ខេត្ដពោធិ៍សាត់៖ អ្នកឡើងត្នោត ម្នាក់បានប្រទះឃើញក្មេងស្រីជំទង់ម្នាក់ ត្រូវគេវាយសម្លាប់ផ្កាប់មុខនៅកណ្ដាលស្រែកប់ក្នុងដើមស្រូវបង្កឱ្យមានការ ភ្ញាក់ផ្អើលដល់សមត្ថកិច្ចកាលពីព្រឹកថ្ងៃទី២៩ ខែវិច្ឆិកា ឆ្នាំ២០១៥ ស្ថិតនៅក្នុង ភូមិសារៀង ឃុំស្រែស្ដុក ស្រុកកណ្ដៀង ខេត្ដពោធិ៍សាត់ ។
ដំបូងសមត្ថកិច្ចមូលដ្ឋានបានសន្និ ដ្ឋានថា ក្មេងស្រីរងគ្រោះត្រូវឃាតក សម្លាប់ក្រោយពីចាប់រំលោភនាងរួច ដើម្បីបំបាត់ភស្ដុតាង ។ ក៏ប៉ុន្ដែក្រោយពី មន្ដ្រីនគរបាលជំនាញធ្វើកោសល្យវិច័យបានសន្និដ្ឋានថា ការស្លាប់របស់ក្មេងស្រី រងគ្រោះពុំមែនជាករណីជនដៃដល់ចាប់ រំលោភសេពសន្ថវៈនោះទេ តែគឺជាការ សម្លាប់ព្រោះរឿងគំនុំ ។ ការណ៍ដែល សមត្ថកិច្ចសន្និដ្ឋានបែបនេះដោយផ្អែក តាមការអះអាងរបស់ក្រុមគ្រួសារក្មេង*ស្រីរងគ្រោះថា កាលពី១៥ឆ្នាំមុនក្នុង គ្រួសារម្ដាយក្មេងស្រីរងគ្រោះមានសមាជិកត្រូវគេសម្លាប់ដូច្នេះដែរ ។
មន្ដ្រីនគរបាលព្រហ្មទណ្ឌកម្រិតធ្ងន់ នៃស្នងការដ្ឋាននគរបាលខេត្ដពោធិ៍ សាត់បានបញ្ជាក់ថា ក្មេងស្រីរងគ្រោះ ត្រូវជនដៃដល់ប្រើបង្អោងដើមឫស្សី សម្រាប់ឡើងត្នោតវាយក្បាលនិងមុខ សម្លាប់រួចអូសសពកាត់ស្រែប្រមាណ ជា៣០០ម៉ែត្រហើយជាន់ពន្លិចនៅក្នុង ដើមស្រូវកណ្ដាលវាលស្រែ ។
បើតាមក្រុមគ្រួសារក្មេងស្រីរងគ្រោះប្រាប់សមត្ថកិច្ចថា ក្មេងស្រីរងគ្រោះ ដែលត្រូវជនដៃដល់សម្លាប់ឈ្មោះ សៅ*សុខ អាយុ១៤ឆ្នាំ មានទីលំនៅក្នុងភូមិ-ឃុំកើតហេតុខាងលើ។ នៅមុនពេលកើត ហេតុនិងជារៀងរាល់ថ្ងៃនាងតែងតែទៅ*មើលទូរទស្សន៍នៅផ្ទះបងប្អូនចាប់ពី ម៉ោង៦ល្ងាច ហើយមានថ្ងៃខ្លះម៉ោង ១០-១១យប់ទើបនាងត្រឡប់មកផ្ទះវិញ។ នៅយប់កើតហេតុមិនឃើញនាងត្រឡប់ មកផ្ទះដូចសព្វដងនោះក្រុមគ្រួសារក៏ បាននាំគ្នាដើររកតែរកមិនឃើញ។ លុះ ព្រឹកឡើងទើបមានការភ្ញាក់ផ្អើលខណៈ ដែលអ្នកទៅឡើងត្នោតប្រទះឃើញ ស្បែកជើងនិងកង់របស់ក្មេងស្រីរងគ្រោះដែលជិះទៅមើលទូរទស្សន៍ហើយបាន ដើរមើលតាមស្នាមដើមស្រូវដែលបាក់ក៏ប្រទះឃើញសពបង្កឱ្យមានការភ្ញាក់ ផ្អើលតែម្ដង ។
ក្រុមគ្រួសារក្មេងស្រីរងគ្រោះបានប្រាប់ សមត្ថកិច្ចដែរថា កាលពី១៥ឆ្នាំមុនប្ដី ដើមម្ដាយក្មេងស្រីរងគ្រោះត្រូវគេលួច សម្លាប់ ហើយម្ដាយរបស់ក្មេងស្រីរង គ្រោះបានយកប្ដីក្រោយមួយទៀតទើប បានក្មេងស្រីរងគ្រោះនេះ ។
តាមសមត្ថកិច្ចបានសន្និដ្ឋានដែរថា ក្មេងស្រីរងគ្រោះអាចត្រូវជនដៃដល់ ចាប់នាងខ្ទប់មាត់ពេលចុះពីមើលទូរ ទស្សន៍ទៅបត់ជើងតូចឬក៏ជិះកង់ត្រឡប់ មកផ្ទះវិញ ។
ផ្អែកតាមការបំភ្លឺខ្លះៗពីក្រុមគ្រួសារ ក្មេងស្រីរងគ្រោះនេះសមត្ថកិច្ចជំនាញ បានសន្និដ្ឋានជាបឋមថា មូលហេតុ ដែលនាំឱ្យជនដៃដល់សម្លាប់ក្មេងស្រីរង គ្រោះគឺដោយសាររឿងគំនុំសួពូជកាលពី ១៥ឆ្នាំមុន ។ យ៉ាងណាក៏ដោយករណីនេះ សមត្ថកិច្ចនឹងស៊ើបអង្កេតស្រាវជ្រាវ ដើម្បីវែកមុខជនដៃដល់ចាប់ខ្លួនយក មកផ្ដន្ទាទោសទៅតាមច្បាប់ ។
រហូតមកដល់រសៀលថ្ងៃទី៣០ ខែ វិច្ឆិកា ឆ្នាំ២០១៥ តាមមន្ដ្រីនគរបាល ព្រហ្មទណ្ឌកម្រិតធ្ងន់នៃស្នងការដ្ឋានខេត្ដ ពោធិ៍សាត់ឱ្យដឹងថា ជនដៃដល់ជាឃាត កសម្លាប់ក្មេងស្រីរងគ្រោះសមត្ថកិច្ច មានពន្លឺខ្លះៗហើយៗកំពុងស្វែងរកចាប់ ខ្លួនយកមកផ្ដន្ទាទោសតាមច្បាប់ ៕
ដោយ៖ ប៉ឹម ពិន
