ប្រទេសបារាំង៖ កាលពីថ្ងៃទី២៨ ខែវិច្ឆិកា ឆ្នាំ២០១៥ ក្រុមគណៈកម្មាធិ ការគណបក្សប្រជាជនកម្ពុជាប្រចាំ ប្រទេសបារាំងបានជួបជុំគ្នាដើម្បីពិភាក្សាពង្រឹងគណបក្សនៅប្រទេសបារាំងដឹកនាំ ដោយលោក នុត ណារ៉ាង ប្រធានសាខា គណបក្សប្រជាជនកម្ពុជាប្រចាំប្រទេស បារាំង និងមានការចូលរួមពីប្រធាន សាខាគណបក្សប្រជាជនកម្ពុជាតាម បណ្ដាទីក្រុងប្រទេសបារាំង ដើម្បីលើក ឡើងពីបញ្ហាប្រឈមមួយចំនួនសម្រាប់រកដំណោះស្រាយដោយមានការចូលរួមពីសំណាក់ប្រតិភូយុវជននៃគណបក្ស ប្រជាជនកម្ពុជាពីប្រទេសកម្ពុជាដឹកនាំ ដោយលោកបណ្ឌិត ហ៊ុន ម៉ាណែត ប្រធាន ក្រុមការងារចាត់តាំងរៀបចំយុវជនគណបក្សប្រជាជនកម្ពុជានៅក្រៅប្រទេស ។
ដោយឡែកនៅពេលល្ងាចលោក បណ្ឌិត ហ៊ុន ម៉ាណែត បានប្រកាសបញ្ចូល សមាជិកសមាជិកាយុវជននៃគណបក្ស ប្រជាជនកម្ពុជានៅប្រទេសបារាំងចំនួន ប្រមាណ២០០នាក់ ។
ក្រុមយុវជនដែលត្រូវបានប្រកាស ចូលជាសមាជិកយុវជនថ្មីនៃគណបក្ស ប្រជាជនកម្ពុជាបានប្ដេជ្ញាគាំទ្រគណបក្សប្រជាជនកម្ពុជាដែលរាជរដ្ឋាភិបាល កម្ពុជាបានដឹកនាំអភិវឌ្ឍប្រទេសកម្ពុជាមានការរីកចម្រើនមានកិត្ដិស័ព្ទនៅលើ ឆាកអន្ដរជាតិដោយមានភាពស្មើមុខ ស្មើមាត់និងមានការជឿទុកចិត្ដយ៉ាង ខ្លាំងពីប្រជាពលរដ្ឋកម្ពុជា និងបានបោះ ឆ្នោតគាំទ្រគណបក្សប្រជាជនកម្ពុជាជារៀង រហូតមកដើម្បីដឹកនាំនាវាកម្ពុជា ។
នៅរសៀលថ្ងៃទី២៨ ខែវិច្ឆិកា នោះដែរ លោកបណ្ឌិត ហ៊ុន ម៉ាណែត បានជួប សំណេះសំណាលជាមួយក្រុមនិស្សិតខ្មែរដែលកំពុងរៀននៅប្រទេសបារាំង ។ នៅ ក្នុងឱកាសសំណេះសំណាលនោះដែរ ក្រុម និស្សិតបានជម្រាបលោកបណ្ឌិត ហ៊ុន ម៉ាណែតអំពីផលវិបាកខ្លះៗពីការសិក្សា នៅក្នុងប្រទេសបារាំង ហើយលោកបណ្ឌិត ហ៊ុន ម៉ាណែត ក៏បានក្រើនរំលឹកដល់ សិស្សនិស្សិតខ្មែរជំនាន់ក្រោយឱ្យខិតខំ រៀនសូត្រដើម្បីបំពេញចំណេះវិជ្ជារបស់ខ្លួននៅក្រៅប្រទេសឱ្យទទួលបានជោគ ជ័យនិងវិលទៅបម្រើការងារជូនប្រទេសជាតិវិញ ។
ក្នុងឱកាសនោះដែរលោកបណ្ឌិត ហ៊ុន ម៉ាណែត បានផ្ដល់អនុសាសន៍ដល់ និស្សិតខ្មែរទាំងអស់ដែលកំពុងសិក្សានៅប្រទេសបារាំងត្រូវខិតខំសិក្សា ពីព្រោះ ប្អូនៗគឺជាទំញំងស្នងឫស្សីនៅពេលអនាគត នឹងជួយផ្សព្វផ្សាយវប្បធម៌អរិយធម៌ ខ្មែរដល់ប្រទេសនានាក្នុងពិភពលោក ឱ្យគេបានស្គាល់ពីប្រទេសកម្ពុជាហើយ ត្រូវចូលរួមធ្វើសកម្មភាពល្អៗជួយសង្គមនិងប្រទេសរបស់ខ្លួន ។
លោកបណ្ឌិតក៏មានប្រសាសន៍អំពី ការកែទម្រង់ប្រព័ន្ធអប់រំនៅប្រទេសកម្ពុជាដើម្បីពង្រឹងសមត្ថភាពសិស្សនិងនិស្សិតកម្ពុជានៅតាមគ្រឹះស្ថានឧត្ដមសិក្សា ដើម្បីប្រកួតប្រជែងទីផ្សារការងារ ។
លោក បណ្ឌិត ហ៊ុន ម៉ាណែតបានមាន ប្រសាសន៍ពីការអភិវឌ្ឍសេដ្ឋកិច្ចកម្ពុជាមានការរីកចម្រើនលើគ្រប់វិស័យតាម គោលការណ៍លទ្ធិប្រជាធិបតេយ្យ ។ ក្រុម និស្សិតខ្មែរទោំងអស់បានយល់ដឹងកាន់តែច្បាស់ពីប្រទេសកម្ពុជាដែលដឹកនាំដោយសម្ដេចអគ្គ មហាសេនាបតីតេជោ ហ៊ុន សែន នាយក រដ្ឋមន្ដ្រី ។
នៅក្នងដំណើរអញ្ជើញទៅសួរសុខទុក្ខប្រជាពលរដ្ឋនិងនិស្សិតខ្មែរនៅប្រទេស បារាំងនោះលោកបណ្ឌិត ហ៊ុន ម៉ាណែត បានដឹកនាំគណៈប្រតិភូចូលរួមពិសា អាហារសាមគ្គីជាមួយប្រជាពលរដ្ឋ និង និស្សិតខ្មែរប្រមាណ៤០០នាក់និងមាន ការចូលរួមពីសំណាក់សមាជិកសភា បារាំងនិងមន្ដ្រីអាជ្ញាធរបារាំងចូលរួម ផងដែរ ។
លោកបណ្ឌិត ហ៊ុន ម៉ាណែត បានមាន ប្រសាសន៍បំភ្លឺអំពីការចោទប្រកាន់មួយចំនួនជូនដល់ប្រជពលរដ្ឋនិងនិស្សិតខ្មែរ នៅប្រទសបារាំងបានដឹងនិងយល់ឱ្យច្បាស់និងកុំចាញ់បោកការឃោសនាអកុសលនានាដែលតែងតែធ្វើឡើងមួលបង្កាច់ រាជរដ្ឋាភិបាលកម្ពុជា ។
នៅក្នុងការជួបជុំពិសាអាហារនៅ យប់ថ្ងៃទី២៨ ខែវិច្ឆិកានោះដែរ សមាជិក សភាបារាំងបានមានប្រសាសន៍បញ្ជាក់អំពីកិច្ចសហប្រតិបត្ដិការរវាងកម្ពុជា នឹងបារាំងនិងពីការយកចិត្ដទុកដាក់លើ ប្រជាពលរដ្ឋខ្មែររស់នៅប្រទេសបារាំង ។
ក្នុងឱកាសទទួលទានអាហារសាមគ្គី នោះដែរមានការរៃអង្គាសបរិច្ចាគថវិកាតាមរយៈលោក ហ៊ុន ម៉ាណែត ដើម្បីយក មកជួយឧបត្ថម្ភដល់មន្ទីរពេទ្យគន្ធបុបា្ជ នៅក្នុងប្រទេសកម្ពុជាផងដែរ ។
ដោយឡែកលោកនុត ណារ៉ាង ឯកអគ្គ រាជទូតខ្មែរប្រចាំនៅប្រទេសបារាំងមាន ប្រសាសន៍ថា វត្ដមានរបស់លោកបណ្ឌិត ហ៊ុន ម៉ាណែត នៅប្រទេសបារាំងបានធ្វើ ឱ្យប្រជាពលរដ្ឋនិងនិស្សិតខ្មែរនៅប្រទេសបារាំងមានភាពកក់ក្ដៅ ៕
