ភ្នំពេញ : កំលាំងនគរបាលនគរបាលអគ្គនាយកដ្ឋានអន្តោប្រវេសន៍បើកប្រតិបត្តិការចុះឃាត់ខ្លួនជនជាតិវៀតណាម១១នាក់ មានស្រី៦នាក់ទៀតហើយនៅក្នុងហាងកាហ្វេ និងខារ៉ាអូខេ ៣ទីតាំងកន្លែងក្បែរគ្នានៅម្តុំផ្សារកណ្តាលក្រោយពេលរកឃើញថា មិនមានលិខិតស្នាមចូលមករស់នៅក្នុងប្រទេសកម្ពុជា ។
ប្រតិបត្តិការធ្វើឡើងកាលពីរសៀលថ្ងៃទី៨ ខែកក្កដា ២០១៥ នៅតាមបណ្តោយ ផ្លូវលេខ១៣ ស្ថិតក្នុងសង្កាត់ផ្សារកណ្តាលទី១
ខណ្ឌដូនពេញ។
បើតាមប្រធាននាយកដ្ឋានសើុបអង្កេត អនុវត្តន៍និតិវិធីនៃអគ្គនាយកដ្ឋានអន្តោប្រវេសន៍ លោកឧត្តមសេនីយ៍ទោ អ៊ុក ហៃសីឡា បាននិយាយថា
ជនជាតិវៀតណាមចំនួន១០នាក់ ត្រូវបាននាំខ្លួនទៅកាន់អគ្គនាយកដ្ឋានអន្តោរប្រវេសន៍ ដើម្បីសាកសួរនិងរៀបចំបែបបទចាត់បញ្ជូនទៅកាន់ប្រទេសកំណើតវិញ ។
គួរបញ្ជាក់ថាចាប់ពីពាក់កណ្តាលឆ្នាំ២០១៤រហូតមកទល់និងពេលនេះ អគ្គនាយកដ្ឋានអន្តោប្រវេសន៍បានចាប់ខ្លួនជនជាតិបរទេស៤២សញ្ជាតិ ដែលចូលមករស់នៅកម្ពុជា គ្មានច្បាប់ត្រឹមត្រូវ បញ្ជូនទៅប្រទេសកំណើតវិញបានជិត៣០០០នាក់ ។
ក្រោយបញ្ចប់ប្រតិបត្តិការ ជនជាតិវៀតណាមប្រុសស្រីចំនួន១១នាក់ត្រូវបាននាំខ្លួនតាមរថយន្តសុីរែ៉នដឹកបញ្ជូនឆ្ពោះទៅកាន់អគ្គនាយកដ្ឋានអន្តោរប្រវេសន៍មុខព្រលានយន្តហោះអន្តរជាតិភ្នំពេញដើម្បីសាកសួរ៕
