ភ្នំពេញ ៖ នៅថ្ងៃទី១៦ ខែវិច្ឆិកា ឆ្នាំ២០១៨ នេះ គឺ ជារយៈពេលមួយឆ្នាំគត់នៃការរំលាយគណបក្សសង្គ្រោះជាតិ ដោយតុលាការកំពូល យោងតាមពាក្យបណ្តឹងរបស់ក្រសួងមហាផ្ទៃ ។
លោកឌិត មុន្ទី ប្រធានតុលាការកំពូល អមដោយសមាជិកក្រុមប្រឹក្សា៨រូបទៀត នៃសភាពេញអង្គតុលាការកំពូល សម្រេច៤ចំណុច ៖
ទី១.ទទួលពាក្យបណ្ដឹង ចុះថ្ងៃទី៦ ខែតុលា ឆ្នាំ២០១៧ របស់ក្រសួងមហាផ្ទៃ ។
ទី២.រំលាយ គណបក្សសង្គ្រោះជាតិ ។
ទី៣.ហាមឃាត់បុគ្គលថ្នាក់ដឹកនាំគណបក្សសង្គ្រោះជាតិចំនួន១១៨នាក់ ដូចមានក្នុងបញ្ជីរាយនាមឧបសម្ព័ន្ធ១ ចុះថ្ងៃទី១៣ ខែវិច្ឆិកា ឆ្នាំ២០១៧ និង បញ្ជីរាយនាមបន្ថែមចុះថ្ងៃទី១៥ ខែវិច្ឆិកា ឆ្នាំ២០១៧ ភ្ជាប់ជាមួយសាលដីកានេះ មិនឱ្យធ្វើសកម្មភាពនយោបាយសម្រាប់រយៈពេល៥ឆ្នាំ គិតពីកាលបរិច្ឆេទនៃការប្រកាសសាលដីកានេះ ។
ទី៤.សាលដីកានេះជំនុំជម្រះ និង ប្រកាសជាសាធារណៈ នៅថ្ងៃទី១៦ ខែវិច្ឆិកា ឆ្នាំ២០១៧ ដោយបិទផ្លូវតវ៉ា ៕ចេស្តា
