អាមេរិកកាន់តែខឹងខ្លាំងឡើង ក្រោយរុស្ស៊ីផ្តល់ជំនួយដល់គុយបា ជាថ្នូរលក់អាវុធ

ចែករំលែក៖

អាមេរិកខឹងខ្លាំងណាស់ បន្ទាប់​រុស្ស៊ីបានសម្រេចផ្តល់ជំនួយ សម្រាប់ទិញអាវុធដល់ប្រទេសគុយបា ក្នុងពេលដែលអាមេរិកបង្កើនទណ្ឌកម្ម ដល់ប្រទេស​នេះ បើទោះបីមានការអំពាវនាវពីអន្តរជាតិឲ្យអាមេរិក លុបទណ្ឌកម្មសេដ្ឋ​កិច្ចដល់គុយបាក្តី។

នៅក្នុងដំណើរទស្សនកិច្ចទៅកាន់រុស្ស៊ីរបស់មេដឹកនាំគុយបា លោក​​Miguel Diaz Canel​កាល​ពីថ្ងៃទី​២ ខែវិច្ឆិកា ទទួលបានការគាំទ្រនឹងផ្តល់ជំនួយ ជាទឹកប្រាក់​៥០លានដុល្លារ​ដើម្បីទិញ សម្ភារៈយោធាពីរុស្សី ។ តាមគម្រោងគុយបា នឹងទិញរថពាសដែក រថក្រោះ ឧទ្ធម្ភគចក្រ និង​អាវុធធុនស្រាលពីប្រទេសរុស្ស៊ី ។

នៅក្នុងជំនួបពិភាក្សាកាលពីថ្ងៃទី​២ ខែវិច្ឆិកា មេដឹកនាំគុយបា លោក​ Diaz Canel​និងប្រធានា​ធិបតីពូទីនបានចុះកិច្ចព្រមព្រៀង សហប្រតិបត្តិការយុទ្ធសាស្ត្រ ។

សារព័ត៌មាន Sputnik ​បានផ្សាយថា នៅក្នុងសេចក្តីប្រកាសរួម មេដឹកនាំទាំងពីរ បានថ្កោល​ទោសដល់ការដាក់ទណ្ឌកម្មជាឯកតោភាគីពីអាមេរិក ដោយសំអាងថា និងបង្កឲ្យមានអស្ថិរភាព។

នៅក្នុងដំណើរទស្សនកិច្ចទៅកាន់រុស្សី ក្រៅពីមេដឹកនាំគុយបាននៅមានប្រធានរដ្ឋសភា និង​ព្រឹទ្ធសភា ។ ជាមួយគ្នានោះមេដឹកនាំគុយបាបានអញ្ជើញប្រធានាធិបតីពូទីនទស្សនកិច្ច គុយបានៅឆ្នាំ​២០១៩ខាងមុខនេះ ។

នេះជាលើកទីមួយហើយ ដែលមេដឹកនាំគុយបា លោក​ Diaz Canel​បានបំពេញទស្សនកិច្ចទៅ​កាន់រុស្ស៊ី ក្នុងនាមជា​ប្រមុខដឹកនាំជាន់ខ្ពស់គុយបា​។  មុនពេលទស្សនកិច្ចទៅកាន់រុស្ស៊ីលោក​Diaz Canelក៏បានទស្សនកិច្ចក្រៅផ្លូវការទៅកាន់ប្រទេសបារាំង  ដោយជួបពិភាក្សាជាមួយ នាយករដ្ឋមន្ត្រីបារាំង លោក​ Edouard Philippe ។

លោក​Diaz Canelនឹងចាកចេញពីរុស្សី​នៅរសៀលថ្ងៃទី​៣ ខែវិច្ឆិកា ដោយបន្តដំណើរទៅកាន់ប្រទេសចិន វៀត​ណាម ឡាវ និងកូរ៉េ ខាងជើង ។

ដំណើរទស្សនកិច្ចរបស់មេដឹកនាំគុយបាកើតឡើងក្រោយពេលដែល អង្គការសហប្រជាជាតិ​បានចេញសេចក្តីសម្រេច ថ្កោលទោសអាមេរិក ដែលបានដាក់ទណ្ឌកម្ម សេដ្ឋកិច្ច ប្រទេស​គុយបា  ។ទទឹមនឹងនោះអង្គការសហប្រជាជាតិបានស្នើឲ្យអាមេរិក លុយទណ្ឌកម្ម និងកែប្រែ ខ្លឹមសារនៃការរិះគន់ថា គុយបានរំលោភសន្ធិមនុស្ស ៕ ម៉េវ សាធី

...


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print