ៍ខ្មៅ​ ពាក់ស្លាកលេខភ្នំពេញ1CS 5088 ក្នុងល្បឿនលឿនមកជ្រុលបុកឃឿនផ្លូវបណ្តាលអោយដួលហើយភ្លាមនោះនសង្ស័យម្នាក់បានរត់ផ្លោះរបងមន្ទីរពេទ្យភេចខ្លួនបាត់ទើបមានការសង្ស័យឃាត់ខ្លួនជនសង្ស័យម្នាក់យកមកសួរនាំនៅប៉ុស្តិ៍នគរបាលរដ្ឋបាលទំនប់ទឹកតែម្តង។
ក្រោយឃាត់ខ្លួនកម្លាំងនគរបាលបានធ្វើការស្រាវជ្រាវទើបដឹងថាជនសង្ស័យខាងបានធ្វើសកម្មភាពឆក់កាបូបពីនារីម្នាក់តាមដងផ្លូវជិតណាហ្គាតែមិនបានសម្រេចត្រូវបានប្រជាពលរដ្ឋដេញរហូតមកដល់ក្រោយមន្ទីរពេទ្យរ៉ុស្ស៊ីទើបជ្រុលបុកឃឿនដួលតែម្តង។ ចំណែកជនរងគ្រោះមិនបានដាក់ពាក្យបណ្តឹងនោះទេដោយសារតែមិនមានបាត់បង់ទ្រព្យសម្បត្តិហើយក៏ជិះទៅបាត់ទៅ។
 បច្ចុប្បន្នជនសង្ស័យកំពុងឃុំខ្លួនបណ្តុះអាសន្ននៅប៉ុស្តិ៍នគរបាលរដ្ឋបាលទំនប់ទឹករងចាំកសាងសំណុំរឿងបញ្ជូនទៅអធិការដ្ឋានខណ្ឌចំការមនរងចាំចាត់ការបន្ត៕សុខាសែនជ័យ


ចែករំលែក៖
ពាណិជ្ជកម្ម៖
ads2 ads3 ambel-meas ads6 scanpeople ads7 fk Print