«ស៊ីសងភ្លាម» រុស្ស៊ីដាក់ទណ្ឌកម្ម អ៊ុយក្រែន , អ៊ុយក្រែនចាប់នាវាដឹកទំនិញរុស្ស៊ី

ចែករំលែក៖

ការ«ស៊ីសងគ្នា» ភ្លាមៗ និងធ្វើឲ្យទំនាក់ទំនង រវាង រុស្សីនិងអ៊ុយក្រែន កាន់តែតានតឹង ថែមទៀត ។នៅពេលនេះ អ៊ុយក្រែន បានឃាត់នាវាដឹកទំនិញ ពីរស្ស៊ី ដែលមានចំណុះ ដល់ទៅជាង ៣ពាន់តោន​​ ។​ការចាប់នាវាខាងលើ ត្រូវបានចាត់ទុកថា​ជាការសងសឹកទៅលើរដ្ឋាភិបាលទីក្រុងមូស្កូដែលបានដាក់ទណ្ឌកម្មទៅលើ ប្រទេសអ៊ុយក្រែន។

នៅថ្ងៃទី​២ខែវិច្ឆិកា ប្រធានរដ្ឋអាជ្ញាអ៊ុយក្រែន លោក​ Yuri Lutsenko ​បានប្រកាសឲ្យដឹងថា​ កម្លាំងទាហានប្រទេសនេះ បានឃាត់នាវាដឹកទំនិញមួយគ្រឿង ដែលដឹកទំនិញពីរុស្ស៊ីចូលទៅកាន់ប្រទេស ប៊ែលហ្សិច ដោយបានផ្ទុកទំនិញជាង ៣០០០តោន។

នាវាដឹកទំនិញរុស្ស៊ីត្រូវឃាត់ខ្លួន នៅទីក្រុងកំពុងផេន Mariupol ​ ។ លោក​ Yuri Lutsenko ​បន្តទៀតថា ទំនិញជាង ៣០០០តោនគឺផលិតនៅក្នុងរោងដែកថែម Alchesky ​ត្រូវបានបញ្ចូនពីកំពុងផែន មួយរបស់រុស្ស៊ី ទៅកាន់ប្រទេសប៊ែលហ្សិច ដោយនាវាដឹកទំនិញខាងលើបំពាក់ទងជាតិ ប្រទេស​Liberia ​ ហើយត្រូវបានចាប់ខ្លួននៅកំពុងផែ Mariupol ។ឮតាមការលើកឡើងរបស់ លោក​Yuri Lutsenko ​ សកម្មភាព ខាងលើ គឺបានបំពាន ច្បាប់ នឹងរងការចោទប្រកាន់ពីបទផ្តល់ហិរញ្ញវត្ថុ ដល់ក្រុមភេរវកម្ម។ ទទឹមនឹងនោះការចាប់នាវា រុស្សី ជាការសងសឹកទៅនឹងច្បាប់ ដាក់ទណ្ឌកម្មរបស់រុស្ស៊ីទៅលើប្រទេសអ៊ុយក្រេន ដែលនាយករដ្ឋមន្ត្រី Dmitry Medvedev ​បានអនុម័តកាលពីថ្ងៃទី​១ខែវិច្ឆិកា។ក្រៅពីនេះ រុស្ស៊ីក៏បានដាក់ទណ្ឌកម្ម ទៅលើបុគ្គល​៣២២រូប រួមទាំងក្រុមហ៊ុនចំនួន​៦៨ក្រុមហ៊ុនរបស់អ៊ុយក្រែនស្ថិតនៅក្នុងបញ្ជីខ្មៅ ។

នាយករដ្ឋមន្រ្តីរុស្ស៉ី លោក Dmitry Medvedev បានសម្រេចដាក់ទណ្ឌកម្ម​លើជនជាតិអ៊ុយក្រែនចំនួន៣២២នាក់ រួមជាមួយ​​​ក្រុមហ៊ុន-អង្គភាពរបស់អ៊ុយក្រែនចំនួន៦៨ទៀត ជុំវិញបញ្ហាជម្លោះយ៉ាងអូសបន្លាយរវាង​ទីក្រុងម៉ូស្គូនិងទីក្រុងកៀវ។ នេះបើតាម​ការ​ដកស្រង់ការផ្សាយចេញពីទីភ្នាក់ងារព័ត៌មានចិន ស៉ីនហួរ នៅយប់ថ្ងៃព្រហស្បតិ៍ ទី០១ ខែវិច្ឆិកា ឆ្នាំ២០១៨។

ទណ្ឌកម្មខាងលើដែលជាការបង្គាប់របស់ប្រធានាធិបតីរុស្ស៉ី លោក វ៉្លាឌីមៀ ពូទីន កាលពីខែមុន រួមមានការបង្កកទ្រព្យសម្បត្តិ​របស់​បុគ្គលនិងអង្គភាពដែលជាប់ក្នុងបញ្ជីខ្មៅ នៅក្នុងប្រទេសរុស្ស៉ី ព្រមទាំងបម្រាមលើការផ្ទេរប្រាក់របស់ពួកទាំងចេញពីប្រទេសរុស្ស៉ី​ជា​ដើម​។

គួរជម្រាបថា ទំនាក់ទំនង​រវាងប្រទេសទាំងពីរ បាននិងកំពុងបន្តធ្លាក់ចុះដុនដាប ចាប់តាំងតែពីដើមឆ្នាំ២០១៤ ដោយសារបញ្ហា​តំបន់​គ្រីមៀ និងជម្លោះប្រដាប់អាវុធនៅភាគខាងកើតអ៊ុយក្រែន។ ចាប់តាំងពីពេលនោះមក ទីក្រុងកៀវ បានដាក់ទណ្ឌកម្មជាបន្តបន្ទាប់​ប្រឆាំង​នឹង​ប្រទេសរុស្ស៉ី៕ សាធី

 


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print