ស្ដ្រី​ម្នាក់​ជាន់​មីន​ផ្ទុះ​របួសធ្ងន់​ពេល​ដើរ​រក​បេះ​ផ្កា​ព្រៃ​ថ្វាយ​ទេវតា​ថ្ងៃសីល

ចែករំលែក៖

ខេត្ដពោធិ៍សាត់​ ៖​ ស្ដ្រី​ម្នាក់​បាន​ជាន់​មីន​ផ្ទុះ​បណ្ដាល​ឱ្យ​របួសធ្ងន់​ ខណៈ​ចូល​រក​ កាច់​ផ្កា​ព្រៃ​ដើម្បី​ថ្វាយ​ទេវតា​នៅ​ថ្ងៃសីល​ ហើយ​ត្រូវ​បាន​ក្រុម​គ្រួសារ​បញ្ជូន​ទៅ​សង្គ្រោះ​នៅ​ក្នុង​មន្ទីរពេទ្យ​នៃ​ប្រទេស​ថៃ​។​ ​ករណី​ស្ដ្រី​រង​គ្រោះ​ជាន់​មីន​ផ្ទុះ​របួស​ ធ្ងន់​ខាងលើ​នេះ​បាន​កើតឡើង​កាលពី​ វេលា​ម៉ោង​១១​ព្រឹក​ថ្ងៃ​ទី​៨​ ខែកក្កដា​ ឆ្នាំ​ ២០១៥​ នៅ​ភូមិ​សង្គម​ថ្មី​ ឃុំ​ថ្មដា​ ស្រុក​ វាល​វែង​ ខេត្ដពោធិ៍សាត់​ ។​ ​ បើ​តាម​អ្នក​ភូមិ​ឱ្យ​ដឹង​ថា​ ស្ដ្រី​រង​ គ្រោះ​ឈ្មោះ​ ភាន​ សុភាព​ អាយុ​៣៧​ឆ្នាំ​ ជា​កសិករ​ រស់នៅ​ភូមិ​-​ឃុំ​កើតហេតុ​ ខាងលើ​ ។​ បើ​តាម​នគរបាល​ការពារ​វរ​ព្រំដែន​ លេខ​៨២៥​ដែល​ឈរជើង​នៅ​ទីនោះ​បាន​ ឱ្យ​ដឹង​ថា​ ស្ដ្រី​រង​គ្រោះ​បាន​រង​របួស​សុះ​ សាច់​ តែ​ចំណុច​ដែល​សំខាន់​នៅ​ភ្នែក​ និង​ជើង​ទាំង​សងខាង​ ។​ ​ ប្រភព​ពី​មន្ដ្រី​ដដែល​មិន​បាន​អះអាង​ ឱ្យ​ដឹង​នៅឡើយ​ទេ​ថា​ មីន​ដែល​ស្ដ្រី​រង​ គ្រោះ​ជាន់​ផ្ទុះ​របួស​នេះ​ជា​ប្រភេទ​មីន​អ្វី​ ឡើយ​ ប៉ុន្ដែ​មិនមែន​ជា​ប្រភេទ​មីនតោន​ នោះ​ទេ​ ដែល​អាច​សង្ស័យ​ថា​ជា​មីនកង្កែប​ សល់​ពី​សម័យ​សង្គ្រាម​ ។​ ការ​សន្និដ្ឋាន​ បែប​នេះ​ព្រោះ​ប្រសិនបើជា​មីន​ប្រភេទ​ ខ្នាត​ធំ​ ម្ល៉េះ​ស្ដ្រី​រង​គ្រោះ​អាច​នឹង​ស្លាប់​ សូ​ម្បី​បំណែក​សាកសព​ក៏​ត្រូវ​ខ្ទេច​គ្មាន​ សល់​ដែរ​ ។​ ​បើ​តាម​នគរបាល​មូលដ្ឋាន​ឱ្យ​ដឹង​ថា​ ស្ដ្រី​រង​គ្រោះ​គ្រាន់តែ​រង​របួសធ្ងន់​ប៉ុណ្ណោះ​ ប៉ុន្ដែ​មិន​សន្លប់​នោះ​ទេ​ ហើយ​ពេល​ក្រុម​ គ្រួសារ​បញ្ជូន​ទៅ​សង្គ្រោះ​នោះ​ស្ដ្រី​រង​ គ្រោះ​នៅ​អាច​និយាយ​បាន​ ។​ ដូច្នេះ​ស្ដ្រី​ រង​គ្រោះ​អាច​ឆ្លង​ផុត​គ្រោះថ្នាក់​នៅ​ពេល​ ដែល​ក្រុម​គ្រួសារ​បញ្ជូន​ទៅ​សង្គ្រោះ​ ៕​ ប៉ឹម​ ពិន

2 (1)

1

3

...

4


ចែករំលែក៖
ពាណិជ្ជកម្ម៖ Naza Wedding Planner ads2 ads3 ambel-meas ads5 ads6 scanpeople ads7 fk Print