ខេត្ដកំពង់ធំ៖ មានករណីផ្ទុះបំពង់ បង្ហូរហ្គាសមួយកាលពីវេលាម៉ោង៣និង៤៥នាទីរសៀលថ្ងៃទី២៨ ខែវិច្ឆិកា ឆ្នាំ ២០១៥ បណ្ដាលឱ្យមនុស្ស២នាក់រង របួសនិងបង្កការភ័យខ្លាចដល់ប្រជាពល រដ្ឋដែលរស់នៅជិតកន្លែងលក់ហ្គាសនិង ប្រេងសាំងដ៏ធំមួយនេះ ។
គួរបញ្ជាក់ថា ទីតាំងលក់ហ្គាសនិង ប្រេងសាំងកើតមានអគ្គិភ័យនេះស្ថិត នៅភូមិ-ឃុំអាចារ្យលាក់ ក្រុងស្ទឹងសែន ខេត្ដកំពង់ធំ ដែលមានយីហោ “វណ្ណថា ហ្គាស” ដោយគេដឹងថា មានម្ចាស់ពិត ប្រាកដឈ្មោះអ្នកស្រី សាយ សុវណ្ណថា និងប្ដីមានឋានៈជារដ្ឋលេខាធិការនៅ ក្រសួងមហាផ្ទៃ ។
តាមប្រភពនៅកន្លែងកើតហេតុបាន ឱ្យដឹងថា មុនពេលកើតហេតុកម្មករលក់ ហ្គាសនិងប្រេងសាំងនៅកន្លែងកើត ហេតុបានធុំក្លិនស្អុយហ្គាស ហើយមួយ សន្ទុះក្រោយមកក៏ឮសំឡេងផ្ទុះនិងចេញ អណ្ដាតភ្លើងយ៉ាងសន្ធោសន្ធៅតែម្ដង។ ភ្លាមៗនោះគេឃើញបុរសម្នាក់ឈ្មោះ*សាយ សុវណ្ណធី ជាប្អូនប្រុសម្ចាស់ដេប៉ូ លក់ហ្គាសនិងប្រេងសាំងនេះ ព្រមទាំង កម្មករម្នាក់ទៀតឈ្មោះ* ហួន គឹមហេង នាំគ្នាទាញបំពង់ពន្លត់អគ្គិភ័យបាញ់ តែ ភ្លើងមិនថមថយនោះទេ ។ បន្ទាប់មក គេឃើញរថយន្ដពន្លត់អគ្គិភ័យរបស់ សមត្ថកិច្ចចំនួន២គ្រឿងបានទៅជួយ បាញ់ពន្លត់ភ្លាមៗផងដែរ ហើយអគ្គិភ័យ នេះបានរលត់ទៅវិញដោយពុំបង្កការខូច ខាតនិងប៉ះពាល់ដល់ផ្ទះបងប្អូនប្រជា ពលរដ្ឋដែលរស់នៅក្បែរកន្លែងលក់ ហ្គាសនិងប្រេងសាំងនេះទេ*។
សមត្ថកិច្ចបានឱ្យដឹងទៀតថា នៅក្នុង គ្រោះអគ្គិភ័យនេះបណ្ដាលឱ្យឈ្មោះ ហួន គឹមហេង ភេទស្រី អ*ាយុ២០ឆ្នាំ ជាកម្ម ករ និងឈ្មោះ* សាយ សុវណ្ណធី ភេទប្រុស អាយុ២១ឆ្នាំ ជាប្អូនប្រុសថៅកែលក់ ហ្គាសនិងប្រេងសាំងរងរបួសផងដែរ ។
បើតាមកម្មករម្នាក់នៅកន្លែងលក់ សាំងហ្គាសខាងលើនេះបានឱ្យដឹងដែរថា ក្រៅពីបង្កឱ្យមានអ្នករបួសអគ្គិភ័យក៏ បានឆាបឆេះបំផ្លាញចង្ក្រានហ្គាសចំនួន ១០, កង្ហារនិងឧបករណ៍បូមហ្គាសមួយ ចំនួនទៀត ។ ប្រភពពីកម្មករដដែលនេះ បានឱ្យដឹងថា មូលហេតុដែលនាំឱ្យមាន អគ្គិភ័យកើតឡើងដោយសារតែធ្លាយ ហ្គាសហើយខណៈនោះប្អូនប្រុសថៅកែ ឈ្មោះ សាយ សុវណ្ណធី បានយកដុយទៅ ដោតព្រ៊ីភ្លើងបណ្ដាលឱ្យបែកផ្កាភ្លើងផ្ទុះ ឆេះបង្កឱ្យមានអគ្គិភ័យតែម្ដង ។
ប្រជាពលរដ្ឋរស់នៅជិតស្ថានីយលក់ ប្រេងនិងហ្គាសដ៏ធំនេះបាននិយាយថា នេះសំណាងដែលពន្លត់បានទាន់ពេល វេលាប្រសិនបើមិនអាចពន្លត់បានទេ ហើយអគ្គិភ័យបានឆេះរាលដាលផ្ទុះធុង ហ្គាសនិងស៊ីទែនសាំងនោះគេជឿថានឹង ត្រូវបំផ្លាញផ្ទះប្រជាពលរដ្ឋជាច្រើនមិន ខាន ។
ទាក់ទិននឹងទីតាំងលក់ហ្គាសនិងប្រេង សាំងនេះដែរ លោក អ៊ឹម សុឌីណា ប្រធានសូរិយោដីខេត្ដបានប្រាប់ឱ្យដឹងថា ស្ថានីយលក់ប្រេងសាំងនិងហ្គាសខាងលើ នេះគឺបានសាងសង់ដោយគ្មានច្បាប់អនុ ញ្ញាតនោះទេ ។ កន្លងទៅខាងមន្ដ្រីជំនាញ សុរិយោដីបានចុះហាមឃាត់ពេលសាង សង់ចំនួន២លើករួចមកហើយ តែម្ចាស់ មិនព្រមឈប់នោះទេដោយសារតែម្ចាស់ ស្ថានីយមួយនេះអាងអំណាចទើបមន្ដ្រី របស់លោកមិនអាចហាមឃាត់បាន ។
ទាក់ទិននឹងអគ្គិភ័យឆេះស្ថានីយខាង លើនេះនិងទីតាំងសាងសង់គ្មានច្បាប់ ទម្លាប់ អ្នកយកព័ត៌មាននគរវត្ដមិន អាចរកការពន្យល់ពីអ្នកស្រី សាយ សវណ្ណថា ម្ចាស់ស្ថានីយលក់ប្រេងសាំង និងហ្គាសបានទេ ខណៈដែលប្រជាពល រដ្ឋរស់នៅក្បែរស្ថានីយខាងលើនេះទទួច សុំឱ្យលោកអភិបាលខេត្ដពិនិត្យទីតាំង លក់សាំងហ្គាសនេះឡើងវិញបើមិន ដូច្នោះទេថ្ងៃក្រោយពួកគាត់នឹងរងគ្រោះ ថ្នាក់ដោយសារទីតាំងលក់ហ្គាសសាំង ដែលអាចបង្កអគ្គិភ័យគ្រប់ពេលមិនខាន ឡើយ ៕
ដោយ៖ ប៊ុន រិទ្ធី
